Hardanger og Voss museum

Faktaboks

Offisielt namn
STIFTINGA HARDANGER OG VOSS MUSEUM
Organisasjonstype
Stiftelse
Forretningsadresse
Utne
Stifta
17.01.2006
Dagleg leiar
Åsmund Johannes Kristiansen
Styreleiar
Lars Mossefinn

Voss folkemuseum omfattar mellom anna eit av dei eldste freda tuna på Vestlandet.

Mølstertunet, Voss folkemuseum
Av .
Lisens: CC BY NC 3.0

Hardanger og Voss museum vart grunnlagt i 2006 som ei samanslutning av fleire etablerte museum, og fungerer som regionmuseum for hardangerkommunane Eidfjord, Kvam, Ullensvang, Ulvik og Voss.

Museet arbeider med bevaring, innsamling, dokumentasjon, forsking og formidling av kulturuttrykk frå både fortida og samtida. Administrasjonen er plassert i Hardanger folkemuseum på Utne i Ullensvang kommune.

Samlingane til museet omfattar over 50 000 gjenstandar, rundt 140 kulturhistoriske bygg og fartøy, og dessutan ei stor fotosamling. Samlingane inkludere mellom anna hardangerbunader, folkedrakter, tradisjonell båtbyggjarkunst, bygningar frå mellomalderen og eit stort utval av gjenstandar knytt til landbruk, handverk og daglegliv. Mange av desse gjenstandane er tilgjengelege i DigitaltMuseum.

Museumsavdelingar

Hardanger og Voss museum har museum og avdelingar som ligg i Hardanger og Voss-regionen. Desse inkluderer mellom anna:

  • Hardanger folkemuseum i Utne, som vart grunnlagt 1911 og omfattar mellom anna klyngjetun, husmannsplass, naustrekkje og frukthage med gamle fruktsortar.
  • Hardanger fartøyvernsenter, eit nasjonalt fartøyvernsenter og museum med eit av dei største fagmiljøa for restaurering av båtar og fartøy i Norden.
  • Voss folkemuseum, eit friluftsmuseum som vart stifta i 1917 og opna i 1928, og som mellom anna omfattar eit av dei eldste freda tuna på Vestlandet.
  • Kunstsenteret Kabuso, eit kunsthus og museum med skiftande utstillingar, konserter og andre arrangement.
  • Agatunet (Aga), som består av eit autentisk og freda klyngjetun der det eldste huset er 800 år gammalt.

Les meir i Store norske leksikon

Eksterne lenkjer

Faktaboks

Organisasjonsnummer
987927704
Sektorkode
6500 Kommuneforvaltningen
Næringskode(r)
91.220 Drift av historiske steder og monumenter; 91.212 Drift av kulturhistoriske museer; 90.390 Andre tjenester tilknyttet kunstnerisk virksomhet og underholdningsvirksomhet

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må vere logga inn for å kommentere.

eller registrer deg

Fagansvarleg for Museum

Eivind Falk
Instituttleder, Norsk håndverksinstitutt