اسماعیل خرمی دن شعیر و مقاله لر

ismail khorram:
من
قارانلیقدا
کپنک اوچمایان بیر هاوادا
پیلته سی اولمایان
یالقیز بیر شام.

ایچینی دارتیب
گولوشونو بوشامیش
بیر یئلدن قورخاق
اینجه دووار.

دیبی بوش
آرخاسیندا
دیره یی ییخلمیش
ائوجیک.

اؤزوم
اوزومدن هؤرولموش-
بير قفس.
گؤزومدن دوشموش
بوشونا چکیلن آجی نفس.

 

چرچی لر
ایچی بوش بوشگه
گؤره رلر خاطیراتیمی.
بوشونا پولا آلمازلار ایچیمی.

بونونلا بئله
ایچیمده اویویان مئییتلر،
قاپیما دیره نن
قورخولولوقلار
دلالی من اولاراق
ساتارلار کؤله لیگیمی.

و
بیر اولدوز
مارتین لوترکینگله شر
اوره ییمده.

آلار، آپارار، اؤزیله-
زنجیرلریمی

ایچیمده کی اؤلولری دیریلدیب
یولا سالار.
قورخولاری هورکودوب
منیمله قالار

اسماعیل خرمی
@ismailkhorrami

بئش آلتی سیگارا چکندن سونرا چالیشدیم بیرآز باشیمی یئره قویوب، گؤزومو یوموم. آنجاق سیگارا چکمک هوه سی بیر آندا منی یاتماغا قویمادی. نه قدر داشیندیم دوشوندوم هئچ بیر چیخیش یولو تاپا بیلمه دیم. سیگاراملا گئجه نین باغرینی یارسامدا بیتمه یینی ایسته میردیم. داها دوغروسو مندن سونرا، هامی گؤزله ییردیلر سحر آچیلسین، گونش چیخسین بیر تیکه چؤرک یئییب ایشلرینه داوام ائتسینلر، منیسه ایسته ییردیم گئجه یه یاردیمچی اولاراق بیر داغین باشینا چیخیب پوسو قوروب، کوچه لاتلاری کیمی گونشین قاباغینی کسیب ساچلاریندان توتوب دره آغزی آشاغی فریلادیم. سحرین گؤزونه کیرلی و اسگی پارچالاردان جیریب برک برک باغلاییم. عؤمرومده ایلک کره اولاراق سحری کؤر گؤرمک ایسته ییردیم.بوگون، اؤنوموزه چیخان گونش و آچیلماغا تله سن سحر موطلق منیم دئییلدی. سویوقدان تیر تیر اسسمده گونش منیم جانیمی قیزدیرماغا گلمه یه جک. سحرین منه گؤرا اوره یی دؤیونمه یه جک، سحری مندن بیرآز اوطرفه گودنلر چوخدور. اونلاری چوخو شاعیر اولوب شعر ده یازاجاقلار، نغمه ده قوشاجاقلار رسمینی ده چکه جکلر. دئمک بو گونکو، سحره آداخلی گونشین ده ییه سی من دئییلم، منه دوشمن کسیلمیش چوخلاری کیمی گونشده، سحرله سئویشمه یه دوام ائدیب منی آشیب کئچه جک. پلمه لری اللریله آراییب اوستومه کیشنه یه جکدیر. قاپی سسی گلدی، دئمک گونشله سحرین سئویشمه سی باشلانمیشدی. ایکی کیشی ایچه ری گیردی. بیری، منه یازیقلیغیی گلدیینی سؤیله دی باشقاسی، واختدیر دییه تلسدیرمه یه چالیشدی. یئریمدن دورماق ایسته میردیم. چاره سیزایدیم. ائله چاره سیز کی الیم یئردن گؤیدن اوزولوب باش اوسته یئره دوشموشدوم. ویریلمیش بیر قوش کیمی آغزیمی آچیب یوموب، آراخامدا بوراخدیقلاریمین رسمینی چکیردیم، آغزیمین آچیلماغی بیرینین یومولماغی باشقاسینین پورتره سیدی. بوتون سئودیکلریم سانکی باشیما ییغیشمیشدی. هامیسی اللرینده یاشادیغیم خاطیره لری گتیرمیشدیلر. هم اوچوردولار هم آیاق توتوب یئرییردیلر. بیربیریله دانیشیردیلار گولوردولر آغلاییردیلار. منده اونلارا قوشولوب گولوب آغلاماق ایسته ییردیم. آیاغیمین آلتینا بیر ایکی داش کرپیچ قویوب او اللره دیرماشیب چیخماق ایسته ییردیم. هئچ اولماسا گؤزلریمی قالخیزیب اورا قویا بیلسه یدیم. او اللری، او اللری بیر داها توتا بیلسه یدیم. یالاماق ایسته ییردیم آجی شیرین دادی وئرن بارماقلاری. ایچینه دوشوب چیلپاقجاسینا اوزمک ایسته ییردیم. باشیمی بیرینین قوجاقیندا کؤرپه بیر اوشاق کیمی، گیزلتمک و ایچینده ایتمک ایستردیم. بیر ایمکله ین اوشاق اولوب آناسینین دؤشندن بسلنن کؤرپه و آغزیمدان کؤرپه قوخوسو دویماق ایسته ییردیم. هامینین گوناهلارینی بوینوما آلیب باغیرماق باغیرماق و یئنه ده باغیرماق فیکرینده ایدیم. یوخولارینیزدا بئله گؤردویونوز سوچ منیم اولسون دییه، قاچیب اؤزومو اله وئرمه لیدیم.
قوللاریمی بیر تیکه چؤره یه ساتمیشدیم، ندنسه آیاقلاریمدا منیم دئییلدی، اونلاری، آنلاییب دوشوندویوم، آغیر یوللاردا مندن چالمیشدیلار. من چالماق دئییرم بلکه ده او یوللاردا هله ده آیاق باسیب ایز بوراخیردیلار. ایزیمه دوشنلردن قورخموردوم. منی ایزله ییب منیم گونومه قالماقدان قورخوردوم. بیرآز درینه گئدنده گؤرودوم کی اؤزومو ده دؤنوش یولو اولمایان دوشونجه ده گیزله دیب ایتیرمیشدیم. غریب بیر شهرین غوربتچیلیینده ایتنلر کیمی.

