المدونه الرسمیه لکافه عشایر میاح

سلام علیکم ابن عمی.

نحن میاح الشحمان فی مدینه الشوش بیت شیخ کاظم الشویع میاحی.

و فی اول مدخل مدینه الشوش منطقه به اسم شیخ اشویع میاحی و احنا میاح الشحمان تقریبا 350 زلمه. و معروفین فی المنطقه شوش. والان شیخ میاح الشحمان فی مدینه شوش(سوس) و شاوور و هفتپه(سبع احجار) و عبدالخان شیخ کاظم الشویع و نرجوا منک اتجیب اسمنا و اتعرفنا ویه عمامنا میاح و نفتخر بیک و کل میاحی

حیاکم الله عمامنا 

 وصلنا خبر وفاه  زعیم حموله میاح  بیت بکان

المرحوم حاج حیسن  البکان المیاحی 

نطلب من الله الرحمه و المغفره له

 و ندعو من الجمیع الاخوان المشارکه فی تشیع فی یوم الثلاثاء 1/10/1394 الشمسیی

فی قریه الویمی

 نیابتا عن عمامی میاح بیت حی شویل

اعزی عمامی بیت بکان بفقدان المرحوم  و نطلب من الله الغفران له

انا لله و انا الیه راجعون

نعزی کل میاح فی ایران محافظه خوزستان بی وفات علی الناصر‏(‏ ابو سعید‏)‏ المیاحی کبیر عشیرة میاح بیت غباش فی مدینه العلم و الادب هویزه و آخر دعوانا ان الحمد لله رب العالمین و صلاة و سلام علی محمد و ال محمد‏(ص

 نیابتا عن عمامی میاح بیت حی شویل

اعزی عمامی عشیرة میاح بیت غباش بفقدان المرحوم  و نطلب من الله الغفران له

‏

بـــســـــــــم اللــــــه الرحمـــن الرحــيــــــم
تـــــــــعـــــــزيـــــــــــــــة.......
يــــتـــقــــدم الشيــــــــــخ ثــايــــــر مــغـــيـــر الشحمــانــــــي
شيخ عشائر مياح في محافظة ديالى باحر التعازي واصدق المواساة وبقلوب مثقله بالالم ومؤمنه بقضاء الله الى عائله أّلَــشُــيِّــخ جياد المياحي بوفاه أّلَــشُــيِّــخِ مهدي جياد شيخ عشائر مياح في محافظه البصره. سائلاً الله تعالى ان يتغمد الفقيد العزيز بواسع رحمته ويسكنه فسيح جناته 

 بسم الله الرحمن الرحيم
(( كُلُّ نَفْسٍ ذَآئِقَةُ الْمَوْتِ ))
سقط نجمٌ لامع من سماء قبيلة مياح برحيل الشيخ مهدي جياد المياحي
شيخ عشائر مياح في البصره 

فمن هنا نیابتا عن عشیایر میاح الاهواز کافه و تعزیه خاصه من  

عشایر میاح الشحمان 

میاح بیت حی اشویل و میاح بیت عیسی السلطان  

و نقول لهم 

انا لله وانا اليه راجعون

وصلتنا رسایل عدیده و یطلبون منا معزوفات من الراحل 

و نبشرکم انشاالله عن قرب لدیه تطبیق اندروید خاصه للفنان و تحتوی علی 

حیات الفنان 

معزوفات  الفنان..... 

انتظرونا

انتقل الى رحمة الله تعالى عمي المرحوم الشيخ دلف مغير الشحماني في تأريخ ١٣/١٢/٢١٠٤ شقيق  الشيخ ثاير مغير المياحي شيخ عشائر مياح في محافظة ديالى ومحافظات الشمال
الفاتحة

الشاعر المرحوم عبدالله  المیاحی

المایتعب عله روحه ولاحس 

خذت حگه الزلم واگف ولاحس 

ایحشم بل سلف ماکو ولاحس 

اسکتومنک یابوافعال الردیه

-

خله ملح فوگ الجرح ینضر 

اورب الخالق الاکوان ینضر 

اعتقدکلمن یضرالناس ینضر 

ایضل ابمرض ولعله خفیه

-

احبابی چنت اباشرها ویلها 

اشبیدي ولوکت عنی ویلها 

الگلب مقهورچابیمن ویلها 

لهانی افراگهم وگطعوبیه

-

اشگد انهت وگل الگلب مابس 

حبیبی وخل یرك ابضلع مابس 

خدن غیر خدك ابد مابس 

انته وما یعز غیرك علیه

-

اهل یلی علیک الدمع هملاي 

حبیبی من اهملک عاد هملاي 

شفت محبوب من محبوب هملاي 

الا البد وفه وذاته ردیه

-

تهده یاچبیرالبخت والشان 

وعله الباطل تلم غارات وشان 

ابضنک لو تثورالفشگ وشان 

عرفت الحگ من الباطل سویه

-

الغبرماگله اناابسري ولبنه

خبیث وماصفه مایه ولبنه 

عسه ماسیس ابدیره ولبنه 

وشبه سائل یدورابکل ثنیه

-

قسم بل حجه المعبد وطافت 

بعدك مایلذمنزل وطافت 

اموت وتشتعل ناري وطافت

روحی ومن تعوداتعودلیه

-

یحگلی لوگطعت الخطر ولفاي 

علیه ولایلذلی وطن ولفاي

مره اتموت روحی ابذچر ولفاي 

اوتحیی امن گول ایعودلیه

و لمزید من الاشعار یمکنکم زیاره مدونه دیوان صوت الاهواز

احب اوصل لحد حیکم وضیفه 

ابعلمکم علمی اوسعنه وضیفه 

فضل ماینحسب منی وضیفه 

ازور ابیوتکم یهل الحمیه

.... 

