یازیلمامیش قرار  

                                        یازیلمامیش قرار  


یئنه سیزاق  بالتالادی  قین ایچینده  باهاریمی                          

                                     

                                  یئنه  پوزموش  دفتریندن یازیلمامیش   قراریمی


یئنه  الیم   اللریندن    چاتار چاتماز    آرالاندی

                                    

                               قارا شؤوگه سیلکله دی یئنی دورموش دیواریمی


اللرینی   چک الیمدن    بوراخ  منی  بو قایادا   

                                   

                                قوی قایالار  سیلدیریملار  دوغراسینلار داماریمی


اللرینی  چک الیمدن   روحوم  بئزیب بدنیمدن

                                   

                                   بوراخ  منی   بلکه  تاپام  دؤنگه لرده    دیاریمی


اللرینی  چک الیمدن  چاققالارا   وئرمه منی

                                  

                             ایسته ییرم    باغیشلایام   قارتاللارا      ووقاریمی


قوی سوزولسون داغلارا قان مندن قالسین چارپاز نیشان

                                  

                                داشیسینلار  الدن اله   سیلدیریملار   مزاریمی


قوی سوزولسون چایا قانیم چایلار منیم سون گومانیم

                                    

                                دنیزلره   قاتیلاندا   ا ئل  بیله جک     عیاریمی 



+ نوشته شده در جمعه هشتم دی ۱۳۹۱ ساعت 0:27 توسط ملیحه  | 

Allahın adı ilə

Altıncı “anamın yaylığı” festivalının çağırısı

Qadınlar üçün, türkcə söy(şeir) ilə qısa öykü yarışması

(Bu festivalın keçirilməsin, festivalın çağırısın bloq ilə sitədə qoymaq, kament atmaq, e-mail göndərmək, mesaj ilə, maraqlılar ilə mali yardım etmək istəyənlərə bildirərsiniz)

1- ağlar gülər ayının iyirmi biri, azərbaycan bölgəsı söy(şeir) günün(qocaman söyçü, bulud qaraçorlu(səhənd)in ölüm günü):

2- qora bişirən ayının dördü, azərbaycan bölgəsı öykü ilə görsəl ədəbiyyat günün( bu gün dədə qorqud kitabının 444 hicri qəməri ilində yazılan ən əski əl yazmasından ilham alınıb):

..........................

فراخوان ششمین دوره جشنواره غیر‌دولتی «آنامین یایلیغی»

« شعر؛ و داستان کوتاه ترکی، ویژه بانوان»

(برگزاری این جشنواره را - ضمن حمایت مالی- از طریق قرار دادن فراخوان در وبلاگ و سایت، چهره به چهره، کامنت گذاری، ارسال ایمیل، فرستادن پیامک و ... به اطلاع علاقمندان برسانید).

با گرامیداشت روزهای:

1) بیست و یکم فروردین‌ماه، روز شعر منطقه آذربایجان: برابر با روز درگذشت بولود قاراچورلو(سهند).

2) چهارم تیر‌ماه، روز ادبیات داستانی و نمایشی منطقه آذربایجان: این تاریخ، از تاریخ قدیمی‌ترین نسخه دست‌نویس موجود دده‌قورقود(444 ه.ق) الهام گرفته شده است.

..................

In the Name of Allah

Sixth Festival of "Anamin Yaylighy», NGO

“Turkish Poem and Novelette, from female point of view»

 

(Please contact us if you are interested. Financial supports welcome. Contact us via Yayligh’s blog, arrange a face to face meeting, leave comment on Yayligh’s blog, and send email or SMS)

 

Celebrating the:

Farvardin the 21st; “Day of Poem in Azerbaijan” region (in Iran), in memory of Bulud Qarachorlu (Sahand)

Tir the 4th; “Day of Literature and Drama of Azerbaijan” regoin, inspired by the earliest manuscript of “Da-da Qorqud” (A.D 1052)


ادامه مطلب
نوشته شده در دوشنبه سوم تیر 1392ساعت 22:35 توسط سعداله دنیوی| 20 نظر

+ نوشته شده در شنبه پانزدهم تیر ۱۳۹۲ ساعت 1:1 توسط ملیحه  | 

سنسیز  

                                               سنسیز 

 

سنسیز اجل بو کؤنلومه باسلانسا نئیلرم

                                      عومرون ایشیقلی گوزگوسو کاسلانسا نئیلرم

 

کؤنلوم ناحاقدان آیریلیغین داخماسیندادیر

                                      سوچسوز  او سوچلو دارلارا   آسلانسا  نئیلرم

 

سنسیز غزللریم بورونوب قیش بورونجه یین

                                     حسرت قالیب گونشلیگه "  پاسلانسا   نئیلرم

 

تئز گل آپار بو کؤلگه سالان قم بولوتلارین

                                     سندن   قالان  او خاطیره   ایسلانسا   نئیلرم

 

