Metro Manila
.jpg)
Metropolitan Manila,[1] nan umumnyo disingkek Metro Manila dan sacaro rasmi disabuik Wilayah Ibu Kota Nasional,[2] adolah wilayah ibu kota sakaliguih kawasan metropolitan tagadang di Filipina. Wilayah ko mancakuik area salaweh 636,00 km² (245,56 mil persegi) jo mampunyoi panduduak sabanyak 14.001.751 jiwa pado tahun 2024, manjadiannyo wilayah jo panduduak tabanyak kadup di nagara tu sasudah Calabarzon. Metro Manila marupokan kawasan metropolitan jo panduduak tagadang katujuah di Asia sarato kawasan pakotaan jo panduduak tagadang kasalapan di dunia.
Metro Manila marupokan pusek global di bidang kauangan jo padagangan, budayo, teknologi, hiburan, jo media, akademik, seni jo mode, politik jo pamarintahan, sarato diplomasi internasional. Wilayah ko manyumbang 36% dari produk domestik bruto (PDB) Filipina.[3] Manila Rayo, yaitu kawasan urban nan saliang tahubuang jo mangaliliangi metropolis ko, marupokan subdivisi nagara tagadang kaampek di ASEAN badasarkan PDB, sasudah Singapur sarato kawasan metropolitan Jakarta jo Bangkok.
Pado tahun 1975, sabagai tanggapan tahadap kabutuhan untuak mampatahanan jo manyadioan layanan tapadu bagi panduduak nan taruih batambah, kawasan tabangun nan bapusek di Manila sacaro rasmi diakui sabagai wilayah metropolitan malalui Dekret Presiden No. 824.[1] Satahun kamudiam, Dekret Presiden No. 879 manetapan Metro Manila sabagai wilayah administratif, jo tetap mampatahanan statuihnyo sabagai metropolis, sarato manatapannyo sabagai Region IV. Samantaro itu, bagian lain dari wilayah Tagalog Selatan ditetapan sabagai Region IV-A.[4] Akhianyo, pado tahun 1978, Metro Manila manjadi Wilayah Ibu Kota Nasional (NCR) Filipina, maapuih panatapan numeriknyo jo mambaliakan wilayah Tagalog Selatan ka namo sabalunnyo.[5]
Demografi
[suntiang | suntiang sumber]Metro Manila mampunyoi panduduak sabanyak 14.001.751 jiwa manuruik sensus nasional tahun 2024.[6] Wilayah metropolitan ko mampunyoi kabaragaman etnih jo sijarah panjang imigrasi, baiak dari dalam maupun lua nagara. Urang-urang dari kasaluruahan Filipina babondoang-bondoang ka Metro Manila untuak mancari paluang ekonomi nan labiah baiak.
Jumlah kawasan pakotaan NCR, nan mancakuik aglomerasi pakotaan jo marujuak pado paluasan wilayah pakotaan Metro Manila nan bakasinambungan hinggo ka provinsi Bulacan, Cavite, Laguna, dan Batangas, dipakiroan mampunyoi panduduak sabanyak 24.100.000 jiwa pado tahun 2015.[7]
Rujuakan
[suntiang | suntiang sumber]- 1 2 Presidential Decree No. 824 (November 7, 1975), Creating the Metropolitan Manila and the Metropolitan Manila Commission and for Other Purposes, Supreme Court E-Library, diarsipkan dari versi asli tanggal July 10, 2023, diakses tanggal July 10, 2023
- ↑ "Mapa ng mga Wika (Rehiyon) - National Capital Region". Commission on the Filipino Language. Diarsipkan dari versi asli tanggal September 23, 2021. Diakses tanggal September 23, 2021.
- ↑ "NCR economic output jumped by 5.6% in 2024 — PSA". BusinessWorld. April 23, 2025. Diakses tanggal July 21, 2025.
- ↑ Presidential Decree No. 879 (January 23, 1976), Dividing Region No. 4 of the Administrative Field Organization of the Various Departments and Agencies of the Government Into Region No. 4 and 4-A, The Official Gazette, diarsipkan dari versi asli tanggal May 16, 2023, diakses tanggal May 16, 2023
- ↑ Presidential Decree No. 1396 (1978-06-02), Creating the Department of Human Settlements and the Human Settlements Development Corporation, Appropriating Funds Therefor, and Accordingly Amending Certain Presidential Decrees, Supreme Court E-Library, diarsipkan dari versi asli tanggal 2023-07-10, diakses tanggal 2023-07-10
- ↑ Census of Population (2020). "Total Population by Province, City, Municipality and Barangay". Total Population by Province, City, Municipality and Barangay. Philippine Statistics Authority. https://psa.gov.ph/system/files/phcd/2022-12/NCR.xlsx. Diakses pado 8 Juli 2026.
- ↑ "The Principal Agglomerations of the World". citypopulation.de. Diarsipkan dari versi asli tanggal September 13, 2018. Diakses tanggal December 8, 2017.
