2-سید خلاده ایأذن ببلاده اخته مرته وخوانه اولاده؟الدیچ

3-اربعه طبگ طبگ اثنین طرطنلی واحد اینش البگ و واحد الیغنی؟الهایشه

4-شیره تحیض وتلد تحمل طیور و تحمل ورد تحمل عطش وصیف ما تحمل برد؟العاگوله

5-اشوره الخص؟عین الحرامی اتلصلص

6-اشبلنیمه؟ابنیه ایتیمه

7-حامل ومحمول نصه یابس ونصه مبلول؟البلم

8-اربعه یمشون واربعه یبچون واثنین اعیون وعگل مجنون؟الهایشه

نعم هکذا کانت مجالسهم یستئنسون بالکلام والحزورات احیاناً وهذه بعضٌ من حزوراتهم

ارسلوا الاجابات فی التعلیقات من فضلکم

اما الیوم فالبیرق یستعمل لتشییع جنازة الشیوخ ام کبار العشیره او الاستقبال من الشخصیات السیاسیه والمذهبیه .

البیرق یحفظ عند الشیوخ وفی حال نشره یتم هذا العمل بحضور الشیخ والسادات وکبار العشیره مع ذبح ذبیحه.

البیارق فی محافظة خوزستان لها الوان عدة منها الاحمر والاخضروالازرق والابیض والاصفر وتزین بعلائم مثل (السیف) و(الاسد والسیف) و(السیف والهلال) و(السیف والنجمه) و(السیف والهلال والنجمه)و( الهلال والنجمه)و( السیف والدله )و.....

وتحمل البیارق عباراتٍ مثل بسم الله الرحمن الرحیم-اعتصموا بحبل الله جمیعاً ولا تفرقوا-نصر من الله وفتح قریب و........

الملا فاضل السکرانی

الشاعر الملا فاضل بن یعقوب السکرانی الطائی: شاعر مجید من اشهر شعراءالاهواز ولد فی (الفلاحیة) سنة 1340 هـ.ق الموافق سنة 1302ش.هـ و هی مدینة تاریخیة لم تخلو عبر تاریخها من الادباء و الشعراء والمؤرخین و اللغویین ابرزهم ابن السكیت الاهوازی و الحاج هاشم الكعبی الدورقی و غیرهم. كان شاعرنا منذ طفولته مولعا بالشعر والادب و یحضر الاحتفالات الادبیة التی تقام بالمناسبات و یسمع من شعرائها و أدبائها الأناشید الأدبیة والتواشیح الدینیة. نظّم الشعر فی مبکر عمره و هو فی سن الحادی عشر

المزید عن حیاة الشاعر واشعاره فی المزید

الاعشاب التی توکل:

گاگله

توله

صریم

سلج

ارشاد گاع

شیص ملّه

افطر

حویرّه

خرّیط

ارجیجه

طحلیزه

منجی

مرّیر

الاشجار والاعشاب المحلیه

طرطیر

طحمایه

طرفه

عاگول

شوّیل

ذان الصخل

نسل

بردی

گصب

چولان

سین

شرّیب

دوّه النشله

حلبلاب

شهنه(فی الماء)

حند گوگه

مرّان

حلفه

شفلّح

عنبایه

تینه

عنگر

بول الذیب

جت

گصیل

حِبّه

گمبوع

ذان الصخل



طرفایه



نسل



طحمایه








گاگله




عاگوله

الادویه القدیمه:

چاثّه ولامّه

اهلیلی

هیل

زعتر

چبوس

گیصوم

حبة حلوه

حبه سوده

چمّون

عطبه

یفت

طین خاوه

بربین جداوی

عرج اللویه

ظافیر العروس

بستی

یایفه

یرن زبیل

گصب افلوس

لعبة گطف اعصیّه:

لیس فی هذه اللعبه فِرَق بل کل شخص لوحده

،5او6اواکثر او اقل من هولاء یقفون فی صف واحد والمسافه

تکون بمقدار طول ید وعصا اللاعب الذی فی الیسار او

اکثر قلیلاً کی لا تصیب عصاه اللاعب الاخر وکل منهم

یحفر (موگ)تحت اقدامه ویقف علیه وفی المقابل بعد

بضعه امتار ینبتون عصا ویبدئون برمی عصیّهم علیها واحداً

تلو الاخر اذا اصاب شخص العصا یقف الباقین  وهو یضع

عصاه علی الموگ ویقول لهم (طفر دوس)اذا قالوا

(طفر)یقفز من علی العصا قدر ما استطاع ثم فی ذلک

المکان یحفر موگا اخر وقف علیه واذا قالوا له (دوس)

یدوس العصا برجله ویطفر ثم یحفر موگاً ثم یاتی الدور

لللاعب التالی وهکذا الی ان یطفرون ویطفرون حتی یصل

واحداً قبل الباقین الی العصا ویکون هو الفائز.

