mintin

Brezhoneg

Gerdarzh

→ Etimologiezh da glokaat (Ouzhpennañ)

[[Rummad:Wikeriadur:Etimologiezhioù a vank e brezhoneg |mintin]] .

Anv-kadarn

mintin /ˈmĩntĩn/ gourel (liester : mintinioù, mintinoù)

1. Penn kentañ an deiz.
   • Eur born en em gavaz eur mintinvez gant eun tort hag a lavaras dezhan :

   — Asa, mignon, goal vintin e c'heus laket samm var da gein ?

   — Te gaf dit eo mintin, eme egile, abalamour n'eus digor nemet eur prenestr ganhez ! — (G. M., Feiz ha Breiz niv. 380, 1872, p. 120b.)

   • Ne ris nemet ur c'housk hepken tre betek ar mintin ha, ... — (Daniel Defoe, lakaet e brezhoneg gant Yeun ar Gow, Abrobin, Al Liamm, 1964, p. 23.)
   • Tud a boagn e oa ma zad-kozh ha ma mamm-gozh ha bemdez-Doue, azalek ar mintin betek an noz, pe eus an eil skerijenn d'eben, evel ma lavarer, ... — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 10.)
   • ..., a zigore war ul liorzh a oa ma labour d'ar Sul vintin, ... — (Pêr Denez, Glas evel daoulagad c'hlas na oant ket ma re, Al Liamm, 1979, p. 7.)
   • [...], ne zeuas ar c'housked dezhañ nemet d'ar mintin abred, pa voe poent sevel. — (Youenn Drezen, Sizhun ar Breur Arturo, Al Liamm, 1971, p. 15.)
   • — Chuch 'ta ! Servij deiz-ha-bloaz Fañchig Kervastoue a oa er mintin-mañ, [...] ! — (Yann Gerven, Brestiz o vreskenn, Al Liamm, 1986, p. 27.)
   • An dristidigezh ne deas ket diouti gant ar mintin. — (Roparz Hemon, Ho kervel a rin en noz ha marvailhoù all, Al Liamm, 1970, p. 17.)
   • ..., hag abaoe ar mintin-mañ emaon o c'haloupat, ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 40.)
   • Bep mintin e tarzhe broñsoù hag e tigore bleunioù nevez. — (Jakez Riou, Geotenn ar Werc'hez ha danevelloù all, Al Liamm, 1957, p. 13.)

Gerioù heñvelster

• beure

Deveradoù

• mintinaat
• mintinek
• mintiniad
• mintinvezh
• mintinvezhiad

Gerioù kevrennek

• kousk-mintin
• oferenn-vintin
• warc'hoazh vintin

Krennlavar

• Ur gevnidenn diouzh ar mintin
  Sin a wall fin
  Ur gevnidenn diouzh an noz
  Sin a geloù mat antronoz

Troidigezhioù

• esperanteg : mateno ^(eo)
• galleg : matin ^(fr)

Adverb

mintin

1. abred
   • Sevel mintin-mat : sevel abred.
   • Sevel ken mintin : sevel ken abred.

Troioù-lavar

• arc'hoazh vintin
• mintin-c'houloù
• mintin-mat

Krennlavaroù

• Evit pakañ louarn pe gad
  Eo ret sevel mintin mat
• Evit tapout [konikl/louarn] pe c'had
  Eo ret sevel mintin mat