Andrea Bocelli

Andrea Bocelli
	; (2025) Irudi gehiago
Bizitza
Jaiotza	Lajatico, 1958ko irailaren 22a (67 urte)
Herrialdea	Italia
Familia
Ezkontidea(k)	Veronica Berti (en)
Seme-alabak	ikusi Matteo Bocelli (en) ; Virginia Bocelli;
Hezkuntza
Heziketa	Pisako Unibertsitatea
Hizkuntzak	italiera; alemana; portugesa
Jarduerak
Jarduerak	kantugilea, egile abeslaria, disko-ekoizlea, opera abeslaria, abokatua, konpositorea, piano-jotzailea, gitarra-jotzailea, saxofoi-jotzailea, tronpeta-jotzailea, abeslaria eta musikaria
	Parte-hartzailea Munduko Ekonomia Foroaren Urteko Bilera 2015 ;
Lantokia(k)	Lajatico
Lan nabarmenak	ikusi Andrea;
Jasotako sariak	ikusi Order of Merit of Duarte, Sanchez and Mella ; Billboard Latin Music Lifetime Achievement Award (2014) ; Honorary degree of the University of Macerata (2016) ; Grand Officer of the Order of Merit of the Italian Republic (2006ko ekainaren 2a) ; Crystal Award (2015) ; Izarra Hollywoodeko Ospearen pasealekuan (2010eko martxoaren 2a) ; Echo Klassik – Classical Music without Borders (2016) ; Echo Pop Award for the Hit of the Year (1997) ; Juan Pablo Duarte Order of Merit ; Viña del Marko Nazioarteko Kantu Jaialdia : Gaviota "Corneta" (en) ; Classic Brit Awards ;
Kidetza	Accademia delle Arti del Disegno (en)
Genero artistikoa	opera; pop musika; operatic pop (en)
Ahots mota	tenorra
Musika instrumentua	ahotsa; tronboia; tronpeta; saxofoia; zeharkako txirula; gitarra; pianoa
Diskoetxea	Decca Records; Universal Music Group; PolyGram
	andreabocelli.com

Andrea Bocelli^[1] (Lajatico, Pisa, Italia; 1958ko irailaren 22a) Italiako kantari, musikari, idazle eta musika ekoizlea da. Hamabi opera oso grabatu ditu^[2] (Andrea Chénier, Carmen, Cavalleria Rusticana, Il Trovatore, La Bohème, Manon Lescaut, Pagliacci, Roméo et Juliette, Werther, Turandot, Aida eta Tosca), baita kantu klasikoekin eta musika erromantikoarekin egindako diskoak ere. Nazioartean oso ezaguna da, eta 90 milioi disko baino gehiago saldu ditu mundu osoan.

Ibilbidea

1958ko irailaren 22an jaio zen Lajaticon, Toscanako landa eremuko herrian. Alessandro Bocelli eta Edi Bocelliren semea da. Medikuek gurasoak ohartu zituzten haurra desgaitasun batekin jaioko zela, eta abortatzeko gomendatu. Izan ere, ikusmen arazoakin zituen eta glaukoma diagnostikatu zioten. Bocelli pianoa, flauta eta saxofoia jotzen ikasten hasi zen. Hamabi urterekin, futbol partida batean buruan izandako kolpe baten ondorioz, itsutasuna erabatekoa bihurtu zen. Horrek bere karrera suntsitzen ez uzteko erabakia hartuta, adin hartan zuen borondate indar handiarekin aurrera egin zuen. Musikarekiko zaletasunak familia ospakizunetan emanaldi txikiak eskaintzera bultzatu zuen. Batxilergoko ikasketak amaitutakoan, Pisako Unibertsitatean matrikulatu eta Zuzenbideko titulua lortu zuen, baino inoiz ez zuen bere benetako grina alde batera utzi. Zuzenbide klaseak Franco Corelli tenor handiaren eskutik jasotako kantu klaseekin bateratzeko gai izan zen. Leku ugaritan ere jo zuen, eta horri esker bere ahots teknika hobetzeko aukera izan zuen.

Bere lehen maketa grabatu zuen urtean, Enrica Cenzattirekin ezkondu zen; 1987an ezagutu zuen taberna batean, pianoa jotzen ari zela.^[3]

Andrea Bocellik oso gaztetatik amesten zuen opera kantatzearekin, idolotzat hartuta Enrico Caruso, Mario del Mónaco, Luciano Pavarotti eta bere irakasle Franco Corelli tenorrak. Ikasketak amaitu ondoren, urtebetez lan egin zuen abokatu lanetan, musikara erabat dedikatu aurretik.

1992an, Zuccherorekin probak egin ondoren, urte bereko udan, Andrea Turinera joan zen Franco Corelli kantari erretiratuarekin klaseak ematera. Pucciniren Che Gelida Manina kantatzen entzun zuen, eta horregatik bere klaseetan onartu: haraxe joan zen Bocelli, irakaslea 1997an hil zen arte, 83 urterekin. Urte horretan bertan Viaggio Italiano grabatu zuen eta bertan kantu aipagarriak bildu, hala nola Turandoteko Nessun Dorma, L'Arlesianako Lamento di Federico, Franz Schuberten Ave Maria, italiar folkloreko O sole mio eta Giuseppe Verdiren La donna è mobile, besteak beste. Horrekin, nazioarteko sari batzuk irabazten hasi zen.

Ikusmena galdu zuen arren, 1998an antzerkiarekin lehen hurbilketa izan zuen, urte horretako otsailaren 18tik 25era, Rodolforen papera egin zuen Pucciniren La Bohème, Cagliariko Communale di Cagliari antzokian.

