نازلی یاریم آی گؤزلیم
سنسن منیم عؤمروم گونوم
اولماز سنه تای گؤزلیم
کؤنول سئون محبتلی
سؤز وئریشی صداقتلی
یول گؤرسه دن عبادتلی
گئجه منه آی گؤزلیم
ناز باخیشلی گولر اوزلو
شئوه ساچلی قارا گؤزلو
اؤره ک دولو "باخیش" سؤزلو
بیردنه سن سای گؤزلیم.
"رضا باخیش"
آدلار دئییشیلیب تانیماق اولمور
نه نه نین قویدوقو آدی دا بیلمیر
ایتیریب اصلینی یولادا گلمیر
سنین جاوانلارین داها چات قیه
قانمازلار چوخالیب قاناندا آزدی
یالتاقلیق ائلییب کئفیده سازدی
نادانلار الینده قیمتین یازدی
تورپاقی قیزیلدان باها چات قیه
قارداشی قارداشا وورانا لعنت
حقی دانیب تله قورانا لعنت
سئجیمی سئجیمدن بورانا لعنت
ظولمی چاتیب گئدن شاها چات قیه
کسیلیب طایفادا حورمتین یئری
یاخچیلیق اولسایدی گئلمزدیم بری
قوی دوشسون دیللره "باخیشین"شعری
اوچولسون داغیلسین داها چات قیه
چوخ گزمیشم بو داغلاری
صفالی دیر بیزیم داغلار
یار یولداشا سئوگی وئرن
مارالی دیر بیزیم داغلار
یار یاراسین باغلاییرام
من سینه می داغلاییرام
هئی آه چکیب آغلاییرام
آرالی دیر بیزیم داغلار
گؤزلرینده قالیب گؤزوم
آیریلیقا یوخدی دؤزوم
محبتدن چوخدی سؤزوم
وفالی دیر بیزیم داغلار
سن سیز کئچن زامانی دا
باشین دا کی دومانی دا
قوی یاشاسین "ریضانی" دا
یارالی دیر بیزیم داغلار.
بو شعری یازان : رضا "باخیش"
یتیشیب شهرته شانا تبریزیم
ایگیدلر بؤیودوب اؤز قوجاغئیندا
گؤزل مهربانیم آنا تبریزیم
وطن اؤلکه سینده بیرینجی شهر
دوشمن لر باغریندا آجیدان زهر
باشینا دولانیب هر آخشام سحر
قویمارام آلیشیب یانا تبریزیم
ستارخان یوردودو ائللر دایاقی
ائللیمین شنلیگی تورکون اویاقی
وطنی ساخلاییر بیرلیک سایاقی
"باخیشی" گتیریر جانا تبریزیم.
بو شعری یازان: رضا "باخیش"
آی منیم دی،آی منیم
گؤنش سنین آی منیم
غم ائله رم غمیننن
تویدا سنین وای منیم
درد الیننن قوجالدیم
گئدیر عؤمور سای منیم
داغلاردا بیز گزه ریخ
دره سنین چای منیم
ایللر بویی دولاناق
باهار سنین یای منیم
گئل قوووشاق بیر اولاق
هارای سنین های منیم
تانری سنی گؤندریب
اؤره ییمه پای منیم
"باخیش" سنین باخیشین
یوخدی سنه تای منیم.
