کوسن سازیم

      يورد يئرينده ير      

**      

قوي  مني   قيناسين  عارسيزآداملار

دويونن اوره گيم  يورد  يئرينده دير

آتا  يادگاريم  ذيغ   ائو  داش  دووار

دارگونده كومه گيم  يورد يئرينده دير

**

داشيندان  اوپه ره م   قدريني   بيللم

ياسيندا    آغلارام    تويوندا   گوللم

اوجاغين   قالارام    تندرين    سيللم

تاباغيم    الگيم   يورد   يئرينده دير

**

گوز  ياشي   قاينئير    بولاقلاريندان

ائللر  فرحله نير   تورپاق   واريندان

دويماق اولماز بهره سينده ن باريندان

حالال دوزچوره گيم يورد يئرينده دير

**

بير آنام  بير وطن  ائوزو  گوزه لدير

دره سي   تپه سي  دوزو  گوزه لدير

ايگيد  اوغلانلاري  قيزي  گوزه لدير

گوزلري گويچگيم  يورد  يئرينده دير

**

خيال  قوشو  او   يئرلرده    دولانير

محبتيم     اوسته     اوسته     قالنير

دئمه   مالك  عمور   كئچير   تالانير

سون آزريم  ديلگيم  يورد يئرينده دير

15/9/91

اوغول

*

جاوانسان  يوكورمه  هر چتين ايشه

آرا  بير آغيلينان  دئوز ائله  اوغول

بيري  ياخچي ساخلا  يوزه   تلسمه

كيمي ائيريدير سن دوز ائله اوغول

**

آرخالانما ائيري  يولدا   دوزه سن

فلگين جورونا  گره ك  دئوزه سن

گوه نگينن خالال چوره ك دوزا سن

ياخچليق  گورنده  يوز ائله اوغول

**

چتين گونده ياخچي دوستو سينا سن

كوسدورمه  ياخچيني قويما سينا سن

مخنثه   وئر   ايره لي    سينه  سن

نامردين   باشينا   كوز  اله اوغول

**

مالك  . ائل  آختارير ائله   يارآلا

عارف اولا يار دئمه ميش يار آلا

نه  انجيد  كيمسه ني  نده   يارالا

اينانما  هر يئه ن  گوزه له اوغول

*

26/10/91

 

                   آی یاواش یاواش               14

*

گئیب   یاشیل   دونون  دره لر  داغلار

گلیر ساوالانا    یای    یاواش   یاواش

ائللر کوچه  کوچدور  قالخیر   یایلاغا

آلیر  طبیعتده ن   پای   یاواش  یاواش

**

چوللر  فرحله نیر  اوخویور   قوشلار

گوللر   طبیعته    وئریب     ناخیشلار

اوره کده ن اوره گه سوزور باخیشلار

آخیرچال داغلاردان چای یاواش یاواش

**

قالیب     انتظاردا   آداخلی     قیزلار

سئونیر   آنالار    گولور     بالدیزلار

نور ساچیرعشقینده گویده ن اولدوزلار

چیخیر آغ بولوتدان  آی یاواش یاواش

**

یاغیر آغ  یاغیشلار  گولله نیر  چوللر

توققوشور  دالغالار گوجله نیر  سئللر

قوروب   آلاچغین   هر  یئرده   ائللر

سالیب لال داغلارا های یاواواش یاواش

**

(مالک) خان چوبانین  عشقی  ایلقاری

سارا  عصمتلی دیر  ائلات   قیزلاری

اوخویور   تعرفین  ائل    عاشیقلاری

باشلانیر هریئرده  توی  یاواش یاواش

**

 

                     دولانا دولانا                 43

*

درد    اليده ن   غم      باغينا

گيرديم      دولانا       دولانا

آخ   واينان    قالان     عمرو

سوردوم     دولانا      دولانا

**

من دوست دئديم يادخورباخدي

ياخچليغين     باشا      قاخدي

غربت   ائلده   مينه    چيخدي

درديم      دولانا        دولانا

**

بو  دنيادا    اولدوم     قوناخ

عمور كئچدي  فرسيز ياساخ

سون   حياتي   بير اويونجاق

گوردوم      دولانا    دولانا

**

اوره ك   سرين  آچديم   يادا

وفا    گورمه ديم      دونيادا

مالك   عمرو   اوزوم    بادا

وئرديم      دولانا      دولانا

 

