Scottie Scheffler

Si Scott Alexander Scheffler (natawo kaniadtong Hunyo 21, 1996) usa ka Amerikanong propesyonal nga magdudula og golf nga nagduwa sa PGA Tour . Karon, siya ang ni ranggo nga world number one sa Official World Golf Ranking, usa ka posisyon nga iyang gikuptan sulod sa kapin sa 175 ka semana. Naka daog siya og upat ka major championships .

Si Scheffler adunay malampuson nga karera sa amateur, apil ang kadaugan sa US Junior Amateur kaniadtong 2013 ug low-amateur honors sa 2017 US Open . Human nahimong propesyonal kaniadtong 2018, ginganlan siya nga Korn Ferry Tour Player of the Year kaniadtong 2019 ug PGA Tour Rookie of the Year niadtong 2020. Naka angkon siyag talagsaong season kaniadtong 2022; sulod sa tulo ka buwan, natala niya ang iyang unang kadaugan sa PGA Tour, misaka sa world number one, ug midaog sa iyang unang major championship sa 2022 Masters Tournament . Nidaog si Scheffler sa The Players Championship kaniadtong 2023 ug 2024, ug nahimong una nga nakadaog sa titulo sa sagunson nga mga tuig. Nakuha niya ang iyang ika duhang major championship sa 2024 Masters Tournament, ug naka daog sa gold medal sa men's individual tournament sa 2024 Summer Olympics . Nadugang ni Scheffler ang iyang ika tulong major sa 2025 PGA Championship ug ang iyang ika upat sa 2025 Open Championship .