بو شعری یازان: "رضا باخیش"
شله لرآلتیندا بؤکؤلوب بئللر
ظولمت پنجه سینده سیخیلیب ائللر
سازلاری توزباسیب قیریلیب تئللر
ساز ایندی نه چالسین ؟نه ساز اینجییئب
تپیلیب قولاقلار یومولوب گؤزلر
بوش یئره سوورولور بوش یئره سؤزلر
اوکاردان بوکوردان کیم اؤمید گؤزلر ؟
هارای سسله مکدن بوغاز اینجییئب
آلنینی داغلایئر پینه باغلاسین
خلوتده اوینایئر اؤزده آغلاسین
شرفین آیاقلیر بئیین یاغلاسین
بو آلا ساققالدان ناماز اینجییئب
نه الده توتوم وار نه دیزده دایاق
یوک باسیر بئلیندن تیتره یئر آیاق
بیر کیشی گورمورم قدیمکی سایاق
اوتایدان بوتایدان آراز اینجییئب
باییندیر نسبدن بونه نسیلدی
اومیدلر سیزئیدی اودا کسیلدی
نرله ری باسدیلار یوک لر ازیلدی
کؤپنسیز کؤششکدن جاهاز اینجییئب
بیرفقط شاعیردی سؤزونو یازیر
ائله بیل ایینه یینن قویونو قازیر
گاه چاشیر یولوندان گاه ایتیر آزیر
نه قیشدا پایئزدا نه یاز اینجییئب
قان سوران سورماقدان بیرمگر دویور
پانبیقلاباش کسیر درینی سویور
دوزیولون بناسین أیریدن قویور
ناتاراز الیندن تاراز اینجییئب
بوشعری یازان: "هوشنگ جعفری"
ائله حئیس ایله دیم دووران یاتیبدی
گؤردوم اینسانلاری سسیز صداسیز
بیلدیم دن قورتاریب درمان یاتیبدی
سؤیکه دیم بیر داشا ناتاوان دیزی
زییارت ایله دیم آخر ائومیزی
گؤردوم دار قبیرده ظالیم چنگیزی
ایلییب دونیانی ویران یاتیبدی
ایسته دیم قاییدام ایاق دایاندی
باخدیم بیر قبیره اؤره گیم یاندی
دونیانی ترک ائدیب بیر آز زماندی
یار وصلین گؤرمه میش جاوان یاتیبدی
حیرصیدن دیشلریم بیر بیرین یئدی
گؤزوم گاه آغلادی گاه گولومسه دی
داشین اؤستونده کی یازیلار دئدی
شاعیر آستا یئری اینسان یاتیبدی
آلقانا بویادی دیشیم دوداقی
هر نه دن چتیندی اوولاد فراقی
گؤردوم بیر قبیرده خیردا اوشاقی
آناسیننان اوزاق گیریان یاتیبدی
اویما بو دونیانین پیس مرامینا
دونیا سؤلیمانلار چکمیش کامینا
یولچی تعنه وورور شاه مقامینا
آقادان یوخاری چوبان یاتیبدی
اوردا هیتلر دوروب جنایت ائتمز
یولداش یولداشیا خیانت ائتمز
یوخسوللوخ بیر کسی خجالت ائتمز
توپراق ایچینده هامی یکسان یاتیبدی
توپراقلار آلتیندا اریییب بدن
گلدیگیم ندندی گئتدیگیم ندن
بیریسی تاپماییپ اوچ قاریچ کفن
قرانلیق مکاندا عؤریان یاتیبدی
اوردا نه جللاد وار نه دار آغاجی
قارداشین تانیمئیر اوردا خان باجی
دؤنؤب یار یارینا باخمیر قیقاجی
اداسیز عشوه سیز جئیران یاتیبدی
اوردا درک ائتمدیم پاییزی یازی
بیر یئرده یاتیبدی اوغرینان قاضی
توپراق آلتیندا گؤردوم من "آیریلمازی"
گلیب گتمگینه حئیران یاتیبدی.
بو شعری یازان: شاعیر" آیریلماز"
فلکین قانلی الیندن بیر آتیلمیش یئره اندی
بیر فلاکت آنانین جان شیره سیندن سودون امدی
بوللو نیسگیل شله سین چیگنینه آلتدی
تای توشوندان دالی قالدی
ساری گول مثلی سارالدی
گونو تک باغری قارالدی
درد الیندن زارا گلدی
گونو گوندن قارا گلدی
خان چوبان سیز سئله تاپشیرسین اؤزون
یوردوموزا بیر سارا گلدی
بیر وفاسیز یار الیندن سانا گلمز یارا گلدی
بیر یازیق قیز جان الیندن جانا گلمز جانا گلدی
گئچه جکده "الموت" دامنه سیندن بورایا درمانا گلدی
بیر آدامسیز "سوری" آدلی الی باغلی دیلی باغلی !؟
سوری کیم دیر ؟
سورو بیر گولدی جهننمده بیتیبدیر