تتکوّن من عصّتین واحده باسم اللاگ والثانیه صگله ویکون اللاگ اطول

من الصگله ویقوم فریقین باللعب بهما بحیث یحفرون موگ(ثقب فی

الارض)ویضرب احد اللاعبین الصگله بواسطة اللاگ ویقوم الفریق الثانی

الذی یکون فی الطرف الثانی من الملعب بالتقاط الصگله ،اذا التقطها احد

اعضاء الفریق یکون الفریق الذی ضرب الصگله قد خسر امتیازاًاسمه

(برص)ویتبادلون الامکنه واذا لم یلتقطون الصگله یقوم احد اعضاء الفریق

برمیها علی اللاگ الذی قدوُضع علی الموگ ،اذا اصاب اللاگ او اتت

الصگله بفاصلةٍقریبة علی اللاگ حیث اذا مُدّ اللاگ من الموگ الیها

یصل،فبهذه الحاله یخسر احد اعضاءالفریق وهو الذی رمی الصگله ویاتی

الثانی من اعضاءالفریق ویلعب بدلاً منه واذا لم تصب الصگله اللاگ او

کانت بعیدة عنه فهنا یاتی صاحب اللاگ ویضرب الصگله ضربه فاذا

طارت فی الهواء یضربها ویبعدها عن الموگ ویعمل هذا العمل ثلاث

مرات ثم یحسب باللاگ  من الصگله حتی الموگ (اوحیّد اثنین اثلیث

اربیع اخمیس استیت اسبیع اثمین اتسیع وبرص) وهکذا کل ما وصل

العشره یکون (برص) وهکذا الی نهایة اللعبه ثم یحسبون البروص والفایز

الفریق الذی یجمع اکبر عدد من البروصه.

سیاتی ان شاء الله طریقة لعب باقی الالعاب فی المستقبل العاجل.

هکذا کان آباءنا واجدادنا یتمازحون بالالفاظ:

1-سدّینه شط السید والسید ماسدشطنه

2-حوش حنش خوش حوش

3-صم خلال وصم شیص

4-خمشت خشمی خمس خمشات

قلها ثلاث مرات سریعاً

گطف اعصیّه

غمیضه جیجو

چلچل

ام احچیّم

روّت

صبّت

حیله

طم اخریزه

محیبس

امصیگیله

اچعاب

اهویشه

وغیرهم من الالعاب المحلیه التی سیاتی طریقة لعبها فی الایام الآتیه ان شاء الله.