1/6/91

                         گئديره م                       68 

*

سيز آلله   گورورسوز آغير  خسته يم

يئترين    درديمي    يارا    گئديره م

روحوم آوداغلاردا جسميم جان اوسته

حسرت حسرت  من  بئچارا گدديره م

***

بد   كلدي   طالعيم   پوزولدو   حاليم

آرتدي   گونو گونده ن  درديم  ملاليم

اودلارا     قالاندي     خسته    خياليم

گوناهسيز    چكليب    دارا  گئديره م

**

فلگين    اوينوندا    اليم      گلمه دي

باختيم نس  گتيردي اوزوم گولمه دي

ايچيمده  آغلاديم  سيرداش   بيلمه دي

خسته   اوره گيمده    يارا   گئديره م

***

بير عمور آغلاديم   بيريول گولمه ديم

دونيادنين    لذتين   تامين    بيلمه ديم

مالك   بو ائللري   آزاد    گورمه ديم

وطن   ديئه    ديئه   گورا   گئديره م

 

25/2/91

                         آي ساريتل                    11

*

ده لي   كونول    هاولاندي

دوشدو  چوله   آي  ساريتل

تئللرينده    اوره ك    ياندي

دوندو   كوله    آي  ساريتل

**

ساري  توپراقدان  اوجالدين

سينم  اوسته   مئيل   سالدين

اورتا   كوكده   جانيم  آلدين

گوله  گوله    آي    ساريتل

**

سسين   صدان ائل  هارايي

باش  كوكون آنا  لاي  لايي

آلديم  سنده ن  سئوينج  پايي

يوز  ايل   بئله  آي  ساريتل

**

وار اولسون  سني  يارادان

آد   آلدين  ائلده ن   اوبادان

قوي يايلسن گوزه ل صدان

ائلده ن   ائله    آي  ساريتل

**

مالكم     حاققا      اينانديم   

وطن   دئيب      آلولانديم

سازيم   ياندي منده   يانديم

بمنن    ذيله    آي  ساريتل

22/5/91

                     دئيشمه لر                   53

*

      قوجا. قارانليق  گئجه لر  قورخودور  مني

         بيرسونگو بيرقالخان ياراق وئرشاير

        يولوم  داش قايادير بورخودور مني

         سويكج   ال آغاجي  داياق  وئرشاير

**

مالك .قلمين   سونگودور  كتابين    قالخان

      شعرين   نغمه لرين    ياراقدير   شاير

     يولون  حاق  يولودور   اينامين  وطن

     ائل   سنه    آرخادير   داياقدير   شاير

**

قوجا. حراميلر  پوسغو  قوروب  يول اوسته

      باش باش اوسته  گئديرقولدا قول اوسته

      قارداش بوغور قارداشيني  پول  اوسته

      بئله  جهله  سوزله  شافاق   وئر   شاير

**

مالك .كيمسه  تئله  قورور كيمي  يول كسير

      كيمي  باش  آپارير كيمسه   قول كسير

     ايندي    قارداشيندا   باشين  پول كسير

     فلك   ائوز  ايشينده   قوجاقدير    شاير

**

قوجا. دئميره م بوغورام درد دوغورمنده

       وطنسيز  اولورام   بويوك   وطنده

       ايگيد اتگين  دوشور  دوماندا  چنده

       هانسي اولكه گزيرسوراق وئر شاير

**

مالك . آدام  وار  شهرتي  وار آيغيندادير

        طرلانين  شكاري  سار آيغيندادير

       غيرتلي    ايگيدلر  دار  آيغيندادير

       ظاليما  سينمايان   قوچاقدير  شاير

**

قوجا. قوجانين اوره گي گوله ر او آنلار

       بئي  گلين  بزه نه  آرزيلي  جانلار

      سازگوتوروب توي توتالاراوزانلار

      گل قوش نغمه سنده آياق وئر شاير

**

مالك.اوزانلاراوخوسون گلينن بئي ده ن

      شعيرسز نغمه سيز اولماسين وطن

      مالك  كويرلنده  سيرداشي هرده ن

      بير قلم  بير  پارا   واراقدير  شاير

25/8/91 

   