سورو بیر دامجی دی گوزدن آخاراق اؤزده ایتیبدیر
سورو یول یولچوسودور اگری ده یوخ ٫دوزده ایتیبدیر
سورو بیر مرثیه دیر اوخشایاراق سوزده ایتیبدیر
او کؤنول لرده کی ایتمیش دی ازلدن ادو گؤزدن ده ایتیبدیر
سوری بیر گؤزلری باغلی اوزو داغلی سؤزو داغلی
اولوب هاردان هارا باغلی !؟
بوشلایب دوغما دیارین اوموب البته یاریندان
ال اؤزوب هر نه واریندان
قورخماییب شهریمیزین قیشدا آمانسیز بورانیندان نه قاریندان
گزیر آواره تاپا یاندریجی دردینه چاره٫ تاپا بیلمیر
چوخ سئویر عشقی باشیندان آتا آمما٫ آتا بیلمیر
اوا باخ آوچی دالینجا قاچیر ! آمما چاتا بیلمیر
ایش دونوب لیلی توشوب چوللره مجنون سوراغیندا
شیرین الده تئشه داغ پارچالایر فرهاد اتورموش اوتاغیندا
تشنه لب قو نئجه گور جان وئری دریا قیراغیندا
وارلیغین سون اثری آز قالیر ایتسین یاناغیندا
سانکی بیر کوزدو بورونموش کوله وارلیق اوجاقیندا
کوزه ریر پیلته کیمین یاغ توکونیب دیر چراغیندا
بوی آتیر رنج چاغیندا قوجالیر گنج چاغیندا
بیر آدامسیز "سوری آدلی" الی باغلی دیلی باغلی !سوری جان ! اومما فلکدن فلکین یوخدی وفاسی
نه قدر یوخدی وفاسی٫ او قدر چوخدی جفاسی
کوهنه رقاصه کیمین هر کسه بیر جوردی اداسی
او آیاقدان دوشه نی ایستر آیاقدان سالان اولسون
او تالانمیشلاری ایستر گونو گوندن تالان اولسون
او آتیلمیشلاری ایستر هامودان چوخ آتان اولسون
او ساتیلمیشلاری ایستر قول ائدرکن ساتان اولسون
نئیله مک قورقو بوجوردور
فلکین نظمی ازلدن اولوب اضدادیله باغلی
قاراسیز آغلار اولانمز
دره سیز داغلار اولانماز
اولوسوز ساغلار اولانماز
گره ک هر بیر گوزه له بیر دنه چیر کین ده یارانسین
بیری انسین یئره گویدن بیری عرشه اوجالانسین
بیری چالسین ال آیاق غم دنیزینده بیری ساحلده سئوینج ایله دایانسین
بیری ذلت پالازین باشه چکیب یاتسادا آنجاق بیری نین بختی اویانسین
بیری قویلانسادا نعمتلر ایچینده بیری ده قانه بویانسین
آی آدامسیز سوری آدلی ساچلاریندان دارا باغلی!نئیله مک ایش بئله گلمیش "چور" گلنده گوله گلمیش
فلکین اگری کمانینده اولان اوخ آتیلاندا دوزه دگمیش
دیلسیزین باغری دلینمیش اگری قالمیش "دوز" اگیلمیش
اونو خوشلار بو فلک
ائل ساراسین سئللر آپارسین
بولبول حسرت چکه رک گول ثمرین یئللر آپارسین
"قیسی" چوللرده قویوب "لیلی" نی محملر آپارسین
"خسرو"ی "شیرین" ایلن ال اله وئرسین "فرهاد"ین قامتین اگسین
باخاراق چرخ زمان نئشه یه گلسین کئفه دولسون
سوری لار سولسادا سولسون
بیری باش یولسادا یولسون
سیتقا بیر اولدوز اگر اولماسا اولدوزلار ایچینده بو سما ظلمته باتماز
داش آتان کول باشی قویموش داشینی اوزگه یه آتماز
سن یئتیشسن هدفه اوندا فلک مقصده چاتماز
داها افسانه یارانماز
سوری آی باشی بلالی زمانین قانلی غزالی
سوری بیر قوشدی خزان آیری سالیبدیر یوواسیندان
ال اوزوبدور آتاسیندان
جوجه دیر حیف اولا سود گورمه ییب اصلا آناسیندان
او زلیخا کیمی یوسف ایین آلمیر لباسیندان
بونا قانع دی تنفس ائله ییر یار هاواسیندان
درد وئرن درده سالیب آمما خبریوخ داواسیندان
آغلاییب سیتقایاراق بهره آپارمیر دوعاسیندان
او بیر آئینه دیر رسام چکیب اوستونه زنگار
اوندا یوخ قدرت گفتار اؤزو چیرکین دیلی بیمار
گنج وقتینده دل آزار
گوره سن کیمدی خطاکار!؟!
