灣仔係香港香港島北岸一個地方。北面係維多利亞港，東面係銅鑼灣嘅東角，西面係中環嘅金鐘。南面係灣仔後面嘅半山區。
灣仔響英國得到港島之後，將呢度劃做維多利亞城嘅下環。因為有百幾年歷史，所以呢區有好多古老建築物。至於灣仔北就係塊大填海地皮，發展成商業區，多寫字樓同酒店，香港會議展覽中心都係響灣仔北。
