FOCSA eraikina

FOCSA eraikina
	Irudi gehiago
Kokapena
Herrialdea	Kuba
Kubako probintzia	Havana Province
Hiria	Habana
Koordenatuak	23°08′N 82°23′W / 23.14°N 82.38°W
Historia eta erabilera
Irekiera	1956ko ekaina
Jabea	CMQ (en)
Arkitektura
Arkitektoa	Martín Domínguez
Solairuak	39
	Webgune ofiziala

FOCSA eraikina Habanako Vedado auzoan dagoen eraikin bat da, Kubako hiriburuan. Kubako ingeniaritza zibileko zazpi mirarietako bat bezala hartzen da. Bere eraikuntzak bi urte eta lau hilabete inguru iraun zuen. 1956an amaitu zenean, oihartzun handia piztu zuen Kubako biztanleriaren artean bere berritasun teknologikoagatik eta Habanako eraikin altuen aroaren hasiera markatu zuen. Martín Domínguez Esteban espainiarrak eta Ernesto Gómez Sampera eta Bartolomé Bestard kubatarrek osatutako arkitekto taldeak eraiki zuen. Lanak 1954ko otsailean hasi ziren eta 1956ko ekainean amaitu ziren. Luis Sáenz Duplace ingeniaria izan zen lanak zuzendu zituena. Sáenzek, Canciok eta Martínek lurpeko lurzoruaren analisia, zulaketak, ikerketa geologikoak, putzuak, konpresio probak eta lurzoruko karga zuzeneko probak egin zituzten. ^[1] Munduko bigarren hormigoizko eraikin altuena bihurtu zen, São Pauloko Martinelli eraikina izanik lehenengoa. ^[2] FOCSA hiri baten barruko hiri txiki eta autosufiziente gisa pentsatu zen. Eguzkiaren, argiaren eta aireztapenaren kontzeptuak guztiz islatzen diren eraikina izan zen eta izaten jarraitzen du. ^[3]

Eraikinak 36 solairu ditu, 121 metroko altuera, eta Le Corbusier-en ideietan oinarritzen da: hiri baten barruko egitura autonomoa. 373 apartamentu, garaje, eskola bat, supermerkatu bat, denda eta jatetxek osatzen dute.

Kokapena

17, 19, M eta N kaleen arteko etxadia, El Vedado auzoa, Habana hiria, Kuba. Izena Fomento de Obras y Construcciones, Sociedad Anónima (FOCSA) konpainiaren eskutik eraiki zelako hartu zuen.^[4]

Erreferentziak

↑ El edificio Focsa. .
↑ Edición Digital de EnCaribe, Enciclopedia de Historia y Cultura del Caribe.. Edificio FOCSA. .^{[Betiko hautsitako esteka]}
↑ GÓMEZ DÍAZ, FRANCISCO. (2008). «Martín Domínguez Esteban. La labor de un arquitecto español exiliado en Cuba» RA. Revista de Arquitectura 10: 58-68.: 63-64..
↑ El majestuoso edificio FOCSA. .

Kanpo estekak

Kubako eraikinik altuena

Datuak: Q5426832
Multimedia: FOCSA Building / Q5426832

[Edificio_Focsa-1] El edificio Focsa. .

[Edificio_Focsa_enci-2] Edición Digital de EnCaribe, Enciclopedia de Historia y Cultura del Caribe.. Edificio FOCSA. .^{[Betiko hautsitako esteka]}

[Gómez-3] GÓMEZ DÍAZ, FRANCISCO. (2008). «Martín Domínguez Esteban. La labor de un arquitecto español exiliado en Cuba» RA. Revista de Arquitectura 10: 58-68.: 63-64..

[Majestuoso-4] El majestuoso edificio FOCSA. .

[1]

[2]

[3]

[4]