منه یازیقلیغی گلن آدام تپه دن دیرناغا منی سوزه رک یانینداکینا دئدی: "منجه اللرینی و گؤزلرینی باغلاماغا احتیاج یوخدور، بو بدبخت یئریندن ده ترپنه بیلمیر. اؤزونو بتر اودوزوب". باشقاسی، قانون دی دییه اونا قارشی گلرک گؤزلریمی قارا و توزلو بیرپارچا ایله و اللریمی دمیر کلبچه ایله باغلادی. بیر بیرینین یاردیمی لا آیاغا قالخیزدیلار. قاپی آچیلدی سالونا چیخدیقجا سئودییمی گؤردوم. اووجوندا سو گتیرمیشدی. یادیمدادی بیرگون بیرگه بیر یئره گزمه یه گئدنده سو ایچمه یه قابیمیز یوخ ایدی، ایکی اووجومو آچیب دؤرد بئش کره اونا سو ایچیرتدیم. ائوه قاییدان دان سونرا بونو یادا سالیب گولردیک. من اونا قوزوم دییه ردیم اودا منه چوبانیم. بیر ایکی آددیم آتمیشدیم بیر سس ائشیتدیم: "هئی چوبانییییم، چوبانیم باخ سنه اووجومدا سو گتیرمیشم. ایسته ییرم من سنه چوبان سن منه قوزو اولاسان، بیلیرم اللرین باغلیدی اؤز باشینا سو ایچه بیلمزسن." بو حالدا الیمدن یاپیشان عسگر بیر آز منی بئلیمدن ایته له دی. دئدی: "یئری قاپیدا هامی بیزی گؤزله ییر." آرخایا دؤنوب باخاندا داها اونو گؤرمه دیم. ایکینجی قاپییا چاتمیشدیق، چیچک قوخولو قیزیم الینده، من آلا بیلمه دییم اویونجاقی گتیرمیشدی. منی گؤرجک اویونجاقی گؤسته ره رک دئدی: ساغ اول آتا جان یاخشی کی سونوندا، منیم ایسته دییم اویونجاغی آلدین. اؤپورم سنی." گؤزومو یومویب کئشدیم ایسته میردیم قالانلاری داها آرتیق ائشیدم. اوچونجو قاپییا چاتماغی گؤزومده دوغولان بیر دسته بولود کوچوکلری قویمادیلار گؤرم. سونونجو قاپیدا آتامین یالنیز قابارلی اللری واریدی باشیمی اونلارا ساری توتوب اوره ییم ایسته دیی قدر قوخلادیم. یئدییم ان دادلی ان گؤزل چؤرک قوخولاری بوتون جانیمی تیترتدی. اؤپمه یه باشلادیم یالواریردیم بو قابارلی اللرله ویر منی آتا ویر منی دئییردیم. بدنسیز اللرینی اوزومه چکدی تئللریمی اوخشادی "آیاغا دور منیم بالام، دئدی. بو یولدا اولدوقجا الیندن گلنی ائدیب زحمتلر چکیبسن. بو حاقی اؤزون قازانیبسان." آیاغا قالخیب اؤلو جانا نفس گلن کیمی آددیملاریمی داها سرت آتماغا باشلامیشدیم. سحر یئلی اسیردی گونش قارشیدان سس سیزجه سینه یئره باخیردی.