وهذه قصه الشاذی بالّغه الشعبیه

منی ومنکم اکو بنات اثنین عدهن مرت ابو گلّت لبوهن مارید بناتک اویای لو تاخذهن امن البیت لو آنه اطلع گل الهه انه ما اگدر اطرد البنات خن خلّیهن بالبیت وحنه ارّوح غیر مکان خلّوهن نایمات وعافوهن الصبح او راحو وهنه گعدن الصبح ما لگن اهلهن گالن اشلون انظل وحدنه خن ارّوح انشوفنّه غیر امکان راحن یمشن خذن الدرب وراحن ما یدرن وین یرحن مشن مشن لمّن صار المغرب علیهن لحگن الهن فرد حوش ودشّن بی الحوش خالی چان گالن خن ظل منّا للیل لو محّد یا بعه انظل اهنا ولو احّدیا انعوفه ونطلع صار اشویه وین اهوایش ونعیات گالن تبیّن بی احّد هنوب اشویه ویا وره الهوش والغنم شاذی ظلّن ایتانن بلله خل انشوف بس هاذه الشاذی لو احّد ایّی لابدات ویعاینن  شافنّه گال ای یا روحی یاچ العشه اشتتعشّین ؟؟؟؟.....عیش ودبس اتعشه وگال ای یا روحی یاچ النوم اشلون اتنامین ؟؟؟؟؟ .....انام صفح؟؟؟... لا   انام علی گفای؟؟؟.... لا   خل احط راسی حدر وعزّی فوگ هنوبه نام وهنه ایباوعنله گالن الا نام انحط ابعزّه دبس   خلّنه نام وحطّن ابعزه دبس گعد الصبح گال شنی های ؟آنه زاگ؟؟!!ذاگه و گال هاذه دبس . ایا عزّی ابن الچلب بایگ الدبس البارحه هلیوم الّا احطلک نار وچوّیک هنوب حطله نار و گعد علیهه وحترگ ومات وهنوب البنات ظل الهن البیت واحلال وگامن وحده تلبس اهدوم زلم وحده تلبس اهدوم نسوان ویسرحن وحده الصبح وحده العصر كذاک الیوم ضالّه های التلبس اهدوم زلم بلبیت یا الملک اهوه والعبد ماله متغدّی عدهم هنوب رایح بس اهوه عارفهه مره مهو ریّال امسوّی روحه ناسی ساعته وصلو نص الدرب گل للعبد اوووو نسیت ساعتی گلّه العبد آنه اروح اییبهه الک گله الملک لا آنه اروح حتی ایگلهه آنه اعرفچ رد الهم گلهه انتی مره آنه ادری بیچ گللهه امشی اویای ما رضت اتروح اویا گلّتله اختی سارحه تیی للبیت ما تلگانی  هنوب خذاهه گوه رکّبهه علی الفرس وخذاهه وراح گامت اهیه اتشگ امن اهدومهه وتذب علی الدرب حتی اختهه تلگاهن وتیی وراهه حد ما وصلو الشط هنوب بعد راحت ما تگدر اتذب امن اهدوهه . یت اختهه للبیت ما لگتهه راحت وراهه وره الگطع الذابتهن وصلت الشط بعد ماکو اگطع انگطع الدرب هنوب شافت بیت عیوزگلت اله یدّه گلت الهه ولدّه گلت الهه بی بی گلت الهه ودبیبی هنوب گلت الهه آنه ما عندی امکان ارید ایی یمّچ گلت الهه دشّی ظلّت اویاهه .ذیچ البت خذاهه الملک وگامت کلما اتخلّف ام شریچتهه اتیّیبه اطّیح بلفرخ وتبیعه وختهه من دون ماتد ری تشتری اتحط حدرهه فرد شی وتگل للملک یابت هیچ شی حد ثلث افروخ هیچ سوّت هنوب صار عرس بدّیره وراحن کلهن الخوات هم راحن گاعدات سوه بس وحده ما تعرف الثانیه های العدهه الفروخ اتصیح علی الفروخ گلت اله اختهه هذول افروخچ؟گلت الهه لا اشتریتهم گلت اله لیش تشترین سولفتلهه السالفه امن الاول گلت الهه اتبیّن انتی اختی آنه هم هیچ سالفتی!!راحن گلّن للملک خذاهن کلهن اویا وطرد مرته ذیچ اهیه وامها وظلّن عایشات اویه الملک.

وآنه عفتهم وییت

؟؟؟؟؟؟؟؟؟؟؟؟؟؟؟؟؟؟؟؟؟؟

2-شنوشنو یمشی ویطم اثره؟میبر

3-شنوشنو وره بیت یابر؟کومة میابر

4-شنوشنو وره بیت امهنّه؟طلی امحنّه

5-شنوشنو فوگ الدار؟ابنیّت حرام اتگاطف احیار

6-شنوشنو طاح من فوگ ومانکسر کضّیته بیدی ونکسر؟.......

7-شنوشنو اتذبحه وتبچی علی؟البصل

8-شنوشنو ایطیح من فوگ ومایچک؟گطن

9-اسود اسویدانی بسّوگ لاگانی وعمامته خضره؟باینذان

10-اسود اسود مثل الجیر یطفر طفرات الخنزیر؟برغوث

11-اتراطنّی وراطنهه وخافن من براطمهه؟تفگه

حزوره ابوذیه

شنهو اللی علی المخلوگ داره؟الگمر(یعنی یدور حول الخلق)

وشنهو الما یعیش ابغیر داره؟السمچ(یعیش فقط فی الماء)

وشنهو الترک اهله وعاف داره؟الامام الحسین(ع)

