Kontradantza
Kontradantza[1] erritmo bizia eta konpas bitarra duen dantza bat da. Errepikatzen diren zortzi konpasetako hainbat sekziotaz osaturik dago. Bere jatorria, Britainia Handiko country dancetan du. Herrialde honetatik Europa osora zabaldu zen. Bere ospe gorena, XVIII. mendearen amaieran lortu zuen. Garai honetan, antzezlan musikaletako beste genero batzuetan erabili zen, operan eta balletean bezala. Erritmo honetan oinarrituriko musika-lanak idatzi zituzten musika klasikoko konposatzaileen artean Wolfgang Amadeus Mozart eta Ludwig van Beethoven daude. Azken honek, 1803an, hamabi dantzekin osaturiko bilduma bat argitaratu zuen. Hauen artean, zazpigarrena eta hamaikagarrena nabarmendu behar dira. Hamaikagarrena, Las Criaturas de Prometeo izeneko musika-lanean erabiltzen du. Historiografia musikalak, oso baztertuta izan duen arren, garrantzi berezia izan zuten kontradantzek Hispanoamerikan, XIX. mendean zehar, Manuel Saumell eta honen lanaren jarraitzaile izan zen Ignacio Cervantes bezalako egileekin, Habana genero honen zabalkuntzaren zentru garrantzitsuenetako bat izaki.
Erreferentziak
[aldatu | aldatu iturburu kodea]- ↑ Euskalterm: [Musika Hiztegia] [2011]
Kanpo estekak
[aldatu | aldatu iturburu kodea]
Datuak: Q747339
Multimedia: Contra dance / Q747339
 |
Artikulu hau musikari buruzko zirriborroa da. Wikipedia lagun dezakezu edukia osatuz. |