اسماعیل خرمی

ismail khorram:
یولون آزمیش کولکلر الینده،
جیرها جیرا دوشور.

آستاجا
دالبادالا
باشینی دووارا ویریر غملی قاپیلار.
روحو اؤزوندن آیریلمیش
یوخسول قاپیلار.
آیاغی بودره ییب
سویروشوب
ییخیلان قاپیلار.

سوسقوندور آددیملار!
قینینا گیریب آیاقلار!

بو -
ایچین ایچین آغلایب
باشینی دوورا ویران قاپی
بیز دئیلیک می؟

گؤزلریمیزه باخ.
گؤره بیلیریک می
صاباحدان بیر فوتوراف؟
آیاق ایزلریمیزه باخ.
الیندن یاپیشیب
گلن وارمی آرخامیزدان؟
اورکلریمیزی دیندیر،
یورغون دئیلمی
داشیدیغی یوکدن؟

یئنیلمه ییب می
بیزده حیات؟

چیخماییب می
چرچیوه میز یئریندن؟

اورمو گؤلونه
اوخشامیرمی سسیمیز ؟

دوغودا دوشن
ساواش دئیلمی
گونلریمیز؟

اللریندن قان قوخومورمو
گونشین؟

کورپه لیکلریمیزی
آلمیرمی تورپاق؟

یاراق یاراق
یاراقلانیبدی یارالاریمیز؟

دوشونجه لریمیز
سوموکلریمیز کیمی
پاس ایچینده دیر.

صاباح اللریمیزده
اؤلدو دییه سن!

روحو اؤزوندن آیریلمیش
قاپیلار بیز دئیلیک می؟

داها قوزغون کولکلر
دوغولماییب هله.

بیزی،هارا آپاریر
آرخاسیندا لئش بوراخان
بو جیرها جیرلار؟

اسماعیل خرمی
@ismailkhorrami

ismail khorram:
یولون آزمیش کولکلر الینده،
جیرها جیرا دوشور.

آستاجا
دالبادالا
باشینی دووارا ویریر غملی قاپیلار.
روحو اؤزوندن آیریلمیش
یوخسول قاپیلار.
آیاغی بودره ییب
سویروشوب
ییخیلان قاپیلار.

سوسقوندور آددیملار!
قینینا گیریب آیاقلار!

بو -
ایچین ایچین آغلایب
باشینی دوورا ویران قاپی
بیز دئیلیک می؟

گؤزلریمیزه باخ.
گؤره بیلیریک می
صاباحدان بیر فوتوراف؟
آیاق ایزلریمیزه باخ.
الیندن یاپیشیب
گلن وارمی آرخامیزدان؟
اورکلریمیزی دیندیر،
یورغون دئیلمی
داشیدیغی یوکدن؟

یئنیلمه ییب می
بیزده حیات؟

چیخماییب می
چرچیوه میز یئریندن؟

اورمو گؤلونه
اوخشامیرمی سسیمیز ؟

دوغودا دوشن
ساواش دئیلمی
گونلریمیز؟

اللریندن قان قوخومورمو
گونشین؟

کورپه لیکلریمیزی
آلمیرمی تورپاق؟

یاراق یاراق
یاراقلانیبدی یارالاریمیز؟

دوشونجه لریمیز
سوموکلریمیز کیمی
پاس ایچینده دیر.

صاباح اللریمیزده
اؤلدو دییه سن!

روحو اؤزوندن آیریلمیش
قاپیلار بیز دئیلیک می؟

داها قوزغون کولکلر
دوغولماییب هله.

