David Fiegen

Dëse Sportsartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

David Fiegen
Gebuer	3. September 1984 Esch-Uelzecht
Alter	42 Joer
Nationalitéit	Lëtzebuerg
Aktivitéit	Mëttelstreckeleefer
Kompetitiounsklass	800-Meter-Laf
Huet matgemaach bei	Olympesch Summerspiller 2004

Den David Fiegen, gebuer den 3. September 1984 zu Esch-Uelzecht, ass e fréiere lëtzebuergesche Liichtathleet vum C.A. Fola. Als Mëttelstreckeleefer ass hien haaptsächlech d'800 Meter gelaf; méi rar d'1000 an d'1500 Meter.

Dem David Fiegen säi gréissten Erfolleg ass den Titel vum Vize-Europameeschter 2006 zu Göteborg am 800-Meter-Laf, hannert dem Hollänner Bram Som. Nom Josy Barthel senger Goldmedail iwwer 1500 m 54 Joer virdrun op den Olympesche Spiller zu Helsinki ass dat déi bescht Leeschtung vun engem Lëtzebuerger Liichtathleet. Et ass och déi éischt a bis haut eenzeg Medail fir Lëtzebuerg bei Liichtathleetik-Europameeschterschaften. Trotzdeem gouf den David Fiegen 2006 net Lëtzebuerger Sportler vum Joer; dat gouf de Fränk Schleck, deen dat Joer d'Amstel Gold Race gewonnen huet.

No senger sportlecher Karriär ass hien an der Restauratioun täteg. Zanter 2019 ass hie Patron vum Restaurant Koeppchen zu Wuermer.

Säi Palmarès 2005/2006 (mat 21 Joer) Sëlwermedail op den 800 m (1:46,59) bei der Liichtathleetik-EM zu Göteborg (Schweden) Lëtzebuerger Rekord op 800 m an 1:44,81 Minutten, gelaf beim Meeting Weltklasse Zürich Lëtzebuerger Rekord op 1000 m an 2:17,51 Minutten Lëtzebuerger Rekord an der 3 x 1000 Meter-Staffel a 7:17,33 - zesumme mam Jimmy Keiffer a Mike Schumacher 2004/2005 (mat 20 Joer) Participatioun bei den Olympesche Spiller zu Athen Lëtzebuerger Rekord op den 800 m an 1:45,63 Minutten Participatioun bei den "World Indoor Championships" zu Budapest (Ungarn) Lëtzebuerger Rekord op 1000 m (indoor) an 2:22,12 Minutten 2002/2003 (mat 19 Joer) Goldmedail op de "Jeux des Petits Etats" zu Malta Sëlwermedail um "Europäesche Championnat vun de Junioren" zu Tampere (Finnland) Participatioun bei de World Championships zu Paräis 2001/2002 (mat 18 Joer) Finalist bei den "European Indoor Championships" zu Wien Lëtzebuerger Rekord op 800 m (indoor) Bronzemedail op den "World Junior Championships" zu Kingston, Jamaika Lëtzebuerger Rekord op den 800 m an 1000 m Beschte Sportler vum Joer

Kuckt och

• Portal Sport
• Lëscht vu lëtzebuergesche Sportler
• Lëscht vu lëtzebuergeschen Olympionicken
• Lëtzebuergesch Sportler vum Joer

Um Spaweck

• Dem David Fiegen seng Websäit
• Säit vum däitsche Liichtathleeteverband mat der Bewäertung iwwer d'Leeschtunge vum David Fiegen
• Sonndesinterview mam David Fiegen, rtl.lu, 09.08.2026, gekuckt den 09.08.2026

Referenzen

Virdrun	Sportler vum Joer	Duerno
Jeff Strasser	2002	Kim Kirchen