سالامات قالين

*

حالاليق  ايسته ره م  بلكه  گورمه سم

سورولو   يايلاخلار   سالامات  قالين

سيزده ن  آيريليرام  بيرده   گلمه سم

يارپيزلي  بولاخلار سالامات   قالين

**

مارال   ياراشيقلي  سوزو   مزه لي

روحومو   اوخشايان  ائللر گوزه لي

يام  ياشيل  مئشه لي  تر   بنوشه لي

اوبالي   ايلاخلار   سالامات   قالين

**

قوناخلي    قارالي   ائللر    اوبالار

ساوالان     ويقارلي     آتا    بابالي

جيرانلي  جويورلو گوم گوي  آدالار

دوم دورو چايلاخلار سالامات قالين

**

مالكم    گئديره م     يولوم    شافاقلي

قوي اولسون ائل اوبام نورلوچيراخلي

آرخامجا    بويلانان   آي   ياراشيقلي

بوزوله ن   دوداخلار سالامات  قالين

جبهيه يولاناندايولاناندا يازليب بوشعر15/2/65

گوزه یالواریم

×

بیر یول قارشیما چیخ  یادا سال  منی

خیالدان   آیریلیم     دوزه    یالواریم

زیارات    ائلئیم     گول    جامالینی

جانیما   اود  سالان   گوزه  یالواریم

××

نه  اولار  مئیلینی  سال  بیزه  ساری

اوتوراخ  دیز دیزه  اوز اوزه  ساری

باخیم    جامالینا   گوز گوزه   ساری

سن دانیش من شیرین سوزه یالواریم

××

آرخانجا    باخاندا  گوزلریم   آخدی

آدام  کویره ک  اولور آیرلیق واختی

حسرتین   قلبیمی   یاندیردی  یاخدی

دولانیب  بیرده  گل  بیزه   یالواریم

××

آی   ایلک   محبتیم   گل  منی  آتما

سون گوروشو بوندان آرتیق  یوباتما

مالک  جان اوسته دیرواختی اوزاتما

گل اوزوم سویکنسین اوزه  یالواریم

*

 