وشنهو الما ینام الّا ابتچیّه؟الفیل

هذه الاجابات وشکراً لمن علّق

الروادید

1-سید طالب احمدیان

2-عباس غبیشی

3-عباس مزیدی

4-نور الدین باهلی

5-جاسم عسکری

6-عبد الرضا موالی

7-مرتضی حمزه پور

8-شاهین خزلی

9-حمید رخیصی

10-محمدالبوخنفر

11-غلامعلی عساکره

12-محسن دشتی

13-علی محسنی

14-سيد عبد الرزاق موسوي

15- موسي البوخنفر

16- محمد بحراني

17- علي الغريب

18- مر تضي سلمانيان

19- عبد العظيم خزرايي

20- مصطفي بني تميم

21- حسين ناصري

22- مهدي ناصري

الشعراء

1-المرحوم عبود الحاج سلطان

2-ملا فاضل السکرانی

3-مهدی الملا فاضل السکرانی

4-عادل الملافاضل السکرانی

5-مرد مقدم

6-مرتضی مقدم

7-سید رضا بعاج

8-محسن البوسلیمی

9-محیی چاملی

10-عبد الساده العاشوری

11-مهدی العاشوری

12-فؤاد العاشوری

13-المرحوم ایوب امیر خنافره

14-المرحوم جمال مهنا زاده

15-المرحوم اوداعه البریهی

16-علی المطرودی

17-عدنان مطرودی

18-غدیر نادری

19-قدیم شاوردی

20-محمد ابو قاسم خنفری

21-المرحوم ملا محمد المایود

22-هادی سالمی

23-خالد خضرایی

24-حسن عاشور

25-عبود سلامی
26-فاضل ابوعباس البوغبیش

27-برّی ابوفیصل البوغبیش

28- مله اغلام رضاعساکره

29- الشیخ الدیراوی

30-یعگوب الحنش

31-عبدالله الحنش

32-حنش الیابر

33-شیخ ارعید مجدم

34-یوسف السکرانی

35-ابو سام درفش

36-ابوعارف مقدم

ارجوا المعذره من الاخوان الذین لم یذکر اسمهم وذلک اثر النسیان وارجوا ارسال الاسماء من الشعراء والروادید الذین لم یذکر اسمهم وشکراً

من اهم المشاکل فیها البطاله التی تسبب ردّات فعل سلبیه جداً فی الاجتماع والتی نراها الیوم بشکلٍ حادٍّ حیث ُ انّ اکثر الشباب العاطلین عن العمل یذهبون نحو المخدرات والسرقه والجرائم التی لا جبران لها ونسمع کل یومٍ عن شباب یموتون بسبب المخدرات او الصراعات الطائشه الناشئه عن کثرة البطاله حیث لا مفرّ لدیهم منها الّا العمل الذی لا یوجد فی مدینتنا وإن وُجد لایُستفاد منهم وللاسف یُستفاد من غیرهم من خارج المدینه وهم ینظرون الی من یعملون فی مجالات یستطیعون هم ان یعملونها ولکن یدور السؤال فی اذهانهم:لماذا؟!!...........کیف؟!!...........متی؟!...........و؟!!......

والمشکلةُ الاساسیةُ الثانیه هی المجاری والطرق فی الفلاحیه حیث تکون الشوارع فی الشتاء مملوءةً بالمیاه مما یسبب بتعطیل حرکةُ السیر او ابطائها والکل یحمّل البلدیهُ المسئولیه ولکن من یسمع ُ من البلدیه ؟ هل هناک آذانٌ صاغیه او عیونٌ مفتّحه من قِبل المسؤلین؟!!

الطریقین الوحیدین الذان یربطان المدینه بمدینتی اهواز ومعشور ضیّقین بشکلٍ حادٍّ حیث تصاعد عدد القتلی فیها بسبب ضیقها والحوادث التی تقع فیها فمن یسمع؟!   هل من مجیب؟!

لمشاهدة الصور اذهب الی المزید

هذه الاهازیج وان کانت قدیمه ولکن یوجد حالیاً من یستفاد منها وخصوصاً فی القری

یلّومی یلّومی             حامض حلو

یمشگگ اهدومی        حامض حلو

************************

حنش یمّه حنش                حنش

حنش فوگ الدار                  حنش

ویگاطف احیار                     حنش

حنش یمّه حنش                حنش

حنش وره الباب                  حنش

ویعدل بلچلّاب                     حنش  

حنش یمّه حنش                 حنش  

************************

یشّایله الکاره                  هله یمّه وهله

حطّی استراحی              هله یمّه وهله

دربچ خطر وبعید               هله یمّه وهله

هلّیله باتی                    هله یمّه وهله

***************************

بو بلم بو بلم                  خایب هو

عبّرلی محبوبی              خایب هو

والعبره نص اقران             خایب هو

والبوسه میّه                  خایب هو

خلّانی راح وراح           والگلب مو مرتاح

***************************

هیّه وهای وهیّه      هیّه         هیّه وهای وهو       هو هو

الیوم اجانه الزین      هیّه          یا اهلی حیّو          هو هو

التمّن یبنیّات یصویحباتی        هیه وهای وهیه     هیّه       هیّه وهای وهو       هو هو

