قورخو گورکمی.....
قورخو گورکمی...
بیر الیم عطش بیر الیم سوسوز
گوزلرینده سن گوز گولر سایاق
آی قارانلوغون قورخو گورکمی
هئچ بیر آن اولمادین منه دایاق
توزلو گوز گونو کیم گلر سیلر؟
گل دانیش، باریش، گل ائوپوش، گوروش...
ایسته دیم دئییم :قان قوسور گوزوم
گل بو سئوگی دن: سن دئدین: سوروش
هئچ بینمه دین ماوی گویلری
باغلارین دوگون یام - یاشیلار
هرنه چالدیلار سن اوینادین
گاه کامانچایا،گاه سازا،تارا
گوزگو گوسته ریر،ایرینی،دوزی
گوزگونون اوزون سیل،تمیز-تمیز
آی بو دنیادا چیرکین اوزلولر
گوزگونو نییه سیندیریر سینسیز؟!
دری دالمادان دردی آنلادیم
ایندی درد منیم اوزلویوم اولوب
غصه،غم،کده ر،نیسگیل آغلاماق
قوشقو قوشمادا،سوزلویوم اولوب
سوسقون اولمادان،سوسمارام اینان
هم گوزوم گولور،هم دیلیم ئییر
آما قوی دئییم بیر قوچاق ایگید
هیچ دیریلمه ییر،هیچ ده اولمه ییر...!
+ نوشته شده در جمعه بیستم دی ۱۳۹۲ ساعت 12:12 توسط سحرناز
|