                                                                21 /3/91

آدام کیمی

***

 یاپیش اته گینده ن چوره ک وئره نین

روزونو   آللهدان  آل   آدام   کیمی

ال   آچما  آلچاغا   ظالیما  قارداش

ار اگید   یاشاماز  لال  آدام   کیمی

***

حقیقی  محبت  باخسان  گوزده دیر

دوزایلقار  اعتبار  دئمه   بیزده دیر

ایندنین دوستلوغو تکجه سوزه ده یر

دوستودا  سیناغا  سال  آدام  کیمی

***

دوران  بئله  قالماز  دئیشیر  زامان

چالیش حورمت قازان آبرنان دولان

قارنین آج اولسادا چوره گین  یاوان

مرد  یاشا  مردانا  قال  آدام   کیمی

***

مالک  مرده قول اول نامرده ن دئمه

گل اوره ک سیررینی آچما هئچ کیمه

نامردین   چوره گین  اولسنده   یئمه

مرد  آغی  وئرسه ده  آل آدام  کیمی

21/1و89

کیم کیمه دیر

*

خسته یدیم   دوشدوم   خسته    خانیئه

خسته دیر   گوردوم    گلیر هر  ثانیه

حال  یوخودو  کیمسه ده  دردین دیئه

قیزما   یئتیردی   منی  آخیر   سیمه

باش قارشیب  کیم کیمه دیر کیم کیمه

***

 اوردا   ایلشدیم  بیر  یئکه  سارساغا

قددی کیچیک گوزایری چون قورباغا

یازدی  آپانتس   داواسین   چارتداغا

کل  کیمی قالخیب  یئریدی  اوستومه

باش قارشیب  کیم کیمه دیر کیم کیمه

***

بویوردو  هر اوسگوره گه  قبض آلین

ماینا   اوطاقیندا    گیریب    دونبالین

چک  آشاغی  شالواری  دوندر  دالین

سوزن   حیوانی  گوتور   باس  نیمه

باش قارشیب  کیم کیمه دیر کیم کیمه

***

اینه نی   سر  نیزه   کمین   توشدادی

سوخدو    یانیمنان   ایشینه   باشدادی

چاغیردیم   امداده   عمیم   شیرزادی

یاندی  جانیم  باخ  اودوما  توسدومه

باش  قارشیب کیم کیمه دیر کیم کیمه

***

دفترچه    وئردیم     تپمه   چالدیلار

باغلیبان    سول   جبیمه    سالدیلار

ویزیت  پولو دورت  مینمی  آلدیلار

پاتدادی  مغزیم  دئشلیب جوم جومه

باش قارشیب کیم کیمه دیر کیم کیمه

***

سویله دیلر دای  اشمیز   شخصی دیر

صاحب میز  ایندی  غلام  بخشی دیر

بیز  نئچیک  دولتین  ائوز  نقشی دیر

آغزیوو  آچما  منه  هئچ  سوز  دئمه

باش قارشیب  کیم کیمه دیر کیم کیمه

***

قیچلاریمی  بیر به  بیر  آخساتدیلار

ناخوش  ناخوش  احوالیمی  قاتدیلار

دوتوب   قولومنان   قاپییا    آتدیلار

بویوردولار    ایش   بئله    اینجیمه

باش قارشیب کیم کیمه دیر کیم کیمه

***

قالدیم   حیاتدا  او  ساحات   تنگیدیم

بیر چتین  احوالی  گوروب  لنگیدیم

سانکی  شایر  یوخ   وطنه  ننگیدیم

کوکله دی  تبعیم  منی   آخر  سیمه

باش قارشیب کیم کیمه دیر کیم کیمه

***

 گتیردی  کتده ن  بیر کیشی آروادین

تا   مامالار  توتسون  اونون  اولادین

سویله دیلر یوخدو  پولون  بیر زادین

گئت کیشی ضامین گوتور گل لنگیمه

باش قارشیب  کیم کیمه دیر کیم کیمه

***

قویدو عیالین   کوچه ده  اول  کیشی

گئتدی هرآسان کی دوزه لتسین ایشی

بوش  قایدیب  گوردو آغیر تشویشی

اؤلوب  دوغاننان  سورا آرواد دئمه

باش قارشیب کیم کیمه دیر کیم کیمه

 ***

گئتدیم  ائوه   صوبحه   قدر  یاتمادیم

یازدیم   حقیقت   بیرین    آللاتمادیم

کیمدی  گوناهکار یاخاسین  توتمادیم

چون کی  چکیللر دینه نی حیم جیمه

باش قارشیب کیم کیمه دیر کیم کیمه

***

فرقیلی دیر اوزگه ده ن  هر بیر زادیم

یئدینی   آرتیب دیر   بو  ایل   اولادیم

هر  مودو  گوردوگجه  فاغیر آروادیم

دونبوزو  جوت  جوت  زپئیر  انگیمه

باش قارشیب  کیم کیمه دیر کیم کیمه

***

شهره   گلنده ن    دئیشیب    عادتین

سالیر ساغا  گاه  سولا  قول ساعتین

شوکر  ائدیره م   آلله   ائیب   قامتین

یوخسا دوروب سئیره چیخارهرجومه

باش قارشیب کیم کیمه دیر کیم کیمه

***

گونده بی یول رنگ ائلئیر اوز باشین 

گاه  گودلدیر گاهدا  اوجالدیر  قاشین

عمور بویو  دوز  دئمیب دیر  یاشین

اللینی  آرتیب دیر   یاشی  سن دئمه

باش قارشیب کیم کیمه دیر کیم کیمه

***

دای  پیشرنمیر  او  قدیم   شوربانی

ایندی  سالیب دیر   باشیما  توربانی

سوپ  آدینا  هی    پیشریر   آرپانی

امر   ائلئیر  خارجی دیر   چنچیمه

باش قارشیب کیم کیمه دیر کیم کیمه

***

اللی بئش  ارشیندی  بیزیم ساختمان

فرشی   ساتیب  سالدریبدیر  مبلمان

هاردا  یاتیم  هاردا  دوروم  ال آمان

ترپه نیب اون  یول دئیره م پرچیمه

باش قارشیب کیم کیمه دیر کیم کیمه

***

 

بیلمیردیم  هئچ شهریده مود رسم دیر

فرنگی  مودلار باش آلیب دیر گئدیر

آرواد  اوشاق  کورکومو دائم  دیدیر

بو کوهنه  شالوار یئتشیب زینگیمه

باش قارشیب کیم کیمه دیر کیم کیمه

***

دورت قیزاوخوتدوم بیراوغول کارشناس

گئتدی جبیمده ن  بی چووال اسکناس

هر یئره  گئتدیم  هارا  ائتدیم   تاماس

 تاپمادیق ایش عمرو یئتیردیک  نیمه

باش قارشیب کیم کیمه دیر کیم کیمه

***

ایندی  دئیرلر کی بیر آزعارسیز اول

دینمه دانیشما لال اوتور کارسیز اول

اوینا  اوخو آمما  کامان  تارسیز اول

دونیانی  بوش دوت  بو  قدر برکیمه

باش قارشیب کیم کیمه دیر کیم کیمه

***

یاراندیم   مالک   حیاتی   تیره   من

تاپمادیم  ماشین  شره  یا  خئیره  من

دایچانی  چکدیم کی چیخام سیره من

عیالدا   میندی   او  ساحات   ترکیمه

باش  قارشیب کیم کیمه دیر کیم کیمه

1375/10/11

اولماز

***

سئونلر ایچره ای ناصح منیم تک دردلی یار اولماز

نه  لیلاده  نه  مجنوندا   بو قدری  آه و زار اولماز

**

مریض   جسمه   عالمده   اطبالر  ائده ر   چاره

مریض عشقه  یوخ چاره گر اولسا پایدار اولماز

**

اولارسا  مهربان  یارین  دویارسا  جمله احوالین

اینانمام  ایندی  نئلیم من هرانساندا  بو واراولماز

**

سئونلرده  وفا اولسا  اوره کده ن  سئوسه جانانین

مسلم خوش کئچر ایام  بئله خوش روزگار اولماز     

**

وصال یاره  چاتماخدا غم و هجران ائده ر غوغا

بونو عالم  بیلیر مالک  زمستانسیز  باهار اولماز

 

