Habschter Tunnel
 Den Habschter Tunnel vun der Hueweler SĂ€it aus gesinn | |
| Typ | Eisebunnstunnel |
|---|---|
| Eisebunnstreck | Atertlinn |
| Technesch Donnéeën | |
| LĂ€ngt | 690 m |
| DĂ©ift | 65 m (max.) |
| RĂ©ier | 1 |
| Gare Kapp 1 | Ăischen |
| Gare Kapp 2 | Huewel |
| Bau | |
| Geographie | |
| Land |
 LĂ«tzebuerg |
Den Habschter Tunnel war en eegleisegen Eisebunnstunnel op der Atertlinn tĂ«scht der Ăischener Gare an der Hueweler Halt vum Kilometer 23,380 bis 24,070.
Den Tunnel, deen haut als Vëlospist an als Trëppelwee benotzt gëtt, ass 690 Meter laang an e gehéiert zanter dem 9. Juli 1973 der Gemeng Habscht.
Op der Héicht, wou en ënner der N8 erduerch geet, ass e ronn 65 Meter ënner dem Buedem. Op dÀr Plaz stoung bei der Nationalstrooss fréier en Octroishaische mat enger Wiertschaft, de Café beim Bichler.
Op bĂ©id SĂ€ite vum Tunnel stoung e Gardshaischen. Dat op der Hueweler SĂ€it ass lues e lues zesummegetrollt an dat op der Ăischener SĂ€it gouf eng laang ZĂ€it als Weekendhaus benotzt.
Den Tunnel ass bannendra ganz gemauert. E gouf vun der Firma Schwipper vun Tréier gebaut, déi bei der Soumissioun ënner 8 Konkurrenten erausgesicht gouf. Ee vun den Haaptleit beim Bau vum Tunnel war deemools de Stroossener Jean-Nicolas Barblé.
Op der ganzer LÀngt sinn an OfstÀnn vun 20 - 25 Meter op enger SÀit am Mauerwierk Nischen agebaut, 27 Stéck am Ganzen.
Den Tunnel huet eng Héicht ënner dem Bou vu 5,50 Meter an d'Mauere sinn, bis op Héicht vum Usaz vum Bou, liicht ageschréit. Se sinn uewen en hallwe Meter méi wÀit ausernee wéi op der Héicht vum Gleis, wou se 4,50 Meter wÀit ausernee stinn. D'Verwëllef vum Tunnel ass 0,50 Meter déck. Laanscht d'Mauer op der SÀit vis-à -vis vun den Nischen ass een 0,75 Meter breeden EntwÀsserungsgruef.
Beim Ofschloss vun den Aarbechten um Habschter Tunnel 1879, war et dee lÀngsten am Land.