بیزی،هارا آپاریر
آرخاسیندا لئش بوراخان
بو جیرها جیرلار؟

اسماعیل خرمی
@ismailkhorrami

نقدلر

تلگرام یازیلاری ۱

حیکایه لر

تلگرام ۳

 تلگرام یازیلار

دوستومون چاغیریشین یئره سالماییب ایلک دفعه اولاراق قاراداغین بیر کندینه قوناق گئتدیم. کند یاشیل بیر مئشه لیگین ایچینده داغ اته گینده ایدی. یولون بیرآزین ماشینسیز گئتمه لی اولدوم. یئره دوشدویوم آندا سرین هاوا و مئشه لیک و اطرافدا آخان بولاقلار منه چوخ دوغما گلدی. سانکی من بورالاردا اولموشام. امینم کی اولمامیشام آنجاق بو دوغمالیق منه هارداندیر؟ گؤزومو یوموب آچاندا بیر فیلیم کیمی بورالاری خاطیرلاییرام. کنده چاتمامیش بیر قوجا آرواد اوز گؤزون دیدیب قاناتدیغی، شووه ن سالماغی فیلیمین بیر صحنه جیی کیمی باشیمدا فیرلانیر. دوستوموزون ائولرینه چاتماق چون بویورتیکان کوللاری باسمیش جیغیر یول، ایده آغاجین یولا ائییلمه یی و اوردان کئچیب گئدنلرین ائییلمه سی داها بیر صحنه جیک ایدی. یوخ من بورالارا گلمه میشم. بلکه اؤزاؤزومه سایاخلاییرام.کنده آز قالیردیم. یولون کناریندا بیرقوجا آرواد اوتورموشدو. ایچیمده دئدیم کئشکه من دوشوندویوم کیمی اولماسین. آنجاق یاخینلاشاندا آروادین شووه نی جانیما تیتره مه سالدی. بیرآزدا یاخینلاشدیم. ایلدیریم ویرما سایاق قوجا آروادین اوز گؤزو جیریلیب و قان آخیردی. جانیما تیترتمه دوشدو. اؤزومو ایناندیرماغا چالیشیرام کی بلکه تصادیفی بیر گؤرونوشدور. بیرآزدا قاباغا گئتدیم. بونئجه اولا بیلر؟ بویورتیکان کوللاری باسمیش جیغیرین یانیندا ایده آغاجی ائییلیب یولو کسمیشدی. آغاجین آلتیندان ائیلیب کئشدیک. دلی کیمی اولموشدوم. قاییتماق ایسته ییردیم. قاییتدیغیمدا دا باشیما گلنلری بیلمیردیم. یاخشی سی بودور کی دوستومون ائوینه گئدیم.

یوللار آیاقلاریمیزدان-

قورخاردیلار.

 

آیاقلاریمیز اوره ییمیزدن

یوغورموشدو دؤيونتولريني

 

یوکله میشدیک ایچیمیزی.

 

ساواشچی سؤزلر

دلیک آچیب کئچردی

پوسکولاری.

 

عوصیانچی سسلرین،

آغاجلیغیندا اؤزون تاپاردی

سوسقون بوغازلار.

 

اؤلنلرین دیریلیگی

ایشیقلاداردی

آرزولارین گئنیش یوخوسون.

 

اونوتدوق

اونوتولدوق

 

سیلیندی یوللارین

اوشاقلیق رسمی.

 

صاباحدان آتیلدی

اللریمیز.

 

مین بیر سئوگینین

ترسه لیگینده قویلاندی

اسن یئللریمیز.

 

یوللارین یاریسیندا

یاریمچیق قالدی ایچیمیز.

 

قوخوموش ایت لئشینه

دؤندو آیاقلاریمیز.

 

اریدی تؤکولدو

اورک دؤيونتوله ريمبز.

 

اونوتدوق

اونوتولدوق

 

موغان اکینجی دیلیندن بیر شعیر

اللریمدن یوخو گؤزله مه سئوگیلیم.

پامبیق چاققانالاری سئودالانمیش بارماقلاریما.

ساریمساق آل وئرچیلری

یوخومون ایزلرینی ساتیرلار.

بوغدالیقدا کیمیا سال موتورومون

توستوسوندن بارلانیر بیر َآغا.

دوشونور آغ جییرلریم-

شکلینی بوزاردیر منیم اؤسگوره گیمله.

پامادور کوللاری هر نه ییمی تانییر.

سیغاللاییر گنجلییمی-

اوتور  ایچیمدن یاشلیغیمی.

آسغیراق توتور سورگونده کی دوشونجم.

عشیقیمزین آغریسینی

دوشونمور چوغوندور خسته لیی.

اللریمین قابغینی داشلاییرلار بانکادا پولو چوخلار.

اللریمدن یوخو گؤزله مه سئوگیلیم.

اسماعیل خرمی

 

او بول یاغان-

 یاغیشلارین آرخاسییندان-

 آخاجاق سوچلار.

 

کیپریکلریمیزدن تؤكوله جك داملار.

                                                     أداملار.

ساغ قالان ائولر-

أجيخاجاقلار ياغموردا ايسلانانلارا.

