Discogs
| Discogs | |
 | |
| URL | |
|---|---|
| Коммерциялық |
ішінара |
| Сайттың түрі | |
| Тіркелу |
міндетті емес |
| Тіл(дер)і |
ағылшын, неміс, испан, португал, француз, итальян, жапон, корей, орыс |
| Сервердің орналасқан жері | |
| Иесі |
Zink Media, LLC |
| Авторы |
Кевин Левандовски |
| Ашылған уақыты |
2000 жыл |
| Қазіргі статусы |
белсенді |
Discogs — 2000 жылы құрылған, коммерциялық релиздерді, жарнамалық шығарылымдарды және бутлег немесе лейблсіз туындыларды қоса алғанда, аудиожазбаларға арналған онлайн-дерекқор әрі маркетплейс. Дерекқор мазмұнын пайдаланушылар өздері жасайды және оны The New York Times басылымы «Уикипедия тәрізді» деп сипаттаған. Мұнда қолданушылар онлайн-сатушылардан винил пластинкаларын, CD, аудиокассеталарды және басқа да музыкалық форматтарды сатып ала алады.[1] Сайттың басты ерекшелігі әрі жаңалығы — музыканың нақты шығарылымдарын бір-бірінен дәл ажырата білуі (мысалы, «Сенбі кешінің қызбасы» саундтрегінің 400-ден астам түрлі нұсқасы бар).
Сайт бастапқыда электронды музыканың ең ірі онлайн-дерекқоры болу мақсатымен құрылғанымен,[2] қазіргі уақытта барлық жанрлар мен форматтардағы релиздерді қамтиды.[1] 2015 жылға қарай ол алдына жаңа мақсат қойды: «бұрын-соңды жасалған әрбір физикалық музыка туындысын каталогтау».[3] 2026 жылғы мәлімет бойынша, оның дерекқорында пайдаланушылар енгізген 19 миллионнан астам релиз тізімі бар.[4]
Тарихы
[өңдеу | дереккөзін өңдеу]Discogs сайтын 2000 жылы Intel компаниясында бағдарламашы болып жұмыс істеген Кевин Левандовски іске қосты.[5] Бастапқыда бұл жоба Левандовскидің гардеробындағы компьютерден бастау алып, тек электронды музыкамен шектелді. 2015 жылға қарай Discogs-та 37 қызметкер жұмыс істеді, 3 миллион пайдаланушысы болды және ай сайынғы трафик 20 миллион келушіні құрады.
2005 жылы Discogs пайдаланушылар альбомдарды сатып алып, сата алатын маркетплейсті іске қосты.[6] Discogs Marketplace сатушылар тауарларды ұсынатын және сатылған тауар үшін комиссия алынатын Amazon мен eBay үлгісі бойынша жасалған. Оның релиздер тізімін шығарылатын елі, форматы, валютасы, жанры, стилі, формат сипаттамасы, тасымалдағыштың күйі, шыққан жылы, сатушының аты және сатып алушыға «ұсыныс жасауға» рұқсат етілген-етілмегені бойынша сүзгілеуге болады.
2007 жылдың шілде айында сайтта сатушыларға арналған «Market Price History» (Нарықтық баға тарихы) деп аталатын жаңа жазылым жүйесі енгізілді. Ол премиум пайдаланушыларға дәл сондай релизді бұрын сатқан басқа сатушылардың соңғы 12 айдағы сатылым бағаларын көруге мүмкіндік берді (алайда 60 күндік ақпарат тегін болды). Сонымен қатар, сатушылар мен сатып алушылардан басқа табыс көзі табылуына байланысты қосымша мүмкіндіктер барлық жазылушыларға қолжетімді болуы тиіс деп есептеліп, кеңейтілген жазылымдар үшін жылына 12 АҚШ доллары мөлшеріндегі ақы алынып тасталды. Сол жылдың соңында барлық ақылы кіру мүмкіндіктері жойылып, сайтты толық пайдалану тегін болды, бұл барлық пайдаланушыларға әрбір тауардың 12 айлық нарықтық баға тарихын толық көруге мүмкіндік берді.
Дерекқор мен маркетплейстен басқа, Discogs «Discogs Digs» онлайн редакциялық платформасын басқарады. Бұл платформа «Vinylogue» сияқты сериялар аясында сұхбаттар мен пластинка жинау профильдерін жариялайды, сондай-ақ бұған Терстон Мур, Колин «Космо» Мерфи, DJ Marky және аргентиналық селектор әрі музыкалық куратор Соледад Родригес Зубиета (SRZ) сияқты диджейлер мен коллекционерлер қатысқан.[7][8][9][10]
Статистика
[өңдеу | дереккөзін өңдеу]2021 жылғы 8 қаңтардағы жағдай бойынша Discogs сайтында төмендегідей ақпарат болды:
- 13477410 әртүрлі жанрдағы және әртүрлі тасымалдағыштағы шығарылым (оның ішінде 1861458 негізгі шығарылым (мастер-релиз))
- 7318305 музыкант пен топ
- 1644375 музыкалық компания
- 559752 белсенді қолданушы
Тағы қараңыз
[өңдеу | дереккөзін өңдеу]Дереккөздер
[өңдеу | дереккөзін өңдеу]- 1 2 Sisario, Ben. Discogs Turns Record Collectors' Obsessions Into Big Business (ағыл.), The New York Times (29 желтоқсан 2015). Тексерілді 29 маусымның 2023.
- ↑ Discogs: what is it, where it came from, and how to use it (ағыл.). Happy Mag. (Sep 8, 2021). Тексерілді, 8 қазан 2019.
- ↑ Lewandowski, Kevin Guest Column - How Discogs Organised the World's Record Collection. Q the Music. (March 4, 2016). Басты дереккөзінен мұрағатталған 20 сәуір 2017. Тексерілді, 27 ақпан 2025.
- ↑ Find Music on Discogs. Discogs. Тексерілді, 27 ақпан 2025.
- ↑ Discogs: Vinyl revolution. Resident Advisor. (26 Mar 2010). — «It took about six months working nights and weekends on Discogs, and I launched it in November 2000.» Тексерілді, 13 желтоқсан 2023.
- ↑ Garber, David How Discogs Dragged Record Collecting Into the 21st Century. Vice. (26 ақпан 2015). Тексерілді, 13 наурыз 2022.
- ↑ Vinylogue – Soledad Rodríguez Zubieta (ағыл.). Discogs Digs. (9 April 2025). Тексерілді, 1 желтоқсан 2025.
- ↑ Vinylogue: Thurston Moore and the Smell of Vinyl (ағыл.). Discogs Digs. Тексерілді, 1 желтоқсан 2025.
- ↑ Vinylogue: Deep Listening with Colleen "Cosmo" Murphy (ағыл.). Discogs Digs. Тексерілді, 1 желтоқсан 2025.
- ↑ Vinylogue: DJ Marky on Vinyl's Enduring Magic (ағыл.). Discogs Digs. Тексерілді, 1 желтоқсан 2025.
| ||||||