آچ اؤرپه یین دان اولدوزو تک یاسلی کؤنلومون

                                    سنسیز گونش ده آی کیمی یاسلانسا  نئیلرم   

+ نوشته شده در جمعه پانزدهم اردیبهشت ۱۳۹۱ ساعت 19:29 توسط ملیحه  | 

کؤک سوزلوک

                                   کؤک سوزلوک

 

 

ایگید  آدین  یا پیشد یریب   سینه نه

ائل  اوره یین  بیله بیله   اوخلاما

اؤزائلینه  دوغمالانیب  توخانیب

اؤگی کیمی  گوله گوله  اوخلا ما

 

چکمه  سینه میزه  داغ اوسته ن  داغی

سنده ن   ایلهام آلار   شرفسیز  یاغی

 ایتـیــریب  امگــی    بوغانـا ق  چاغی                                                                                                   دویغولاری   بؤله بؤله   اوخلا ما  

 

دوز چوره ئی   دانا دانا   ایتیرمه

گول  یئرینه  قارا تیکان  بیتیرمه

کؤنلوموزه خزان  یئلی  گتیرمه 

  سئوگیمیزی  گیله گیله  اوخلاما

 

 

آلدادیب بیرینی  دئمه  سیرداشام  

نیسگیللی  گؤزلره دالغالی  یاشام

قارا داش  اولالی  دئمه  قارداشام

آرخاسیندان  گله گله  اوخلاما

 

کؤک سوزلر یان گئدر کؤک سوزلوک یئتر

هر اوت  اؤز کؤکونون  اوستونده   بیتر

دان اولدوزو   چیـخیب  قارانلیق  ایتــر

ائل  گوجونو  بیله بیله اوخلاما    

 

 

 

     دان اولدوزو

+ نوشته شده در چهارشنبه بیست و پنجم آبان ۱۳۹۰ ساعت 21:41 توسط ملیحه  | 

یئتر آرتیق

 

                                یئـتـــر آرتیـــــق

 

 ایللر بویو  یانقین  مله مک لر  یئتر آرتیق                                                                            

                 بیر دامجی سو  داشدان  دیله مک لر  یئترآرتیق

 

 ساندیم کی  دروق گؤلده  یاشیللیق  تاپا  بیللم                                              

                    گؤل ایچره  عومور گون  بله مک لر  یئتر آرتیق

 

 غم  یاستیغینا    دالدالانیب  حسرته دالماق                                                                           

                   قان یاشلا  گؤزو  سورمه له مک لر  یئتر آرتیق

 

 بیر سئوگیه چئوریلدی بوتون  دویغو دیلک لر                                                      

                    جان رمکه سینه  غم  چیله مک لر  یئتر آرتیق

 

 یاز پلمه لرین  یاغماسی  چوخدان  یاساق اولدو                                                                 

                        گؤی ساچلاریما  دن  اله مک لر  یئتر آرتیق

 

 دان اولدوزونو  ظولمته  میسمارلاماق اولماز                                                                    

                      آیدینلیق اوچون   گون دیله مک لر یئتر آرتیق

                                           

+ نوشته شده در چهارشنبه بیست و پنجم آبان ۱۳۹۰ ساعت 21:21 توسط ملیحه  | 

دوستاقلی گونش

                                  دوستاقلی گونش

 

ایللردی دیلک لر سوزالیر کاش آراسیندا

                        حسرت  بوی آتیر  گؤزدن آخان یاش آراسیندا

                         -------------------

ایللردی امک لر بوغاناق ایچره ایتیللر

                        حاقسیز بؤلونور حاق, نئچه  اوباش آراسیندا

                         -------------------

داشدان داشا دیمیش باشیمیز بیر آن اویانمیر

                            ایللردی کی  باشلار  ازیلیر ,داش آراسیندا

                         -------------------

سیغماز سؤزوموز وارسادا بیلمم کی غزللر

                            دوستاقدی ندن    گؤزلریله قاش  آراسیندا

                         -------------------

گؤز قیرپیمیجان فاصیله ده دونیا آتیر بوی

                          بیز نعشه دئییک ایندی ده خاشخاش آراسیندا

                         -------------------

دان اولدوزو چیخمیشسادا ظولمت هله واردیر

                          دوستاقدی  گونش  بومیله  نقاش  آراسیندا

+ نوشته شده در چهارشنبه سی و یکم فروردین ۱۳۹۰ ساعت 18:58 توسط ملیحه  | 

سئللر قوجاغیندا

                           سئللر قوجاغیندا

 

                   بیر ایز یارادیبسان اوره ییمده سن

                   سیلدیره  بیلمیرم    ایزینی سنین

                    ایتیره   بیلمیرم   گؤز  قاباغیندان

                     کؤنلومو یارادان   گؤزونو  سنین

 

