باشین آلیب گئدیر یوللار
هر کس قاییدارکن،یوللار هئچ قاییتماز
گئتدیم بو یولو بیر گون اوتوبوسلا
بیر داهادا دؤنمدیم
یوللاردا تکر ایزلری تک
بیر ایز قالدی اورییمده
بیر داها قاییدانمادیم
اورییمده کی ایزسه
یول سالیب گئدیر
اوتوراق دویغولارین
سیگارا دومانیندا عصیانیدیر
یاشام
او آندا هر سورونون جاوابی بیر شی
هر عصیانین سونوجو
اوچوب
یوخلوغون درین آنلامین قازانماقچوخ شئی لری
اونوتقانلیقلارا تاپیشیردیم
پاییز آخشامیندا
آغاجلار
یارپاقلارین
یئله
تاپیشیران کیمی
آلت بیلینجیمده ده یوخلوغا تاپیشیرسایدیم!
کیم بیلیر
آغاجلارین بیلینج آلتیندا
بیر شئی وار یا یوخ؟
باشین آلیب گئدیر یوللار
هر کس قاییدارکن،یوللار هئچ قاییتماز
اوتوبوسلا گئتدیم بو یولو بیر گون
بیر داهادا دونمدیم
یوللاردا تکر ایزلری تک
بیر ایز قالدی اورییمده
بیر داها قاییدانمادیم
اورییمده کی ایزسه
یول سالیب گئدیر
یاشانیرکن یاشام
آغاجلار چیچکلنیرمیش
اؤلو کؤلگه لر دیریلیب
بئینیمده یئنی بیر سامان یولو
یول سالیرمیش
دونیالار فیشقیریرمیش بئیینلردن
یاشانیرکن
اتوم، باریش، ساواش
هر شئی بیر ایپلیکدن آسیلی
سون نوقطایی تاپینجا
آنلامسیزلاشیرمیش هر شئی
نه ایسه یئنه پلاستیک گوللر بئله اومود بئجریرمیش
کوسگون بوجاقلاردا
مینلر ایلدی داریخیرمیش بشر یاشاماقدان
داریخیرمیش یوخلوق اوچون
سولسادا گوللر
باشاریرمیش بیر داها بوی آتماغی یاشام
مینلر ایلدی دایانسین بو یاشام
دئییلیر
مینلر ایلدی یاشانیر بو یاشام
"گورورسن داها اوچماغا قانادیم یوخ"
گورورسن داها اوچماغا قانادیم یوخ
قو قوشلارینین آراسیندا...
گولوم! سئوگی شعرینین شاعیری
گرک کیشی اولا
اولماسا، هر شی آلت اوست اولار
آیریلیق یئتیشنه قدر
باغ داها باغ اولمایاجاق،ائو ده ائو
گوروش ده گوروش
اومودسوزلوغوموزو آيري –آيري ياشاماقدانسا
بير آرايا گلديك
من سنه مرزه لري
سن منه آغ ريحانلاري سئچدين
پايلاشديق دوشونجه لريميزي
هردن ائوين قارانليق بوجاغينا
هردن كپنكلي گونشه وورولدوق
قورخونج مطلقلردنسه
بالا جا نسبيت لره سيغينديق
ياشامين دوامين اؤيرنمك اوچون
هردن پنجره دن ائشييه باخديق
سن مني، من سني
داشيياماديق
آيري-آيري بير بيريميزي داشيديق
بوش شهرين، سيلينميش جغرافيانين
وورغونونا گلديك
اما گئنه ده اومودسوزلوغوموزو گؤزلجه ياشاديق
پنجره نين ائشيگينده كي ياشام
جغرافياميزلا اوست اوسته دوشمدي
من سنين
سن منيم اورگيمده
خريطه لر ياراتديق
من سنه
سن منه
سفيرلر گوندرديق
يئني بير آنلاشما يا قول آتديق
آلقيشلار....
اومودسوزلوغوموزو آيري-آيري ياشاماقدانسا
بير آرايا گلديك
پوست مودئرن
آلا بولا
قاريشيق
تصادوف
بلكه بير گون كيريخيب
اليندن ياپيشديم
دولدورورام چانتالاريمي
گئديرم بوردان
بير
ايكي
اوچ چانتا
نه قدر چوخوموش يالقيزليغيم
( انسان يالقيز اولدوغو زامان بوتون ماسكه لري ييرتيب آتير و بو چوخ گؤزل بير باشاريدير.)
«جسارت»
بعضي جسارتلر بو قدريميش
كيفلنميش كئچميشله
قارين دويورماق
گئدنلره
حسرت شعريني يازماق
اؤلولره يازماق
چوخ راحات بير ايش
من سنه يازيرام
سئوگي شعريمي
اؤلولره اؤلوم
اولورسا اولسون
ديري سئودالارا
هر زامان ياشام
«اللرين»
آتيل - باتيل چرشنبه
آتيليرام چيلپاق اودلاردان
تيترك آلوولاريلا
توتور اته ييمدن
چكيرم اليندن
اليمي
هله ياناجاغام
«سئوگي»
داش دوشدو دوشونجه لريميز
شهرين باشينا
سونرا
شهرين قاداسي
دوشدو سئوداميزين جانينا
سئومك لعنته گلمك ميش
سئوديك
آللاهين لعنتينه گلديك
«يئني سوزلوك»
تنقيديم وار سؤزلوكلره
يئني بير سؤزلوك يازيرام
يازماغي پوزماق
پوزماغي يازماق
گتيره جه يم