گوره سن کیمدی خطاکار !؟
بو شعری یازان: "عاصم اردبیلی"
ال وورما قلبیمه، یارالی تئل دیر
عهدینی داندیغین گؤر نئچه ایل دیر؟
عشقین له یازدیغیم سؤزلری بیر-بیر
اوخویوب،آعلاییب،جیریب آتمیشام.
یازیق دردیم نه دایازدی، نه درین
ایتیرمیشم آغریلارین قدرین
بس دیر داها سندن گلن کدرین
حسرتین باغرینی یاریب آتمیشام.
"شجاعتم"قارالانمیش کؤنلومون
پارچالانمیش،پارالانمیش کؤنلومون
بو اوخلانمیش،یارالانمیش کؤنلومون
سن اولان طرفین قیریب آتمیشام.
بو شعری یازان "شجاعت" احمد اوف یونس اوغلو
خوش گونلری یوخدی غمدی کدردی
عؤمرون اولسا مین ایل یاشا هدردی
قایتاراجاق قارا توپراق آلتینا
بیزدن قاباق گئدیب یولی بابالار
موقدس یاشاییب اولو بابالار
هاردادی ساخلایان ائلی بابالار
گئدیبلر او قارا توپراق آلتینا
"باخیش" کیملر سالار سنی یادینا
نه قوهوم نه قارداش یئتمز دادینا
یئتیشسه اجلین باخماز آدینا
آپاراجاق قارا توپراق آلتینا.
بو شعری یازان: رضا"باخیش"
بیرعؤمری یاندیریب کؤل ایلرایلر
هرکسین باشینا نه گلسه بلا
یالان دانیشماقدان دیل ایلرایلر
قوهوم قارداشیننان اوتان ساواشما
اؤزوننن کؤسننن گئدیب باریشما
حاققیوا قانع اول حاققا دولاشما
یارادان بؤیوکدی بؤل ایلرایلر
یالتاقلیق ایلییب آرا قاتماقا
ناحاقدان دانیشیب حاققی آتماقا
ائلین آراسیندا حؤرمت ساتماقا
اینسانی یولوننان پول ایلرایلر
"باخیش" سؤزلرینی هر کسه دئمه
نامردین الیننن دوز چؤرک یئمه
کیملر دؤزه بیلر سن چکن غمه
تؤکولر گؤزیاشی سئل ایلر ایلر.
بو شعری یازان: رضا"باخیش"
یا آجی یا شیرین سؤزی نینیرم
آلیشیب یانیرام اودسیز اوجاقسیز
اؤزوم بیر آلووام کؤزی نینیرم
طالعیم کم باخدی سارالدی باغلار
سینمه چکیلدی دؤیونلر داغلار
بیر درده دؤشمؤشم گؤرنلر آغلار
یارام گؤز گؤز اولوب گؤزی نینیرم
"پولاد اوغلی" دوستاق قالیب قفسده
گؤزلری یوللاردا آغلادی سسده
بیر باجی اولمییا آخیر نفسده
حییف چوخ قالمادی آزی نینیرم.
بو شعری یازان: " رشید پولاد اوغلی "
| ||||
|
|
| |||
از سه نفر هرگز متنفر نباش :
فروردینی ها
مهری ها
اسفندی ها
چـون بهتـرین هستند
سه نفر را هرگز نرنجون :
اردیبهشتی ها
تیری ها
دیـی ها
چـون صادق هستند
سه نفر رو هیچوقت نذار از زندگیت بیرون برن :
شهریوری ها
آذری ها
آبانی ها
چـون به درد دلت گوش میدهند
سه نفر رو هرگز از دست نده :
مردادـی ها
خردادـی ها
بهمنـی ها
چـون دوست واقعی هستند
«قبل از ازدواج»
پسر: بالاخره موقعش شد. خیلی انتظار کشیدم.
دختر: میخوای از پیشت برم؟
پسر: حتی فکرشم نکن!
دختر: دوسم داری؟
پسر: البته! هر روز بیشتر از دیروز!
دختر: تا حالا بهم خیانت کردی؟
پسر: نه! برای چی میپرسی؟
دختر: منو میبوسی؟
پسر: معلومه! هر موقع که بتونم.
دختر: منو میزنی؟
پسر: دیوونه شدی؟ من همچین آدمیام؟!
دختر: میتونم بهت اعتماد کنم؟!
پسر: بله.
دختر: عزیزم!
-
-
-
«بعد از ازدواج»
-
-
کاری نداره! همونارو از پایین به بالا بخون!
