Winzer


Winzer isch dÀ Bruef, wo mit em Wiibou verbundÀ isch.
Begriff
[Ă€ndere | QuĂ€lltĂ€xt bearbeite]S Wort Winzer stammt vom latinische Wort vinitor (Wiibuur/WiilĂ€ser) beziehigswis vinum (Wii). Im dĂŒĂŒtschĂ€ Sprachruum wĂ€rded fĂŒr dĂ€ Bruef au andĂ€ri Bezeichnige wie RĂ€bbuur z Bade, Wengerter z WĂŒrttemberg, Weinzierl uf Bairisch, Weinhauer z Ăschterriich oder au Weinbauer im Tirol brucht. Z Franken isch au d Bezeichnig HĂ€cker verbrĂ€itet. Als Bruefsbegriff veraltet und nur no als FamilienĂ€me bekannt sind Rebmann oder Weinmann (Weimann, Weihmann).
Ufgab
[Ă€ndere | QuĂ€lltĂ€xt bearbeite]En Winzer pflĂ€gt und kultiviert d WiirĂ€be. Au d Ufgabe nach dĂ€ WymĂ€t wie s HĂ€rstelle und s Verchaufe vom Wii ghöred zum Bruefsbild vom Winzer. Meh als d Helfti vo de Wiibuure fĂŒered sĂ€lbschtĂ€ndig en Familiebetrieb.
Zur VÀrbesserig vo dÀ Absatzchance und zum rationelle Betrieb hÀnd sich i vielne GebiÀt d Winzer zu WinzergnosseschaftÀ zÀmegschlosse.
Usbildig
[Àndere | QuÀlltÀxt bearbeite]Winzer
[Ă€ndere | QuĂ€lltĂ€xt bearbeite]Z DĂŒĂŒtschland, i de Schwiiz und z Ăsterrich isch Winzer Ă€n landwirtschaftlichĂ€ Usbildigsbruef mit ere drĂŒĂŒjĂ€hrige Bruefsusbildig. Bekannt sind z DĂŒĂŒtschland die Staatlich Lehr- und Versuechsaastalt fĂŒr Wii- und Obstbou Weinsberg und d Hochschuel Geisenheim. Z Ăsterriich werded a eigene SchuelĂ€ Weinbau- und Kellerfacharbeiter usbildet. D Iirichtig Höcheri Bundeslehraastalt und Bundesamt fĂŒr Wii- und Obstbou in Klosterneuburg bĂŒtet als einzig sötigi in Ăsterriich Ă€ foifjĂ€hrigi Usbildig mit Matur a. I de Schwiiz guet bikannt isch öppe de Lehr- & Forschungsbetrieb Weinbau Au vo de ZĂŒrcher Fachhochschuel fĂŒr Aagwandti WĂŒsseschafte.
Winzermeister, Wiimeister, Wiiboumeister
[Ă€ndere | QuĂ€lltĂ€xt bearbeite]Nach de normale Kriterie fĂŒr d Wiiterbildig zum Meister cha mer au d Wiiterbildig zum Winzermeister mache. Dadezue brucht mer e abgschlosseni ischlĂ€gigi Bruefsusbildig (normalerwiis als Winzer) und mindestens drĂŒ Jahr ischlĂ€gigi Bruefspraxis.
Wiibou- und Ănologiestudium
[Ă€ndere | QuĂ€lltĂ€xt bearbeite]Z DĂŒĂŒtschland cha mĂ€ Wiibou und Ănologi (ChĂ€llerwirtschaft) a dĂ€ Hochschuel Geisenheim University studiere. Sit 2009 gits in Neustadt a dĂ€ Wiistrass Ă€n dualĂ€ StudiĂ€gang Wiibou und Ănologie, wo zĂ€me vo dĂ€ Fachhochschuele Bingen, Kaiserslautern und Ludwigshafe am Rhii und Ă€m Dienstleistigszentrum LĂ€ndlichĂ€ Ruum (DLR) Rheinpfalz aabote wird.
Z Ăsterriich bĂŒtet d FachhochschuelstudiengĂ€ng Burgeland z Eisenstadt es Studium i dĂ€rĂ€ Kategorie aa. I i dĂ€ Schwiiz mached das öppe d Fachhochschuel Westschwiiz / Ăcole dâingĂ©nieurs de Changins und e Zwiigstell vo de ZĂŒrcher Fachhochschuel fĂŒr Aagwandti WĂŒsseschafte z WĂ€ttischwiil.
lueg au: UsbildigsmöglichkeitĂ€ fĂŒr Wiibou und ChĂ€llerwirtschaft
Patronat
[Ă€ndere | QuĂ€lltĂ€xt bearbeite]Schutzpatron vo de Winzer sind dĂ€ heilig Cyriak (eine vo de VierzĂ€h NothĂ€lfer) als Bistand gĂ€ge Frost und Unwetter, und de heilig Urban vo Langres, wo oft mit Ă€m HeiligĂ€ und Papst Urban I. verwechslet wird, als HĂ€lfer fĂŒr gsunde RĂ€bwuchs. Beidi Schutzpatron wĂ€rded oft mit enere Wiitruube oder eme Wiistock i dĂ€ Hand dargstellt.
Weblink
[Àndere | QuÀlltÀxt bearbeite]- Winzer/in im Berufenet vu dr Bundesagentur fir Arbet
- Bruefsbild und BeschĂ€ftigungszahle vo 1999-2011 fĂŒr Winzer in DĂŒĂŒtschland
- Der Winzer Website vom öschtriichische Wiibauverband
Lueg au:
- Christoph Landolt: Wimmet und wimmen, i: Wortgschichte vom 3. Oktober 2012, useggÀÀ vo de Redaktion vom Schwizerischen Idiotikon.
| DĂ€ Artikel basiert uff ere frĂ€ie Ăbersetzig vu dere Version vum Artikel âWinzerâ vu de dĂŒtsche Wikipedia. E Liste vu de Autore un Versione isch do z finde. |