Aartappelbaars

Aartappelbaars
Bewaringstatus
	; Veilig (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Actinopterygii
Orde:	Perciformes
Familie:	Serranidae
Subfamilie:	Epinephelinae
Genus:	Epinephelus
Spesie:	E. tukula
Binomiale naam
	Epinephelus tukula; (Morgans, 1959)
	Verspreidingskaart

Die aartappelbaars (Epinephelus tukula) is 'n vis wat voorkom in die Indo-Pasifiese area, die Rooisee en aan die ooskus van Afrika van Oman tot by die Aliwal-bank langs Suid-Afrika. In Engels staan die vis bekend as die Potato bass.

Voorkoms

Die vis se kop en lyf is grys met verskeie donker vlekke wat wyd uitmekaar is. Die vlekke is groter as die oë en hulle vorm is rond, ovaal of langwerpig. Daar is swart kolletjies op die vinne wat kleiner is op die bekken en anale vinne. Die vis word tot 2.2 m lank en 300 kg swaar.

Habitat

Die vis leef in koraalriwwe in water wat 10 – 230 m diep is terwyl die onvolwassenes in getypoele leef. Die vis is gebiedsgebonde en is nie bang vir skubaduikers nie, derhalwe is daar 'n verbod geplaas op die skiet van die visse deur spiesduikers.

Die vis is nie 'n gewilde eetvis nie.