                  یارادان     یارادیب   سنی   ازه لدن

                  آیریلیق     اودونا       آتاسان   منی

                 یاغیشدان چیخاریب یاغمورا سالیب

                 دحشتلی   سئللره   قاتاسان   منی

 

                     او قده ر  یولونو   گؤزلدیم   داها

                      یوللاردا بئزیکدی باخیشلاریمدان

                      گوزگویه   باخیرام   اوتانیرام من

                     آلنیمدا    یارانان   ناخیشلاریمدان

 

                   سن  منی  کؤنلوندن   آتیبسانسادا

                 من سنی کؤنلومده بسله یه جه یم

                  سئللر   قوجاغیندا    اودلار   ایچینده

                  تک سنین  آدینی   سسله یه جه یم

+ نوشته شده در جمعه بیست و نهم بهمن ۱۳۸۹ ساعت 12:45 توسط ملیحه  | 

حسرت شله سی

 

                        حسرت شله سی

 

 

 

اورگیم   اولوبدور   پینار  اوجاغی

 

حیسلریم  اوجالیب اوجا  داغ کیمی

 

سؤزلریم  بو داغین دوشونو یاریب

 

سوزولور سوزولور بیر بولاق کیمی

-------------------------

باغلانیب   دوداغیم  باغلانیب  دیلیم

 

یوبانیب  ایچینده   سازاقلی  سؤزوم

 

دوداغیم لال اولوب گؤزوم دیل آچیب

 

دانیشیر  سؤزومو  یانیقلی    گؤزوم

------------------------

داماریمدا    آخیر   قان   یئرینه   قم

 

ایتیب  دیر   آرزیلار   دؤماندا  چنده

 

اورگیم   دؤیونور کونلوم  دیسکینیر

 

یانیخیر   دویغولار   حسرتله   منده

-------------------------

آغلایا    بیلمیرم    گوله     بیلمیرم

 

کونلومه حسرتین  شله سی چؤکوب

 

قالانیب  کوکسومه  آیریلیق    اودو

 

آغاردیب  ساچیمی  بئلیمی  بوکوب

----------------------

سارسیدار سنی ده بیر گون آیریلیق

 

گتیره ر   خبرین   دورنالار    منه

 

گوونمه  بو قده ر  اؤزووه  گولوم

 

سنین ده  ساچینی   دولدورار  دنه

 

 

 

 

 

 

+ نوشته شده در پنجشنبه بیست و سوم دی ۱۳۸۹ ساعت 1:52 توسط ملیحه  | 

دؤنمه  گئریه

دؤنمه گئریه         

 

هاردایدین  او  حسرتلی اودا  یاندیغیم  ایللر 

   

اود ایچره  اوزرریک کیمی قارساندیغیم  ایللر  

   

هاردایدین  الیم   گؤیده   گؤزوم یولدا  قالاندا 

 

سندن  اؤتری    تانریدان    آسلاندیغیم    ایللر 

   

هئچ کیمسه دن آختارمادین احوالیمی نئیچون 

    

من دردیمی  دوشمانلاریما     داندیغیم      ایللر  

   

بیر یولچو    کیمین یوللاری   آردینجا    قاچیردیم 

   

هاردایدین     ایتن یوللارا    قاپساندیغیم    ایللر  

 

گئت   دؤنمه گئری   کؤهنه جیغیرلار دوتولوبلار   

  

اوتلار   بورویوب   یوللاری   اودلاندیغیم      ایللر    

+ نوشته شده در چهارشنبه یکم دی ۱۳۸۹ ساعت 1:43 توسط ملیحه  | 

ویصال سؤزلوگو

               ویصال سؤزلوگو

 

 

ایللردی  دیدرگین دی  یاشیل یاز ،   غزلیمد ن

ایتگین   ائلدی،  هانسی  سیحیرباز   غزلیمد ن

 

قویمور کاغاز اوستونده  یاشیل ایز داها کؤنلوم

ایللردی  کی   آل لاله   کئچیب  واز  غزلیمد ن

 

کیملر بویامیشلار  سؤزومو ساپ ساری رنگه

کیم پوزدو ویصال سؤزلوگو سولماز غزلیمد ن

 

کؤنلوم   نیه    شنلیکلره    اویغونلاشا     بیلمیر

غم پرده ده    نئیچون   چالینیر  ساز  غزلیمد ن

 

«دان اولدوزو »  چیخسایدی  غزللر  دیریلردی

آرتاردی  یازین  قول بوداغی ،       آز غزلیمد ن

+ نوشته شده در سه شنبه سی ام آذر ۱۳۸۹ ساعت 22:36 توسط ملیحه  | 

«کوکره ین سئل»

 

 

                                                                                                            

+ نوشته شده در جمعه بیست و یکم آبان ۱۳۸۹ ساعت 14:0 توسط ملیحه  |