بیر زامان جان دئییب جان إشیدردین
ایندی کیمدی یارین آی اعتبارسیز
کیمه آغوش آچیب بوسه ورردین
هانی ناموس عارین آی اعتبارسیز
من سنی بسلردیم گوللر ایچینده
شعیر چمنینده تئللر ایچینده
سن منی خار ایله دین ائللر ایچینده
یوخدی اعتبارین آ ی اعتبارسیز
دئییردین ایله سم سنه خیانت
یولداشیم درد اولسون شهرتیم لعنت
هانی سنده او وفا او صداقت
بودورمی ایلقارین آی اعتبارسیز
"داشقینین" سؤزونی چیخارتما یاددان
گئیدیردین اینینه پالتاری اوددان
شیرین چکیلرده دوشرسن داددان
باغلانار بازارین آی اعتبارسیز
"داشقین"
دونیانی دولانیب تاپا بیلمزسن
یاخشی دوستون سنه دوغما قارداشدی
اؤتوب کئچر زامان توتا بیلمزسن
سنینله آغلاییب سنینله گولسه
اوره یینده گیزلین دردینی بیلسه
یامان گونده هارای هایینا گلسه
قیمت قویوب اونی ساتا بیلمزسن
"باخیش"بو دوسلارین قدرینی بیلمک
دردینه آغلاییب شادلیقدا گولمک
ایسته سه یولوندا جان وریب اولمک
یاشادار قلبینده آتا بیلمزسن.
"باخیش"
چیلله گلیــــــر قارینان ---- قارپیزینـــان نارینان
ملّت چالیب اویناسین ---- کامانچاینان تارینان
موبارکدیر بو بایــــــرام ---- یولداشینان یارینان
چیلله گئجه ز موبارک
الهی دن یارانیبدی بو گؤزل
بو گؤزلی نیه سئومییم آللاه
گؤزل لیقدا گؤزللرین گؤزلی
بو گؤزلی نیه سئومییم آللاه
اؤز اؤزه گلنده گؤز گؤزه باخیر
حسرتی قلبیمی یاندیریب یاخیر
بو عشقی منی اؤلدوره جک آخیر
بو گؤزلی نیه سئومییم آللاه
اون سوز منیم غملی کئچیر هر گونوم
ایسته ییر سئوگیمدن عشقیمدن چؤنوم
سیز دئیین منه باشیزا من دؤنوم
بو گؤزلی نیه سئومییم آللاه
"باخیش"سنی سئوه سئوه اؤله جک
کئچر زامان ثابت ایلر گله جک
اوره دن سئویب سئونلر بیله جک
بو گؤزلی نیه سئومییم آللاه
بو شعری یازان: "باخیش"
سئوگیلیم سنی سئویرم دمیشدیم
هله ده سئویرم،سئویرم سنی
سن گئدننن غملی کئچیر هر گونوم
هله ده سئویرم،سئویرم سنی
سن سیز آغلاییرام گوله بیلمیرم
درد منی اؤلدورور اؤله بیلمیرم
عشقی اوره ییمنن سیله بیلمیرم
هله ده سئویرم،سئویرم سنی
ووردون اوره ییمه آیریلیق داشی
سئل کیمی آخدی گوزلریمین یاشی
تک لیکدن گؤی ندی قلبیمین باشی
هله ده سئویرم،سئویرم سنی
سئویردیم قلبیمده سنی هر زامان
یارالی کونلومون دردینه درمان
من سنین دردیننن آلیشیب یانان
هله ده سئویرم،سئویرم سنی
"باخیش"حسرت قالدی کئچن گونلره
باخان گوزلره دانیشان دیللره
الیمنن یاپیشیب توتان اللره
هله ده سئویرم،سئویرم سنی
بو شعری یازان: "باخیش"
قلبیم سئوه بیلمز داها کیمسه نی
هر گئجه رؤیامدا گؤرورم سنی
یوخومودا آپارا بیلمه یه جک سن.
گئتدییین یوللارا حسرتله باخدیم
دنیزتک کوکره ییب،چای کیمی آخدیم
منیمله قالاجاق بو قارا بختیم
بختیمی آپارا بیلمه یه جک سن.
گوناهین قارشینا چیخاجاق سنین
تنهالیق قلبینی سیخاجاق سنین
آهیم یاندیراجاق یاخاجاق سنی
آهیمی آپارا بیلمه یه جک سن.
