Billy Swan
| Billy Swan | |||
| Fødd | 12. mai 1942 (84 år) | ||
|---|---|---|---|
| Fødestad | Cape Girardeau i Missouri i USA | ||
| Fødenamn | William Lance Swan | ||
| Opphav | USA | ||
| Aktiv | 1962 til i dag | ||
| Sjanger | Country Pop | ||
| Instrument | vokal, klaverinstrument, gitar | ||
| Plateselskap | Monument Records, A&M, Epic | ||
| Verka som | Songar, låtskrivar | ||
William Lance «Billy» Swan (fødd 12. mai 1942) er ein USA-amerikansk låtskrivar og songar, mest kjend for hitten «I Can Help» i 1974.
Liv
[endre | endre wikiteksten]Swan vart fødd i Cape Girardeau i Missouri. Som barn lærte han å spele trommer, piano og gitar, og byrja å skrive songar. Gjennom brotet hans kom i 1962 då Clyde McPhatter spelte inn «Lover Please», ein song skriven av Swan då han spelte i det lokale bandet Mirt Mirly & the Rhythm Stoppers, og som først hadde blitt spelt inn av Bill Black.[1] McPhatter-versjonen nådde raskt sjuandeplassen på singellista i USA.
Swan flytta til Memphis for å arbeide med Black, men Black vart sjuk og døydde kort tid etter i 1965. Swan arbeidde ei stund på eigedomen til Elvis Presley, Graceland. Han flytta så til Nashville, der han skreiv countrysongar for mange artistar, som Conway Twitty, Waylon Jennings og Mel Tillis. I 1969 tok Swan på seg rolla som plateprodusent og produserte Tony Joe White-hitten «Polk Salad Annie». Swan spelte òg bassgitar for Kris Kristofferson, og fekk så ein soloavtale med Monument Records.[1]
Det første albumet hans inneheldt songen «I Can Help», ein rockabilly-song som toppa både Billboard Hot 100- og countrylista i USA i 1975, og som vart ein hit i mange andre land. Swan spelte inn songen på to forsøk and med eit RMI-orgel som Kristofferson og songaren Rita Coolidge hadde gjeve han i bryllaupsgåve. Andre album for Monument, A&M og Epic vart langt frå så suksessrike som debutalbumet.[1]
I 1979 reiste Swan til Havanna på Cuba for å spele på den historiske Havana Jam-festivalen, som fann stad 2.-4. mars, i lag med Stephen Stills, the CBS Jazz All-Stars, the Trio of Doom, Fania All-Stars, Weather Report, Bonnie Bramlett, Mike Finnegan, Kris Kristofferson, Rita Coolidge og Billy Joel, i tillegg til ei rekkje cubanske artistar som Iraqis, Pacho Alonso, Tata Güines og Orquesta Aragón. Klipp frå konserten hans er med i dokumentaren til Ernesto Juan Castellanos Havana Jam '79.
Swan heldt fram å turnere som medlem av bandet til Kristofferson, og spelte inn to album med Randy Meisner frå The Eagles. I 1986 drog han i studio med eit band kalla Black Tie og i lag med Meisner, Jimmy Griffin (Bread), David Kemper (trommeslagar), David Miner og David Mansfield og gav ut albumet When the Night Falls.
Diskografi
[endre | endre wikiteksten]Album
[endre | endre wikiteksten]| År | Album | Listeplassering[2] | |||
|---|---|---|---|---|---|
| US Country | US | CAN | NOR | ||
| 1974 | I Can Help | 1 | 21 | 34 | 3 |
| 1975 | Rock 'n' Roll Moon | 29 | — | — | 13 |
| 1976 | Billy Swan | 28 | — | — | — |
| 1977 | Four | — | — | — | — |
Singlar
[endre | endre wikiteksten]| År | Singel | Listeplassering[3][4][5] | ||||||||
|---|---|---|---|---|---|---|---|---|---|---|
| US Country | US | US AC | CAN Country | CAN | CAN AC | GER | AUS | UK | ||
| 1974 | «I Can Help» | 1 | 1 | 6 | 1 | 2 | 4 | 1 | 1 | 6 |
| 1975 | «I'm Her Fool» | — | 53 | — | — | 93 | — | — | — | — |
| «Don't Be Cruel» | — | — | — | — | — | — | 26 | — | 42 | |
| «Everything's the Same (Ain't Nothing Changed)» | 17 | 91 | — | 29 | 62 | — | 36 | 84 | — | |
| 1976 | «Just Want to Taste Your Wine» (med The Jordanaires) | 45 | — | — | — | — | — | — | — | — |
| «You're the One» | 75 | — | — | — | — | — | — | — | — | |
| «Shake, Rattle and Roll» | 95 | — | — | — | — | — | — | — | — | |
| 1978 | «Hello! Remember Me» | 30 | — | — | 46 | — | — | — | — | — |
| «No Way Around (It's Love)» | 97 | — | — | — | — | — | — | — | — | |
| 1981 | «Do I Have to Draw a Picture» | 18 | — | — | 29 | — | — | — | — | — |
| «I'm into Lovin' You» | 18 | — | — | 28 | — | — | — | — | — | |
| «Stuck Right in the Middle of Your Love» | 19 | — | — | 35 | — | — | — | — | — | |
| 1982 | «With Their Kind of Money and Our Kind of Love» | 32 | — | — | — | — | — | — | — | — |
| «Your Picture Still Loves Me (And I Still Love You)» | 56 | — | — | — | — | — | — | — | — | |
| 1983 | «Rainbows and Butterflies» | 39 | — | — | — | — | — | — | — | — |
| «Yes» | 67 | — | — | — | — | — | — | — | — | |
| 1986 | «You Must Be Lookin' for Me» | 45 | — | — | — | — | — | — | — | — |
| 1987 | «I'm Gonna Get You» | 63 | — | — | — | — | — | — | — | — |
Kjelder
[endre | endre wikiteksten]- Denne artikkelen bygger på «Billy Swan» frå Wikipedia på engelsk, den 24. januar 2015.
- Wikipedia på engelsk oppgav desse kjeldene:
- 1 2 3 Biography by Steve Huey at Allmusic.com
- ↑ «Allmusic ((( Billy Swan > Charts & Awards > Billboard Album )))».
- ↑ «Allmusic ((( Billy Swan > Charts & Awards > Billboard Singlar )))».
- ↑ Roberts, David (2006). British Hit Singlar & Album (19th utg.). London: Guinness World Records Limited. s. 542. ISBN 1-904994-10-5.
- ↑ «Search results for Billy Swan». RPM. Henta 10. august 2009.
