قصیدة کربله یا کربله
کربله یا کربله یا کربله اشلون ظل احسین مرمی اعله الفله
******************
اشلون ظل احسین وحده ابلا دفن لا حصل کافور لا جابو چفن
هم بعد دنیاچ تشهد لچ محن لومحنتی احسین بس والعایله
***********************
اشلون ظل عباس مرمی اعله الثره مِن گطع چفین سبع الگنطره
وهم صدگ خده التراب امعفّره عگبه ظعن احسین منهو اتکفله
*************************
هم صدگ جسام مخضوب ابدمه ویوم عرسه ایموت وسط الملحمه
اشلون ما طبگت علی الارض السمه یوم طاح احسین وعیاله وهله
********************
یوم الاکبر طاح مرمی اعلی التراب اشحال زینب وشحصل منهه جواب
اشگالت امه امن انطرح زین الشباب هالظلم والجور ماظن تحمله
*********************
اشلون زینب یسروها ابلا ولی وین صار الگلهه خویه ادللی
من سبتهه الگوم صاحت یا علی شوف هلعدوان بینه اشفاعله
*********************
شوف هلعدوان ماعدهه رحم یسّرونی ویسّرو کل الحرم
سلّبونه ونار حرگوهه الخیم والعلیل اویای بسّوط انوله
*********************
اشلون عبدالله یذبحونه ابنبل والحرب ثارات مو ذنب الطفل
وبید ابوه الحیدمن غصنه ذبل اشگال عنّه احسین وشرد حرمله
**************************************************
کتبتُ هذه القصیده والقیتها فی سنة 1426 ه-ق