گؤزومون یاشینی سیلسم ده بئله
سن سیز دردلی-دردلی گولسم ده بئله
من سنین دردیندن اؤلسم ده بئله
روحومو آپارا بیلمه یه جک سن.
"نصرت کسمنلی"
اؤره ییمنن یارالاندیم آ دوستلار
ایچیمده یاندیقجا عشقین نفسی
سئوه سئوه آرالاندیم آ دوستلار
یئنه سئوینجیم قاریشیبدی غمه
اؤزوم ده بیلمیرم باغلییام کیمه
عشقی یامان درد اولوب اؤره ییمه
آلیشیب دردیمنن یاندیم آ دوستلار
هر یانا باخیرام آغرییئر اؤره ک
قویمادی سئوگیمی باشا یتیرک
"باخیش" هر گوزلی سئومسین گرک
سئوگی دردیننن تالاندیم آ دوستلار.
"باخیش"
باری خبر گؤندر بیلیم نئجه سن؟
چاغیر قانادلانیب یانینا گلیم
بیلیم کی آی عؤمروم گونوم نئجه سن؟
آرایا گؤر نئچه دره داغ دؤشوب
قیسمته حسرتلی یاشاماق دؤشوب
بیزه سئوه سئوه آیریلماق دؤشوب
هارداسان آی نازلی یاریم نئجه سن؟
بو یاغیش اوردا دا بئله جه یاغیر
چوخالیر کده ریم هر گئجه دوغور
آدیمی بیر دفعه اوجادان چاغیر
یویوروب یانینا گلیم نئجه سن؟
بولاقلار یانغینی سؤندورن دئییل
لال قایا دردینی دیندیرن دئییل
آخی،حسرت سنی اؤلدورن دئییل
گلیم،قوجاغیندا اؤلوم،نئجه سن؟
"نصرت کسمنلی"
بو دونیانی اونودارام گولوم سنین قوجاغئندا
بیهوش اولوم قوی لال اولسون دیلیم سنین قوجاغئندا
تاپسا منی قضاقدر
عؤمروم گونوم گئتسه هدر
خوشدور منه چکسم اگر
ظولوم سنین قوجاغئندا
یا وعدنی بو یازا وئر
یا "بهمنی"گؤدازه وئر
هئچ اولماسا ایجازه وئر
اؤلوم سنین قوجاغئندا.
"بهمن وطن اوغلو"
- - - یادیمــا سالــدی سنــی مطلبینــه چاتــدی یاغیش
***
کوچــه لــر اولـــدی گــؤزومده یئنــه بیــر آرپا چایی
- - - منی سنسیز نئجه نیسگیــل سئلینـه آتدی یاغیش
اودا اوز واختیندا گورمه ییر ایشی
قالیب قیامته یازین گردیشی
آخارلارین بولانماغی چتین دیر
قیشدا قار تاپیلمیر یای دا قیش گیریر
واختین قاش قاباغی یئری سوپورور
بیز کیبریت چکیریک شیطان پوفورور
اوجاقلارین قالانماغی چتین دیر
مودا سینیب گده-گوده پئشه سی
بو درد اولوب قلبیمیزی دئشه سی
آرزولارین اومیدلرین شوشه سی
ائله سینیب جالانماغی چتین دیر
دوست آرانی کسدی گئتدی آ بهمن
خزان یئلی اسدی گئتدی آ بهمن
شادلیق سئوینج کوسدو گئتدی آ بهمن
غم ائوینین تالانماغی چتین دیر.
"بهمن وطن اوغلو"
اونا سویله...اونو بیر داها گورمک ایسته میرم!
اونا سویله اونسوزدا هر شی گوزل!
اونا سویله...اونو چوخدان اونوتدوم!
آما اونا بو سوزلری گوزیاشلاری ایچینده
سویله دیگیمی سویله مه
خوشایند است و تکرار ناپذیر
گنجشک ها بیخودی شلوغش نمیکنند...!
رضا طاهری متخلص به "باخیش"، متولد شهرستان کلیبر،دانشجوی رشته شهرسازی هستم عاشق ورزش فوتبالم علاقه زیادی به شعر و شاعری دارم این وبلاگ وابسته به هیچ کس و گروه خاص سیاسی نیست و هدف از ایجاد این وبلاگ نوشتن اشعار زیبای ترکی و معرفی آنها می باشد استفاده از مطالب آن با نوشتن منابع آن مجاز می باشد در غیر اینصورت پیگرد قانونی خواهد داشت.