خوتی الگطع ماتنفع دخلهه 

اجنبت ماحفظت الشارد دخلهه 

الشامت جدراسهامه دخلهه 

ابگلبی والیریده صاربیه

-

البیت تمجیدللفنان علوان الشویع

شبه علوان لایمکن حصلنه

اهوه ذچرچان النه حصلنه 

الیامه بس بگت النه حصانه 

افکروهم والعله خفیه

یگلبی تاهمینک وانته خالی 

ابرده وانه خلیلک وانته خالی 

یاهوالی نخیته وانته خالی 

یگلی اگوه الحمل خله علیه

-

همه المرض ماخله ولاباس 

وقمیص الحزن فصلی ولاباس 

عله الزنین امدایدي ولاباس 

ولاخوان مابیهم تچیه

-

اکدماطول بیه انگل قداماي 

احس ابسیر واحسبهم قداماي 

الوهمی یطگ مرمرقداماي 

ضاب وجره برض الله السعیه

-

گلبتک عله سابع وثامن 

اطمعی وتکرب الحرثه وثامن 

قیس بل حچی واحچی وثامن 

الیذب احچایته ایطیح ابهبیه

-

حسبی ویاك من واحد وثامن 

علیش اتخرب ابگاعی وثامن 

انصحک لوردت تحچی وثامن 

تذب احچایتک بیهه المنیه

-

یاهوالی مثل گلبی جدلهم 

اکرام ودوم للصاحب جدلهم 

خصرکلمن یزامطکم جدلکم 

البخت بیهم مهم اهل الحمیه

-

تلفت الناس بلسانک ولکتوب 

ادیه اعجزن من فعلک ولکتوب 

الله ایگول الک فرصه ولکتوب 

یرحمک لوخذت منه الوصیه

-

وحگ الی نجه یونس علینه 

حملک لوثگل ذبه علینه 

اسئلک بل کرم احنه علینه 

نشیل اعله الصحیب ابهل المنیه

-

اکرهه الیکره الخوان والبد 

الیزامط لایدورایحوروالبد 

اصلح لویهیم ابارض ولبد 

ولاغیبه تلوحه ابهل دنیه

-

علیچ ازهوردم عینی وهلبی 

طارش لولفه منچ وهلبی 

اتراب الحدکون احضروهلبی 

اهیلنه وتشب نیران بیه

-

مرضی ماسده عله ایهود وسلام 

اومااصحه ترانی بعد وسلام 

بالله ارجوك یامن رحت وسلام

وگلهم بل عجل گبل المنیه

-

مرضی المالفه اعله اسلام ویهود

وردت لحظه الگلب یرتاح ویهود

یاهوالی وعدلی ابوعد ویهود

یگلی ابشرولک منه علیه

-

اشکال اشکال راوانه زمنه

الشامت یدفع ابچتنه زمنه

عجزکل الزمن وحنه زمنه

سریع السیروصبح بل ثنیه

-

یخوتی جیتکم محد ودانی

اورحمک اثرابگلبی ودانی 

نخیت الغرب ماطلعو ودانی 

گلت اعضاي بل بیهم تچیه

-

الصاحب دوم اقدرنه وحیله 

طمع ویاه ماعندي وحیله 

طارش لولفه منه وحیله 

اگله ابشرولک منه علیه

-

الزمان اشکال یاصاحب ورانه 

تجدم یل چنت تمشی ورانه 

شبشهه ویسئل اشصایرورانه 

خبیث ومطلع من کل قضیه

-

ابقضی یانارگلبی ولهسانی 

اوعله الولع دلیلی ولهسانی 

شروط الهه المحبه ولهسانی 

الیخون ابصاحبه ذاته ردیه

-

علمنی زمانی احروف ونسه

وعله حالی بچت رضعان ونسه 

انه الچنت للخوان ونسه 

اوهسه اناعلیل اشلون بیه 

-

الخوه دوم اقدرهه وهلهه 

وکتن دمعتی الهه وهلهه 

ذکرت ایام عشرتهم وهلهه 

شبه الحلم چن مرت علیه

- 

الدنیه ماتظل لحد ودامت 

وکل زین العله القبره ودامت 

انشدك حل جمع هاذه ودامت

لبوالطیبات یاوسفه اشبدیه

-

بعدکم ماوصلت البیت ودار

الوکت منی عزیزالروح ودار

راح الیلفظ الیاقوت ودار

اختفه حدرالارض تحت الوطیه

و لمزید من الاشعار  یمکنکم زاره مدونه صوت الاهواز

-

اچنت بوجودهم مرتاح ماهم 

افگدتهم بزلم یاحف ماهم

ادیه امشددات اوبعد ماهم 

عگبهم بینت خله علیه

الشاعر المرحوم عبدالله  المیاحی

( الشاعر ذکر هذا البیت بحق المرحوم حاج عبدالرضا المیاحی من قریه تلبومه من بعد وفاته)