پیرداغی

پیر داغی مراسیمینن سونرابیچینه گئدردیلر
بیچین
قیلان التی،سحر ساعت 10 قیلان التی(صبحانه) وئریلردی ،سوت،قیماخ،چای،پنیرسوتلو کوکه سفره ده اولاردی،آخشام قویونلاری ساغاردیلار سوتون قیزدیریب سوت یاغلی اوز باغلاردی ،قیماغی کوکه نین اوزونه وئرردیلر سحر قیلان آلتی سفره سینده بیچینچیلر یئماخدا اولاردیلار
ناهار عیران و چورک(آبدوغ)  اولاردی ایتستینین قاباغیندا یاپیشاردی،عیرانا خیار،کالیش دوغرادیلار
آخشام اذانا ایکی-اوچ ساعت قالاندا نشدولوق nəşdoluq  وئریلردی.نشدولوخدا پنیر چورک و یا یاغلی کوکه اولاردی

گئنه آغلاتدي مني،خان چوبانين آغلاماسي

سارانين سئل‌لره بئل باغلاماسي

يوخ ،قئييد شهريار اصلاح ائله، شعري بئله ياز:

بتر آغلاتدي مني ،ورزقانين لاخلاماسي

آلوار آلتيندا ازيلميش ،اوشاغين آغلاماسي

خسته يورقون مريضين،يوللارا بئل باغلاماسي

دوزدي هر بير يارانين درماني وار،اولسا طبيب

نئجه آرام اولار اؤلسه آنانين تك بالاسي!

 

قایناق شخصلر:قايناق شخصلر:عبدالحسين شهريوري 75 ياشلي ساوادسيز

فاطمه حبيبي 65 ياشيندا ساوادسيز

جلال شهريوري 33 ياشيندا زير ديپلم

پیر داغیندا خان چوبان سئچمه: بو مراسم تاریخ یعقوبی ده یازیلیب

1-چاپار خبر گتیرير دوشمن بو کنده باسقین ائدجک، بوتون عایله وارلیق‌لاریني گوتوروب پیر داغینا چیخیرلار، دوشمن گلیر کندی بوش گؤروب داغدا اولدوقلاریني بیلیر، آتلیلار داغا هجوم چکیر، داغ آتلارین آیاقلارینین آلتیندا پولادا دونوركن اونلار زويوب یخیلیرلار. آتلیلاریني چوخو دوشوب اولور،دوشمن داغین طلسم اولدوغون بیلیب قورخودان گئري چكيليب قاچیر.

2-سیّدلرین توتوب اولدوروردولر،باجی- قارداش سید پیر داغینا پناه گتیریرلر. داغ اونلاری قورویوب اؤلومدن قورتاریر. عؤمور................

توپلایان رحیم قابل نژاد

کیوی کندین تانیاق

توپلایان:رحیم قابل نژاد

قایناق شخصلر:قربان گل محمدزاده،عضو شورا،1339 ایلینده کیویده دوغولوب

اصغرایرانی  56یاشیندا دوغوم یئری کیوی بوکدده یاشاییر ابتدایی ساوادی وار

کیوی= اریکلیق

كيوي كندي، هريس‌ين خواجه بخشينين موازغ‌خان كندينين شمال طرفينده يئرلشيب. كند تبریزین 45کیلومترلیقیندا دیر، بورايا گئتمک اوچون تبریز-اهر یولوندا خوجادان، ورزقان یولونا ساري دؤنوب، سرند کندینین باش طرفیندن گون‌باتانا ساري کیویه 5 کیلومتر یول وار.

کندینین اورتاسینادا بیر تپه وار اهالی اورا قلعه(قالا) دئیرلر،کندین ائو-ائشیکلری قلعه‌نین گون باتان، گون چیخان، گوزئیینده دوزه‌لینیب، باغ- باغچا‌لار قلعه‌نین اطرافیندا ................

بوکند اوجا داغلارین آراسیندا‌دیر.

اصغرایرانی  56یاشیندا دوغوم یئری کیوی بوکدده یاشاییر ابتدایی ساوادی وار

قجر: تپه‌لرین اوجا نقطه‌سی

قجرلرین آلدلاری: بویوک قجر (پیرداغی)، آرا قجر، قاتیر یاتاغی، بالا میز، داش دربند، اسدگونئیی، آغ یول، کرمهار گوزئیی، کرمهار گونئیی، دمیرچی یوردو، شیخ احمد، اوشاد قجری، حاچا (قاریاتاغی) مینددول، جاجيخلي، قره‌قوش يوالاري، شئرْآلي اوچن، منگير، قره‌گوزئي، خوجالي يوردو، شاه‌وئردي، قلعه، قروولخانا و ...