12/6/89

 

 

مهرو بیلمیر

**

ایندی  بیگانه ایله  یار اولوب  هم سو  بیلمیر

داغدیب کونلوم ائوین سرریم ائدیب روبیلمیر

**

باغلانیب  ذولف  پریشانینا  ایللردی  کونول

اوولئیب  قلبیمی  اول  غمزه سی جادو بیلمیر

**

نئچه  مین  فتنه  یاتیب  مردمک   چشمینده

صید ائدیب صیادین اول گوزلری آهو بیلمیر

**

بند  اولوب  مرغ   دیلیم   سلسلیه   زنجیره

نه  بلالار  چکیره م  دردیمی  مهرو  بیلمیر

**

حاکم   شرعه   دئین   قتلیمه  فرمان   یازما

چون  چکیب  داره منی بیر قارا گیسو بیلمیر

**

الده  کشگول  در خانگاهیده مالک  دورما

داخل  اول  ائیله دعا سن دئمه  یاهو بیلمیر

 

30/1/90

آهیم وارمنیم

*

گوزده  حسرت  اوره گیمده  مین  آهیم وار منیم

یعقوبون   یوسفی   تک  قانلی  چاهیم  وار منیم

**

سورسا    احوالیمی   جانان   دل    بیماریمدان

گولسه بیر یول اوزومه خوش صاباهیم وارمنیم

**

سئودگیم   نازلی  سنم د یر منی  مجنون  ائلیئن

کونلومه   حاکم   اولان    پادشاهیم   وار  منیم

**

جان  دئیب  جانلا  سئولمک دیر بیزیم عادتمیز

سئوگی  دونیاسینا  باخ گور نه  جاهیم وار منیم

**

منی  شاعر  یاشادان  جمله  گوزللردی  گولوم

شاکره م  حاققا  کی  حاخدان  پناهیم  وار منیم

**

بو پری  چهره لرین  وصفینه شادام نه گوزه ل

غزلیم    قوشمالاریم   ذیل  سئگاهیم  وار  منیم

**

سنه  وئردیم  مچیدی  منبری   زاهدلیگ  ائله

خوبرولر   اوزو  تک  قبله  گاهیم  وار  منیم

**

مالکم  سجده دیئم   تگجه  او  جانانیم  اوچون

بلکه  عفو  ائیلیئه  مین  بیر گوناهیم وار منیم

 

20/2/90 

آنا

***

سالدین  غم اودونا  یاندردین   منی

دردیمه     اودوما     یانانیم    آنا

باجی  حسرتینه   قارداش   دردینه

نئچه   دئوزوم   نئجه   اینانیم  آنا

***

وفاسیز   دئیلدیم   تئز  آتدیز  منی

سارالدی عمرومون  گولو گولشنی

اذن   وئر  یوخومدا  گورنده  سنی

گئجه لر    باشینا    دولانیم     آنا

***

سیزی منده ن  آلان او یئر آغلادی

قوجاخلادی  او داش دمیر آغلادی

وآلله   احوالیزا    قبیر     آغلادی

اولدو  بوتون  آرزیم  گومانیم  آنا

***

عمرونو سن منه وئردین  پای کیمی

آخدی  جاوانلغین  گئتدی چای کیمی

باتدین اولدوز کیمی باتدین آی کیمی

منی  منده ن   آرتیق    قانانیم    آنا

***

هانی  امید  یولوم  هانی   سیرداشیم

منه  آرخا   اولان  باجی   قارداشیم

آخیر  گوزومده ن  آجی  قان یاشیم

سیزه  قوربان  اولسون بو جانیم آنا

قادری  بو درده     سالانیم      آنا

***

بو شعر تقدیم اولور ائلمزین گورکملی صنعتکاری

عاشیق  قادر رسولی جنابلارینا

بویوک حرمتله  مالک رهنمابهزاد(مالک )

                                         

 

گتیرمیشم

 

ساوالان  قوینوندان  ائل  گوروشونه

لالالی   نرگیزلی   یاز   گتیرمیشم

قوهومون   قارداشین  خئیر  ایشینه