kraou

Gwelet ivez : krao

Gwelet ivez : kraoñ

Brezhoneg

Gerdarzh

(Anv-kadarn) Meneget er C'hatolikon (crou).

Da geñveriañ gant an anvioù-kadarn crau « kraou-moc'h ; krao » en kembraeg, krow « foukenn, laborenn, adti » en kerneveureg, cró « kloz, liorzhig-loened ; krao » en iwerzhoneg.

Deuet eus ur ger keltiek *krewos pe *kruwos, eus *kreu(H)-o- pe *kruH-o-, deveret eus ur wrizienn indezeuropek *kreuH-, miret evel kráuti « berniañ, solierat » en lituaneg ha krȉti « kuzhat » en serbeg-ha-kroateg.

(Furm verb) Savet diwar « kraou- », pennrann ar verb « kraouiañ », hep dibenn-ger.

Anv-kadarn

kraou /ˈkrɔw/ gourel (furm vihanaat : kraouig, liester : krevier)

1. Ti pe loch ma roer goudor ha boued d'ar chatal (deñved, mirc'hi, moc'h, saout)
   • Hag hen ha krapa er vouc'hal, mont d'ar c'hraou, laza e vioc'h, ha trouc'ha dioc'htu he fevar zroad diouti. — (G. MILIN, Gwechall-goz e oa..., Kemper, 1924, p. 87.)
   • Freuzet o doa ar warded o ged, e traoñ an tour, ha kaset o doa o loened d'ar c'hraou. — (Youenn Drezen, Itron Varia Garmez, Skrid ha Skeudenn, 1941, Al Liamm, 1977, p. 183.)
   • — « Deomp d'ar c'hraou ! Lom, d'ar c'hraou ! da sachañ hardi war lost ar pemoc'h ha da drubuilhañ ar yer war o c'hlud. » — (Jakez Riou, An Ti Satanazet, Skridoù Breizh, 1944, p. 129.)
   • Ar buoc'hed, unan hag unan, ar gazeg, an ebeul a gemeras hent ar c'hraou, en noz o tont. — (Jakez Riou, Geotenn ar Werc'hez ha danevelloù all, Al Liamm, 1957, p. 40.)
   • N'o-doa ket ezomm ar re all da esa mond er hraou gand hennez. — (Jules Gros, Le trésor du breton parlé Première Partie, 1966, p. 185.)
   • Goulenn pemp milion evid ar c'hraou-ze ! — (Jules Gros, Le trésor du breton parlé Troisième Partie, 1974, p. 38.)
   • Goulenn pemp milïon evid ar c'hraou-se... (ar re-ze, 'vat, a grog !) — (Jules Gros, Le trésor du breton parlé Troisième Partie, 1974, p. 248.)
   • Goude, e furchjont al lojeiz all ; 'barzh ar c'hraou ne gavjont nemet ur c'havr hag ur vuoc'h, he devoa blejet pa oant oc'h arruout ; 'barzh ar marchosi avat, e oa daou a gezeg mat kousket en o sav, o fenn war vord o frezeb. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 78.)
2. lojeiz dister:
   • Goulenn pemp milion evit ar c'hraou-se ! — (Jules Gros, Le trésor du breton parlé Troisième Partie, 1974, p. 38.)

Krennlavarioù

• N'eo ket gant bokedoù e larta an hoc'h en e graou.

Rimadelloù

• Du-mañ zo ur vuoc'hig
  en he c'hraou,
  Debriñ a ra plouz,
  Debriñ a ra foenn,
  Debriñ a ra kaoc'h
  pa dro en he fenn. — (Jules Gros, Le trésor du breton parlé Troisième Partie, 1974, p. 372.)

Gerioù heñvelster

-1- ti da lakaat loened

• staol
• buorzh
• dañvati,
• marchosi,
• sout
• prezeb
• loch

-2- ti fall da lakaat tud

• ched
• loch
• lochenn
• siklud
• sikludenn

Deveradoù

• kraouad
• kraouiad
• kraouiañ
• kraouiata
• kraouier
• kraouiñ

Gerioù kevrennek

• kraou-deñved
• kraou-gevr
• kraou-kezeg
• kraou-moc'h
• kraou Nedeleg
• kraou-oc'hen
• kraou-porc'hell
• kraou-saout

Troidigezhioù

 1. ti, loch ma roer goudor d'ar chatal

• alamaneg : Stall ^(de)  gourel
• galleg : crèche ^(fr)  benel  ; écurie ^(fr)  benel  ; étable ^(fr)  benel
• italianeg : stalla ^(it)  benel
• katalaneg : estable ^(ca)  gourel
• luksembourgeg : Stall ^(lb)  gourel
• nederlandeg : stal ^(nl)  gourel
• okitaneg : estable ^(oc)  gourel
• portugaleg : estábulo ^(pt)  gourel
• saozneg : crib ^(en) , shed ^(en)
• spagnoleg : establo ^(es)  gourel

 2. kraou Nedeleg

• alamaneg : Weihnachtskrippe ^(de)  benel
• daneg : krybbespil ^(da) , julekrybbespil ^(da)
• galleg : crèche de Noël ^(fr)  benel
• luksembourgeg : Krëppchen ^(lb)  benel
• nederlandeg : kerststal ^(nl)  gourel , stal van Bethlehem ^(nl)  gourel
• norvegeg : julekrybbe ^(no)
• saozneg : nativity scene ^(en)
• spagnoleg : belén ^(es)  gourel , nacimiento ^(es)  gourel
• svedeg : julkrubba ^(sv)

Furm verb

kraou /ˈkrɔwj/ (hag a c'hallfe bout skrivet "kraouy")

1. Furm ar verb kraouiañ e trede gour unan an amzer-vremañ, en doare-disklêriañ
2. Furm ar verb kraouiañ en eil gour unan an doare-gourc'hemenn