Sámegiela álgo-kursa Kárášjogas

Č
akčamánu 17. beaivve álgá sámegiela álgokursa, mas leat 80 diimmu. Kursa lea vuossárggaid ja gaskavahkuid diibmu 18-20 ja lassin leat muhtin bearjadagat ja ovtta lávvardaga giellapraksis ja vel ovtta vahkkoloahpa mátki. Maŋimuš kursahávvi lea 14.11. (Eurohpáráđi gielladássi A1)

Kurssas lea iehčanas oahpahallan ja praktihkalaš čoahkkaneamit, main mii bargat ollu suohttasiid, man bokte oahppat giela.

Dalán álgokurssa maŋŋá leat joatkkakurssat, mat leat seammáid áiggiid:
Sámegiella 2 áigodagas 19.11.-2018 – 30.1.2019. (Eurohpáráđi gielladássi -dássi A2, álgooassi)
Sámegiella 3 áigodagas 4.2.2019 – 3.4.2019. (Eurohpáráđi gielladássi -dássi A2, loahppaoassi)
Sámegiella 4, áigodagas 8.4.2019 – 12.6.2019, nu ahte oahppojagi áigge sáhtát lohkat 80+80+80+80= 320 diimmu sámegiela!! Kurssat leat nuvttá, muhto mávssát girjjiid ovddas ja iežasoasi mátkkiin. Eurohpáráđi gielladássi B1, álgooassi)

Dieđiheamit: mob. 95163430 dahje e-poasttain adm@e-skuvla.no.

Kursa lágiduvvo ovttasbarggus Kárášjoga Sámi Servviin, Kompetanse Norge ruhtademiin.

Sámegiella 5+6 Kárášjogas – Sámegiella praktihkalaš doaimmaid bokte

D
át kursa heive dutnje gii áiggut duođas hállagoahtit sámegiela, ja soaittát leat váldán SAAL2 dahje Davvin 1-4 ovdal (Eurohpáráđi gielladássi B1).

Kursa álgá: 15.9 ja lágiduvvo dábálaččat oktii vahkkui beaivit, jogo bearjadaga, lávvardaga dahje muhtimin eahkedis. Lassin leat guokte vahkkoloahpa.
Kursabeaivvit: 14.9, 22.9, 28.9, 2.10, 4.20, 10.10, 12.10, 19.10, 26.10, 27.10, 28.10, 2.11, 9.11, 16.11, 17.11, 18.11, 23.11, 24.11, 27.11, 29.11, 7.12, 15.12, 4.1, 11.1, 18.1, 22.1, 24.1 ja 1.2.

Kursa lágiduvvo Sámedikki ruhtademiin. Kursamáksu: kr 1500,-

Dieđiheamit: mob. 95163430 dahje e-poasttain adm@e-skuvla.no.

Lohkan- ja čállinkursa, 30 diimmu

Č
akčat 2018 lágiduvvo 30 diimmu lohkan- ja čállinkursa. Kursa lea beaivit, muhto álginbeaivi ii leat mearriduvvon. Sáddes e-poastta: adm@e-skuvla.no de mii sáddet dieđu dutnje go ášši lea mearriduvvon

Kursa lágiduvvo ovttasbarggus Kárášjoga gielddain

Hutkangiisá

H
utkangiisá lea ođđa 4-5 jahkásaččaid várás ráhkaduvvon neahttaoahpponeavvu. Das beassá oaidnit filmmaid dáiddáriin, duojáriin ja mánáin, geat barget luovvalas doaimmaiguin. Oahpponeavvus leat maid iešguđetlágan doaimmat, main galgá ieš tevdnet ja ivdnet, čuojahit rumbbu, gávdnat ovttalaganiid, fuomášit mii govvii ii heive jna. Siidduin leat maid lávlagat ja luođit, muitalusažat ja hoahkamat.

Loga eanet →
Njuolga Hutkangiissá neahttasiidui→

NIGÁ NJOAMMIL DÁL GOLMMA SÁMEGILLII

D
iibmá almmustuvai Nigá-neahttasiidu davvisámegillii. Dál siidu lea gávdnamis buot golmma sámegillii! Nigá-siidu lea movttegis neahttasiidu 4-5 jahkásaččaide, ja áinnas boarrásabbuidege. Nigá mielde mánná beassá hárjehallat loguid 1-10, guldalit bustávvajienaid, hárjehallat doahpagiid seammalágan, earálágan, stuorát/unnit, stuorámus/unnimus, guldalit máidnasiid geahččat filmmaid ja ollu eará

Loga eanet →
Nigá (davvisámegiel neahttasiidui)
Nihkki (julevsámegiel neahttasiidui)
Nigka (máttasámegiel neahttasiidui)

Mu uhca giellaoahpaš

M
uhca giellaoahpaža neahttahárjehusat leat dál ođastuvvon. Neahttahárjehusain leat vihtta fáttá:
Vearbbat, Substantiivvat, Lohkosánit, Adjektiivvat ja Pronomenat. Coahkkal gova, de beasat hárjehusaide. Neahttahárjehusaide gullá maid girji.

Loga eanet →
Mu uhca giellaoahpaš→

Nælját lávkke

D
ál almmustuvvá ođđa oahpponeavvu ohppiide, geat lohket julevsámegiela 2. giellan dahje vieris giellan. Nælját lávkke heive geavahuvvot Vuostasj, nubbe ja goalmát lávkke maŋŋá, ja dat heive ohppiide geat barget 2. giela 7. dási gelbbolašvuođaulbmiliiguin. Oahpponeavvu lea nuvttá skuvllaid ohppiide.

Skuvllaid ohppiide →
Rávesolbmuide →
Logge sisa→