حسن رحمانی

دوران منیم اولسا من ده دورانین

کوکلرم دورانین تارین کمانین

چالارام اوینارام یاخشی یامانین

افسوس اوزسازینی چالیر زمانه

هر کسین باشینی بیر یئرده قاتیر

کیمسه نین داشینی بیریوللوق آتیر

کیم سه نین گونشی چیخمادان باتیر

اینسانین ییغدیغین جالیرزمانه

سویوخ آه چکدیریراوره گی سیخیر

احتیاج چاغیندا ال بوشا چیخیر

کیمسه نی دیرچدر کیمسه نی ییخیر

 آسلانی آیاخدان سالیر زمانه

قایتمیر اوله دونمه ییرباشدان

تملی داشداندیر اوره گی داشدان

قارداشی ائیله ییر دوغما قارداشدان

تک جه اوز قئیدینه قالیر زمانه

ایش پئشم زمانلا اولوب قال ما قال

چاتماغیم توزونا ماحالدیر ماحال

دال با دال ائیله  ییب الیفیمی دال

 دال ائتمک فیکرینه دالیر زمانه

 زمانه آرتیریرهر ایل یاشیما

قوجالیق قارلارین الیرباشیما

قاتیر سویوق سویو ایسسی اشیما

داماقدان داد دوزو آلیر زمانه

چکیر یادلارین حیات دا نازین

  ائشیتمه ییرسانکی سسین آیازین

سورورام نئیلدین عومرومون یازین

هوپ توتور جواب دا قالیر زمانه

حسن رحمانی (آیاز)

بیر آددیم ایشیغا شعر دفتریم ایکنجی کره چاپ اولدو و بو مجموعه لاتین آلفابسی له ایلک چاپا حاضیرلانیر.

گئجه لر
دوت اليمدن بو همان الدي فراقيندا سني
ياديما سالماق همان باشا چالارديم گئجه لر

حوسنو روخساريني رؤياده چكرديم قلمه
قلبيمي قاب ائلييب قابا سالارديم گئجه لر

بونا خاطير كي آدين دوشمه يه اغيار الينه
دوز كيمي آديوي يازديقجا يالارديم گئجه لر

بئله سيزلاردي اورك يادينا سالديقجا سني
قوش كيمي يئرده دوشرديم چاپالارديم گئجه لر

بلكه سن ساغ ياشاييب ، ساغ دولانيب ، ساغ گزه سن
گؤزليم هر قادان اولسايدي آلارديم گئجه لر

سن رقيبيمله گونوز سيره چيخاردين چمنه
من ده عشقينده سولارديم سارالارديم گئجه لر

گؤزلرين ياديما دوشدوكجه اسردي بدنيم
سينه مي ديرناق آتارديم پارالارديم گئجه لر

تابلو اوستونده چكرديم سني مين زحمتي لن
بير باخيب اوستونه تئز رنگي جالارديم گئجه لر

ايندي ده گئتمه لي سن گئت دئميرم من ده گليم
قاللام اول حالدا كي اوّلده قالارديم گئجه لر

مكتب عشقيده مجنونيله من با هم ايديك
غم ييغارديم سينه مه غم قالايارديم گئجه لر

مجنون اؤز عشقيني ليلايه گؤره بيلديردي
من گونوز يازديقيم عشقي قارالارديم گئجه لر

آیریلیقدان اوره گیم غملی دی بیداد ائدرم  

اما هریئرده شاد اولسام، سنی من یاد ائدرم

اوره گیم هاردا توتولسا ...

آرخايين يات شهريار يازديخلارين آلينير

ورق ورق اوخونور ماهني ماهني چالينر

چاغداش شعرين ...

اود ووردون سينه م ده سينيق سارايا

دوز سپدين ساغالماز كهنه يارايا

اود آلميش قلبيمي گتدين هارايا

ديلك لر بوغو لدو ديل دوداغيم دا

آييردين يولونو چتين چاغيم دا

نفرت تيكانلارين ...

عکس لری واقعی اندازه ده گورمک اوچون اوستونده کلیک ائله یین .  

آي  اينجه دويغو جيلوه سي آي كونلومون سسي

آي روحو  اوخشايان گئجه نين شورلي نغمه سي

آي قيشقيران هجالري ...

ادامه مطلبه گئدین

قاییت زامان قاییت بیرده  گئرییه

قایتارچرخی گئچه جکده یئرییه

قايتارمني بيرده اولوم ...

درمسير تنـــــــدر و باد دمـــان                  همچنان قلب گل رز رام نيست

جسم و جان در دام دنياي پليد                  پست تراز دامن وي دام نيست

وامدار يك خطا ییم از بهشت                  ...

آی یوردومون یالقیزچایی آی کونلومون غملی پایی

گوزللیگن یوخدوسایی گوزللرین گوزلی سن

یوخ دونیادا ...

ادامه مطلبه گئدین

کونلوم ایستیربو تالانمیش دونیانی گورسون گوزل

بو جالانمیش تاپتالانمیش دونیانی گورسون گوزل

فرقیلی گورکم نه لازیم شاعیره

فرقلی باخماق دیلر بو دایره

من ده شاعیرمن ده بیرسوز وورغونو

گوزلریم گرچک گوزللیک...

کوراوغلونون ناغیلی

قیرآتی یهرله ظولمه چاپدیراق

هارایلا چاپدیراق پاشا کوراوغلو

حماسه یاشاسین غیرت یاشاسین

تاریخلر بویونجا  یاشا کوراوغلو

حماسه سوزو وارغیرت ...

گوزلیم میل ائله بیر دفعه منیم منزیلیمه

بیر باخیش توز بوروموش منزل ویرانه نی گور

...

1391اینجی ایلده مردادین آیی نین 21 اینده آخشام چاغی ایکی آغیر دیپرم(زلزله) 6ریشتر دن یوکسک مقیاس دا گونئی آذربایجانی تیترتدی. بو دیپرمین مرکزی اهر ،ورزقان و هریس شهرلری اولاراق ، آغیر جانی و مالی خسارت لره سبب اولدو  و چوخ اینسان لار حیاتلارین دئیشدیلر.بوشعری من اکران باشیندا بیراوره ک داغلیایان صحنه یه شاهد اولاندان سونرا بیر آتانین دیلینجه یازدیم.

هارداسان هاردا؟

ایشیق

سس سمیر یوخدو قارانلیق گئجه دی من ...

اوز بالاسین تا آنا آتدی  نیله

اوزدو الین ...

اگر آن ترک شیرازی به دست آرد دل ما را

به خال هند ویش بخشم سمرقند و بخارا را

اگر او نازنین دیلبر من وئرسه دیل و جانی

کمند زولفونه  وئرم بوتون بو فانی دونیانی

اگر جنتده آختارسام ...