Mariehamn

Ĝemelurboj
	Kópavogur • Kragerø • Kuressaare City • Lomonosov • Tórshavn • Valkeakoski • regiono Gotlando vd

Mariehamn
Blazono	Situo
	Mariehamn
komunumo
Ĝemelurboj
	Kópavogur • Kragerø • Kuressaare City • Lomonosov • Tórshavn • Valkeakoski • regiono Gotlando vd
	www.mariehamn.ax
Gubernio	Alando
Provinco	Alando
Fondita	1861
Areo	11,6 km²
Loĝantaro	11 742 (31 dec 2021)
Finnlingvaj	5,9 %
Svedlingvaj	89,5 %
	v • d • r

Mariehamn [marieHAMN], finne Maarianhamina, estas la ĉefurbo de Alando, aŭtonoma provinco de Finnlando. Ĝi estas la nura urbo en la provinco. Laŭ la stato de 2025 en la komunumo vivis 11 957 loĝantoj, pli ol triono de la loĝantoj de Alando. La urbo ampleksas areon de 11,81 kvadrataj kilometroj, kio rezultigas loĝdenson de 1 012 loĝantoj/km². La teritorio havas komunan limon kun Jomala kaj Lemland.

La urbon fondis en 1861 rusia imperiestro Aleksandro la Dua, kiu nomis ĝin laŭ sia edzino imperiestrino Maria (Marija Aleksandrovna): Mariehamn = Maria haveno. En la finna lingvo la urbo nomiĝas Maarianhamina.

En la haveno de Mariehamn haltas grandaj pasaĝeraj ŝipoj regule trafikantaj inter Helsinko, Turku, Talino kaj Stokholmo, pluraj ĉiutage. Tia trafiko fariĝis grava por la ŝipkompanioj post julio 1999, kiam finiĝis senimposta vendado en ŝipoj inter havenoj ene de la Eŭropa Unio. Kvankam Alando estas parto de EU, ĝi konservis statuson de ekstera lando, kiam temas pri impostoj.