 

واقتسيز سويوناجاقلار

سونبوللر سو سسینه.

 

بير بيرينين-

ايچینه دوشه جکلر،

آجلار و ایمانسیزلار

 

 

غزئتلرين -

سوسوز يوخوسونا

دوشه جک شهر.

نئتلرين و تئلفونلارين

أسقيراغيندا

ايته جك سسلر

 

دیشلرین دیبینده

دارتیلاجاق پیرتلاشیق-

دانیشیقلار.

 

 

دالغالاردا گیزله نیب بو گورشاد.

 

توپارلا یوخولارینی

اویات اللرینی

دور گئدك بوردان.

 

 

اسماعيل خرمي

بوگون

بارماق‌لاریمین یورغون چیغیردیغی گون.

آیاق‌لاریمین

 آخشام اوستو توستوسو.

 

ایچیمده لاله گول‌لرین

سارماشیق قوخوسو.

 

دلی اولوب بو آخشام.

 

آچیلیر بئینیمده

گیزلین یوخولار.

 

آچار تاپا بیلمیرم

سایاقلادیغیم گون‌لره.

 

دوداغیم مئیداندا

یاریمچیق  قیشقیریر.

 

هارالاردا قالمیشام من.

اتیمی جوکگولده‌ییر، پیر آغاجی.

 

یانیمدان کئچن قورت قوش

أل‌لرینی جئبیمه سالیر.

 

جانیمی پامبیق ساییر

اسگی‌لر.

 

آخساییر ایکیمیزده یووا.

دیکسینیر باریشیق پیلته‌لر.

پارلاییر قامیش‌لارا

دیکیلن  دؤرد اولدوز.

دلی اولوب

بو آخشام.

 

اسماعیل خرمی

گؤزو باغلی گزیر بو شهرده،

ائویندن  بوشانیلمیش بیر مرمی.

 

دارتیر ایچینده

گؤوده یه سؤیکنمیش اورک پیچیلتیلارینی.

 

ته تیگه قوسان بو قوزقون

لئش قوخوداجاق

تئلفونلارین آرخاسیندا.

 

ایشغال ائده جک

 رویالاریمیزین درنه یینی

 

آشیب کئچه جک

پیانولاردا رقص ائدن بارماقلاری.

 

قارانلیقا قینجاناجاق

و پوزاجاق کؤرپه آرزولارین سرین یوخولارینی.

 

یئنی شعیرداماجاق

آغلیما چاتمایان آغریلاردان.

 

کوسه جک مکتوبلار

سیرغاسینی ایتیردیکده.

 

یاریمچیق بیر ماهنی

 بوغولاجاق سیگارئتلرین پاکتینده.

 

بوش بوشونا بوشاناجاق

کاغیذلار،

             قلملر.

 

و بارماقلاریم باریناجاق –

اویغولارا اویدوقجا.

 

کسیله جک

کؤرپولرین باشی

ایچی قانایاجاق دنیزلرین.

 

 شعیره قارا دوواق تاخیب سوخولاجاقلار

اونودولموش دفترلره.

 

نه یازیق کی-

اوشویه رکن آلدیم باغریما،

اؤگوموش، اؤپوشموش

مرمی گولوشلرینی.

 

اسماعیل خرمی

اسماعیل خرمی

آیاق اوسته اؤلولر

 

بيرگون بير اؤلونون يوخوسونون اوجوندان توتوب اوجوزلوغا دوشموشدوم. نه قدر چالیشدیم اؤزومو باهالانديرا بيلمه ديم. سانکی اؤزومو بیر مئیوه و یا ات کیمی بیر باققال توکانیندا گؤروردوم.الي جئبينه گیرن منی پاکئتلره دولدوروب تره زییه آتمیشدیلار. عاییب اولماسین دییه پوللاریندا من ائله اؤزوم  حسابلامیشدیم. چوخ اوجوزایدیم. بیرآز سئوينيرديم بو اوجوزلوقدان. اؤز اؤزومه دئییردیم:

-       نئنک، قوی یازیق و  یوخسول اؤلولرده بیر زاد آلا بیلسینلر.

آنجاق منيم اوجوز ساتيلماقيمدان اؤزوم اوتانيرديم.

-       آي اؤلونون اؤلوم يوخوسو، مني يوخودا گؤروبسنسه اؤلو گؤزلرين آغريماسين. آخي بئله اولماز!  من اؤلو سن ديري. منی تره زييه قویاندا سنه كيم اجازه وئردي منه قيمت قوياسان؟ بو قدرده چنه ویرماق اولار؟گوناه سنی یوخودا  گؤرنده دير. بئبئله آخماق آداملاري قويوب گرک سنین یوخونون اوجوندان یاپیشیدیم؟ بيردفعه ليك گئت اول قوي يوخولاريميزدا، تكليفين بيلسين.