 دیرلی اوتلاقلاری اولدوغونا گؤره قویون سورولری ایلین چوخ آیلاریني اوتلاقلاردا اوتلایار، ائله اونا گؤره ده اتلری، سوتدن اله گلن يئمه‌لي‌لري يوكسك کیفیتلی اولار. داواررینين یونو یوموشاق اولدوغونا خالچا توخوماق اوچون اويغوندور.

توپلایان:رحیم قابل نژاد

اهالي‌نين ال ایشلریندن اؤرنكلر: خالچا، کیلیم، جئجیم، ایپ جوراب (ایکی ایپلی، اوچ ایپلی)، الجک، آت اوستونه اورکن، بویون شالی، بئل شالی و...

سرین سولو چئشمه‌لر: قوشا چئشمه، آغ چئشمه‌لر، هفته چئشمه، سکی چئشمه، کوخونی کهریزی، کلبه رضا چئشمه‌سی،شاتی چئشمه‌سی.

کندین ايچمه‌لي سویو آغ چئشمه‌لریندن گلير.

توپلایان:رحیم قابل نژاد

ائل قایدالاری آتابابا سوزلرینده

قایناق شخص:ایرانی

چایین بیری قایدادی

ایکیسی جانا فایدادی

اوچون ایچدین هوسدی

دوردون ایچدین دای بسدی،

گئددی بئشه                قوی اون بئشه

بوز ناغیلی

قایناق شخص:ذکرعلی نوید 38 یاشلی کیویده آنادان اولوب

یازان:رحیم قابل نژاد

بیر گون واریدی بیر گون یوخیدی الله دان سونرا هئچ کیم یوخیدی،بیر ار-آرواد واریدی،بولارین بیر اینکلری واریدی،اینیی ائوده سوواراردیلار،قیش گونیدی هر یئر بوزباغلامیشدی،آرواد دئییر:کیشی سو گتیرمک چتیندی اینیی آپار چایدا سوئرایچسین،کیشی دئییر:هر یئر بوزدی اینک زوور  قول-قیچی سینار،آرواد زورلار کیشی دورار اینیی آپارار چایدا سو ایچیدرر قایداندا بوز اوستونده زوور قیچی ....

روخسارا ناغیلی

قایناق شخص: فاطمه حبيبي 65 یاشیندا

بیر گون واریدی بیر گون یوخیدی الله دان سونرا هئچ کیم یوخیدی، بیر گلین-قاینانا واریدی،گلین حامله یمیش قاینانا دئییر جهره اییر،گلین دئییردی بوگون اشنبه دی بیرگون دئییرمیش چرشنبه دی،گونی- گونه ساتیرمیش ائو ایشی گورموردی.

گون اون گون اولور گلین گلیر دوغوما،قاینانا دئییر هاا ایشله میردین، اشنبه-چرسنبه باجی گلسین سنه کمکلیق ایله سین قویار چیخار گئدر.

یازان:رحیم قابل نژاد

توپلايان:رحيم قابل نژاد   90 اينجي گونش ايل

قايناق شخصلر:عبدالحسين شهريوري 75 ياشلي  ساوادسيز

                     فاطمه حبيبي   65 ياشيندا      ساوادسيز

                    جلال شهريوري    33 ياشيندا     زير ديپلم

پیرداغی آرزیلار داغی

جومه آخشامی سحر یوخودان دوردوق،خانیم لازیم اولان لاری حاضیرلامیشدی چادیردان توتوب یئر آلما-سوغان....... بیلدیم هرنه اولورسا اولسون بوگون پیرداغینا گئتملییک ائشیتمیشدی کیمسه اوداغدان هر نه ایسترسه تئزلیکده ایسته دیگينه یئتیشیر،بیلمدیم بالارینین خوشباخلیغین،نوه لرینین ساغلیغینان بویا-باشا چاتماغین یادا اهو گوزلي* خسته قارداشینین تئزلیکده ساغلیغینا قووشماسین اوداغدان ایستیجک،بیلیرم اوزونه هئچ بیر شئی ایسته مز.