2000. urtean, haren lehen opera osoa (Pucciniren La Bohème) kaleratu zen, Zubin Mehta maisuarekin batera.

Sariak

San Remoko Abestien Jaialdian artista berri onenaren irabazlea 1994an.
ECHO Sariak Urteko single nazionalaren kategorian 1997an Time to Say Goodbye kantarengatik.
ECHO Sariak, Urteko bestseller kategorian, Viaggio Italiano diskoarengatik 1997an.
Bambi sariak 1999an.
World Music Awards bi irabazi zituen, bata Italiako kantari onenaren kategorian eta bestea, Interpretazio klasikorik onena, 1998an.
ECHO Sariak, Disko klasiko salduena, Ariarekin - 1998an opera diskoarekin egindakoa.
ECHO Sariak, Urteko salduenak kategorian, Sacred Arias albumarekin, 2000. urtean.
Bi, Classical BRIT Awards kategorian, Saldutako album klasiko onena, eta Urteko albuma. Sacred Arias-ekin, 2000. urtean.
Goldene Europe musika klasikorako Europan 2000. urtean.
Goldene Kamera "Musika eta entretenimendua" kategorian 2002an.
Bi "World Music Awards" kategorietan "Munduko artista klasikoena" eta "Italiako artista onena" kategorietan, 2002an.
Telegatto saria 2002an Cuore saileko soinu bandari esker.
BRIT sari klasikoa "Musikari egindako ekarpen aipagarria" kategorian 2002an.
Bi "Classical BRIT Awards" kategorietan "Hobekien saldutako album klasikoa" eta "Urteko albuma" kategorietan Sentimento albumerako 2003an.
World Music Awards bi irabazi zituen"Italiako artista onenarentzat" eta "Munduko artista klasiko salduena" 2006an.
Telegatto platinozko sariak "Italiako musika munduan" 2008an
2010eko martxoaren 2an, izar bat eman zioten Hollywoodeko Ospearen Pasealekuan, zuzeneko antzerkian egindako ekarpenagatik.
Horrez gain, "Artea, Zientzia eta Bakea" Saria eman zioten 2015ean, Pier Franco Marcenarok. ”Arraza, nazionalitate edo erlijio oztopo guztietatik haratago dagoen jendearekin bat egiten du".

Diskografia

Albumak

1994: Il Mare Calmo della Sera^[4]
1995: Bocelli
1995: Viaggio Italiano
1997: Romanza
1997: Aria - the opera album
1999: Sogno
1999: Sacred Arias
2000: Verdi
2001: Cieli di Toscana
2002: Sentimento
2004: Andrea
2006: Amore
2007: The Best of Andrea Bocelli: Vivere
2008: Incanto
2009: My Christmas
2013: Passione
2013: Love in Portofino
2015: Cinema
2018: Sì

Zuzeneko albumak

2006: Under the Desert Sky
2008: Vivere Live in Tuscany
2011: Concerto, One Night in Central Park

Bideo albumak

1997: The opera album (Florentzia 1997)
1997: Romanza
1997: Una notte nella Toscana
2000: Sacred Arias
2002: Tuscan Skies (Cieli di Toscana)
2006: Credo: John Paul II
2006: Under the Desert Sky
2007: Céline Dion These Are Special Times (1998ko filma)
2008: Vivere Live in Tuscany
2008: Incanto The Documentary
2009: My Christmas Special
2011: Concerto: One Night in Central Park
2011: Duets II, Tony Bennetten DVD.

Operak

2000: La Bohème
2003: Tosca
2004: Il Trovatore
2005: Werther
2006: Pagliacci
2007: Cavalleria Rusticana
2008: Carmen
2010: Andrea Chénier
2012: Roméo et Juliette
2014: Manon Lescaut
2015: Turandot
2016: Aida

Albumak elkarlanean

1997: A Hymn for the World
1998: A Hymn for the World 2 (Voices From Heaven)
2000: Verdi's Requiem
2010: Carmen: Duets & Arias

Birak

2002: Sentimento Tour
2006: Amore Tour
2008-2010: Incanto Tour
2009-2010: My Christmas Tour

Erreferentziak

↑ (Gaztelaniaz) admin. Biografía de Andrea Bocelli | Incluyeme.com. (kontsulta data: 2021-05-13).
↑ (Gaztelaniaz) Mascia, Carla. (2018-08-27). «La historia que esconde la voz de Andrea Bocelli» El País ISSN 1134-6582. (kontsulta data: 2021-05-31).
↑ «Biografía de Andrea Bocelli (Su vida, historia, bio resumida)» www.buscabiografias.com (kontsulta data: 2021-05-31).
↑ (Gaztelaniaz) «Biografía de Andrea Bocelli» www.todomusica.org (kontsulta data: 2021-05-31).

Ikus, gainera

Musika klasikoa

Kanpo estekak

(Ingelesez)(Italieraz):Webgune ofiziala
Andrea Bocelliren Greatest Hits-The Best Of Andrea Bocelli albuma Youtuben.

Datuak: Q42402
Multimedia: Andrea Bocelli / Q42402

[1] (Gaztelaniaz) admin. Biografía de Andrea Bocelli | Incluyeme.com. (kontsulta data: 2021-05-13).

[2] (Gaztelaniaz) Mascia, Carla. (2018-08-27). «La historia que esconde la voz de Andrea Bocelli» El País ISSN 1134-6582. (kontsulta data: 2021-05-31).

[3] «Biografía de Andrea Bocelli (Su vida, historia, bio resumida)» www.buscabiografias.com (kontsulta data: 2021-05-31).

[4] (Gaztelaniaz) «Biografía de Andrea Bocelli» www.todomusica.org (kontsulta data: 2021-05-31).

[1]

[2]

[3]

[4]