بو شهر ستلجم تورباسينا گیره جک.

 

اؤسگوره جک اؤپوشلر.

 

گیرو گؤتورولموش مرميلر،

بوش يئره اولاياجاق بوش ائوده.

 

ياواش ياواش شيشجك

يوخلارين أياقلاري.

 

سس سيزليك كاركتيرلرينده،

تئلفونلار پیچاقلاناجاق.

 

 گوللر قوساجاق آیاق یولونا.

 

اوره ييمده كال دؤيونتولر

باختورليكله ايچیمده آغالیق ائده جکلر.

 

سئويشه جكلر ،

مچیدلردن پیادا چیخان

يارم چیق نوحه سسلری.

 

سونوندا سیلینه جک،

سسلر بارماقلاردان.

 

و ارییه جک :

شهرین گولوشلرینده بیتن دوداقلار ایزی

 

دور هله،

گئتمه.

اسماعيل خرمي

 

آزادلیغا

 

بیلیرم

قورخارسان

یالقیزلیغینین یاز نفسیندن.

پایییزلیغینین پارام پارچا هوسیندن.

 

بوغازیمدان ،

بوغازایدین منه

اوره ک دوغاجایدین سئوینه سئوینه.

 

منسه اوره ییمی یونوب

قلم ائدیب

وئردیم اللرینه.

 

آیاقلارینا،

قیشغیران

دامارلاریمی باخیشلادیم.

 

گؤزلرینه

گله جه ییمدن

اوزوک تاخدیم.

 

دیللرینده

اومیدلرمی

دیلیم

دیلیم ائدیب

دیللردیندیم.

 

منکی سسیمی

سره بیلمه دیم

سنین سرینلیینه.

 

پولیسه یاخالانمیشدی

آغ جییارلاریم.

هانسی مقبرلرده

اوره ییمی آختاریم.

هانسی حبس خانالاردا

بارماقلاریمی تاپیم؟

 

 

بوغازیم

هاردادیرهاردا

ایندی حبس خانا

جیزگیسین

اوتخونور یوخسا.

اؤگدوگوم بیر آخشام اوستو

توتوشموش  بیر توتغون

چرچیوه لرده.

ایچیم سنین اؤنونده گوله لندی

چؤلوم غزئتلرین

باش یازیسی اولدو.

 

سنی گؤرورم

قورخورسان،

یالقیزلیغیندان، پاییزلیغیندان.

 

باخ،

اورا باخ،

یازیلارا سوخولموش،

او شورگؤز کولکلر

ساچیندا لام سودولار.

آخیرلار آخیرا قدر

باخیرلار باتلاقلارا قدر

باتیرلار باتییا قدر.

 

ایندیدن اوره یینی قیبلایا چئویرمه

سنین

قادینلیغا بورونموش آغاجلیغین

آغاجلیغا بورونموش قادینلیغین

وار.

 

آییرتلا ایچینی

یویوندور گؤده نی

گؤزلریمدن.

 

بیلیرم قورخورسان

یالقیزلیغیندان

پاییزلیغیندان

 

 

اسماعیل خرمی

ایللر اؤنجه،

آلا بیلمه دییم-

آرابالاری و ائولری چالدیلار.

 

ایندی ده:

سن سیغیندیغین اوره ییمین

کراسینی اؤدوویه بیلمه دیکده،

بوشالت دئییرلر.

 

اسماعیل خرمی

ایللر اؤنجه،

آلا بیلمه دییم-

آرابالاری و ائولری چالدیلار.

 

ایندی ده:

سن سیغیندیغین اوره ییمین

کراسینی اؤدوویه بیلمه دیکده،

بوشالت دئییرلر.

 

اسماعیل خرمی

ایللر اؤنجه،

آلا بیلمه دییم-

آرابالاری و ائولری چالدیلار.

 

ایندی ده:

سن سیغیندیغین اوره ییمین

کراسینی اؤدوویه بیلمه دیکده،

بوشالت دئییرلر.

 

اسماعیل خرمی

ایللر اؤنجه،

آلا بیلمه دییم-

آرابالاری و ائولری چالدیلار.

 

ایندی ده:

سن سیغیندیغین اوره ییمین

کیراسینی اؤدوویه بیلمه دیکده،

بوشالت دئییرلر.

 

اسماعیل خرمی

ایللر اؤنجه،

آلا بیلمه دییم-

آرابالاری و ائولری چالدیلار.

 

ایندی ده:

سن سیغیندیغین اوره ییمین

کراسینی اؤدوویه بیلمه دیکده،

بوشالت دئییرلر.

 

اسماعیل خرمی

ایللر اؤنجه،

آلا بیلمه دییم-

آرابالاری و ائولری چالدیلار.

 

ایندی ده:

سن سیغیندیغین اوره ییمین

کراسینی اؤدوویه بیلمه دیکده،

بوشالت دئییرلر.

 

اسماعیل خرمی

 

سطیرلر پرده سیندن

چیلغین کؤرپه قوخوسون-

پنجره شکلینده توخویاردیلار.

 

و

او

صاف سطیرلر

رقص ائدیب دیللرده ماهنی اوخویاردیلار.

ماهنی لار پنجره قوخوسوایله سئویشردیلر.

 

بعضا ساکیت بیر کوچه ده،

بیر شعیر باشقا شعیرله دانیشاردی_

بیر بیرلرینین، ایچینی بیر بیرینه تؤکردیلر.

 

بوگون او ساکیت دانیشیقی-

اؤگئی بیر ایزلر پوزورلار.

ماهنیلار اؤزون ایتیردی.

اؤگودولر پنجره لرین –

صاف سطیرلری اوسته.

 

کوچه دن بیر سس گلیر:

گیفشیمیش تلیسده-

اؤزوندن یوغرولان،

بیر داشغا اوسته-

قیرینتی اؤپوجوکلر،

ساتیر بیر نفر.

 

آیاقینین بیری

یاریمچیق بیر ماهنی کؤلگه سینده_

اوبیرسی گیزلیدیر،

اؤزونون بوکولموش سسینده.

 

بو ماهنی سسله نیب می گؤره سن؟

بو سس ائشیدیلیب می گؤره سن؟

 

گؤره سن کیم آچا بیلر

او، اورک پین کودون؟

او ایستک شیفره سین؟

 

گؤره سن پنجره شکلینده قوخولار-

دؤیه بیلرمی بیر قاپینی؟

دؤیسه ده دویا بیلرلرمی بیربیرلرینی؟

پرده نی چکیب بیرلیکده،

یاللی گئده بیلرلرمی؟

 

گؤزلریمه اللریمین

الجکلرینی گئیدیریرم

بوغوشا بوغوشا قالیرلار سطیرلر.

ماهنی کؤلگه سینه باسیلان آیاق سسی-

آخیر آغزی آشاغی

سس اوزاقلاشیر.

 

 

اسماعیل خرمی

اؤلوم"، گؤره سن بیزیمله قوهومدورمو؟-

عمیم کیمی، داییم کیمی و سنین کیمی؟

و او قوهوم کیمی، کی:

گؤرنده سیلاح چکیر اوستومه منیم.

 

و یا تجارت قایداسی دیرمی؟

چؤرک آلیب،  آدام ساتما سایاق؟

 

و یا اتم کیمی بیر بومبا؟

یانار و یاخار پنجره لرین قانادین.

 

"اؤلوم" اؤزو دیریدیرمی گؤره سن؟

بیر یئمه یه قاتیلمیش زهر کیمی؟

 

بیر لابراتوواردا چالیشان دوکتورمو آدی؟

یئنی خستلیک، یئنی درد، یئنی انکشاف جوجردن آقا؟

 

یادا دونیا انسان کنترلونون کنترلچو سو؟

چوخالارسا انسان، یئمک چاتیشماز البته!

 

و یا دیکتاتورلارین –

قاپیچیسی، نوکری؟

میللته توخودوقو تورلاردیر بلکه.

 

نه بیلیم؟

بلکه ده حیاتدان بئزمیش، بیرینین –

گؤزونون نورو؟

 

بعضا اوره ییم باشا دوشور

بعضا باشیم اورکله نیر

منسه-

 نه اورکله نه بیلیرم،

نه باشا دوشه بیلیرم:

اؤلوم منیم هارامدادیر گؤره سن؟

هانسی شعریمین شارقیچی سی؟

هانسی مصراعمین بالاسی؟

 

 

اسماعیل خرمی

 

 

بو کوچه لرین

گؤزلری پاسلی

کیر گؤرور بوتون دؤره سینده کین.

منه بیر آز، آزادلیق تؤزو تاپین-

باققالدا اولسا بئله.

تمیزلیک یاپارکن اؤرگه دن دیللری اولسون.

 

بو کوچه لرین

ایللردی اللری قانلی .

بیلمه دن و ندن؟

سؤکورلر قارشی کوچه لرین باغارساقلارینی.

منه بیر آز صولح رنگینده دووار تاپ همن.

یازیب اوخوماقی اولسون.

 

بو کوچه لرین

اوره کلری بوشالمیشدی ایچیندن-

بوم بوش.

منه بیر مین ایللیک سئودالی چینار گؤنده رین-

رقص ائتسین و ماهنی یازا بیلسین.

 

بو کوچه لرین

 دینج اوتوران باجاسی یوخ کی-

منه بیر آز دینجیلیک وئرن

رومان تاپ.

دویغوسال اویغولار یازماقی بیلسین.

 

بو کوچه لرین

آرخا محلله لرین_

آغیزلارینی آراییب دادلارینی چالمیشدیلار.

منه بیر سوفره گؤنده رین-

آیاقلانیب یورومک بیلسین.

 

 

اسماعیل خرمی

بو اوزده،

ایچیمیزده سریلمیشدی -

دینجلیک سوفره سی.

هره میز بیر تامیندان

تاماهلانیب

اوخویوردوق گئجه یاریسین.

 

او، اوزده،

دیدیلیردی تورپاغین اوزو

سیزاقلی قارانلیغین_

نشئلی و ماتیکلی

دیرناقلاریندا.

 

چؤکموشدو پنجره جامینا

آغیر بیر یوخو.

آغ جییارلاریم سانکی

جاملارا دوغولموشدو.

 

قولاقلاریم،

قورخوردو

بو جام آرخاسیندا

سرینله ین

سسله ره کی_

دلیجه سینه قارلاییردی.

 

خارت - خورت

خارت - خورت

خارت

کسیلدی بیردن سس.

قورودو منده نفس.

سفره میزده

دیسکیندی اوزون بویلو دینجلیک.

 

جیرینگ

جیرینگ

جیرینگ

و سونرادا

دانگ

دانگ

دانگ.

 

تام سورعتله

یاخینلاشیردی

گؤزلریمه گونش.

بیر ایشیق

بیر آلوو

و بیر قیغیلجیم

قوناق گلیردی منه.

 

دوداقلاریمدان

سویروشوب تؤکولدو

تاملار.

 

بلشدی  سوفره میز

بوغازیمدان دوشن

قیزیل

        گول ساچاقلارینا.

فرصت تاپمادیم الوداع دئییم.

 

اسماعیل خرمی

        

 

گؤزلري

الكترونيك تابلوسي ايدي.

 

يازيلار دوغولور یازیلار اؤلوردو

كيپریکلر آچیلیب باغلاناندا.

 

 

تام سئچه بیلمیردم  یازیلارین نه اولدوقونو.

 

 

عشقمی؟ نفرتمی؟

گولمو؟ تیکانمی؟

یاشام می؟ اؤلوم مي؟

صلح مي؟ ساواش مي؟

 

 

سئويرديم گؤزلريني.

 

 

فيكير وئرمه دن

دوشدوم تابلودان ايچری.

 

 

 بوگون دییه سن

یئدديم و يا قيرخيمدي منيم.

 

 

اسماعيل خرمي

 

 

 توتوشموشدو گؤزلرين

ألا گؤزلو-  

باهار چیمدیکلی

گوله اوخشار

او شعریمین مصراسیندا.

 

من بیلیردیم

              بيليرديم

هئچ بیر بیغلی و ساققال

اوخشايان مصراعلار

سني كولگه لرین

یوخوسونا آپارا بیلمه یه جک.

من بیلیردیم

سنین توتقونلوقونون

سون باهار نشانه سيني .

پاییز گئجه سي-

و یورقون سیلاحلارین جومعه آخشامی.

اه ،

بير داها شعريمي

خاشابلارا سوزه بيلسم!

أه،

بير مصراعي أتش ائتمه يه مجبور قويسام!

و ترسينه ترسينه اؤزومه ته تيي چکسم؟

 

ندن ترسينه ترسينه گئدير اللريم؟

 

ترسینه آخان سولارین

چرشنبه بایرامی

ایلیشیر ایلیشر

ایلیشیر بوغازیمدا.

بو عکس آتشله

و بو عکس ایلیشگیله

دولاشیقا دوشورم

 

ناغیللار

اؤزونو ايتيرير

كتابلار

ايچیندن سؤنور.

بیغلی و ساققاللی مصراعلار

کیپریکلریمیزدن اوچور.

 

و سنين گؤزلرين توتوقلانير

يئنیلمه ین

او مصراع أراسينداکی-

سن یوخسان.

 

اسماعیل خرمی