...............................   هیه وهای وهیه     هیّه       هیّه وهای وهو       هو هو

بالبحر اتفویین یلبرتقاله         هیه وهای وهیه     هیّه      هیّه وهای وهو     هو هو

عشگ الولد والبت شیطفّی ناره   هیه وهای وهیه   هیّه     هیّه وهای وهو     هو هو

یاحیّه یمراسین طبّی ابجدرهم    هیه وهای وهیه    هیّه     هیّه وهای وهو     هو هو

سِمّیلی اهل البیت وخلّی ولدهم    هیه وهای وهیه    هیّه    هیّه وهای وهو     هو هو

                            ******************************************

امّا الهوسات

شال ایده وگال اخذوهه نشّکر منّه

***********

یابوهه من بیت العالی

***********

یبناهه واجت ویّانه

**********

ماخذنی ورایح وین یشّادگانی

****************

عینی یبو فانیله ایصیر اللیل ونجیله

**************

خوش اکرمتونه ابصیده انتم عِزالنه

*************

عفیه ببوهه الماطّاهه للغرب

*******************

عندما یلاعبون اطفالهم

باح باح بالمصطاح
ایه الواوی عوه و راح
بیها الشگّ و بیها البگ
بیها اضحیچات النینی
و النینی ایرید احلیبة
احلیبة من الیاموسة
و الیاموسة ترید احشیش
و حشیشها من الفلّاح
الفلّاح ایرید امنییل
امنییل امن الحدّاد
الحدّاد ایرید افلیسات
و افلیساته من الفلّاح
و الدییة اترید احبیبات
احبیباتها من المصطاح
باح باح بالمصطاح
ایه الواوی عوه و راح
یا خسارتک یا الفلّاح

ماضاگت اعیونی النوم بعداک

اشبدیّه والزمان ابعید بعداک

ریت الصار بینه ایصیر بعداک

ولا مرّه یشح شوفک علیه

******************

حرت شهدی الحبیبی وحرت شطّی

ونه ابعسر الوکت ما نشف شطّی

اببحر شوگی فلا موجود شاطی

ولاتوجدسفینة نوح لیه

******************

حلو طوله ابرشاقه وحلو متنه

وحلوشعره المحلل فوگ متنه

من شفنا زعل ونزعج متنه

ابزعله الحلو راوانه المنیه

******************

یلشعرچ سواد اللیل گلبی

وگلبچ ما اظن الشوگ گلبی

بعد ما یحمل النچبات گلبی

ولا یحمل افراگچ والاذیه

******************

یدنیا بسّچ امصایب دعینه

ارفعنه للسمه ایدینه دعینه

یربّی الیندعی عندک دعینه

ولا تترک عبیدک بالخطیّه

*********************

کل الناس صبحت لایمتنی

وخفت حبّک حبیبی لایمتنی

تره الدنیا ابغیابک لا یمتنی

ابثراهه ولا بعد تم حیل بیه

********************

الزمن غدّار ناصب علی شرکه

وگلبک لا یصیر اویای شرکه

جمالک وی ودادک دوم شرکه

وخل یتوالفن کلهن سویه

*********************

حرگ گلبی زمانی وزاد یمری

وصرت موبیدی بید الناس یمری

بعد ما گمت اشوف الزاد یمری

ابسبب حچی الشماته الفتک بیه

*************************

انه البایع حنین ومشتری هم

وصار اسنین گلبی مشتریهم

ولوغیره یجونی ما اشتریهم

ابد مارید غیر الحن علیه

********************

انه بلسم اجروحک صرت شفتک

وگلبی انصاب من زعلان شفتک

تزعل چی اگلّک لون شفتک

اجمل لون شفته ابهالدنیّه

*************************

انتی حلوه اهوایه حلوه                       الوجه چن قطعة بدر

ونتی بلوه وحیل بلوه                         وبله من ضیم الدهر

انتی للروح احلی سلوه                       ابّسمتچ یحلی السهر

اعیون عندچ کلشی تسوه                     تسوه انطیهه العمر

اجعود عندچ چنهانشوه                        املطّفه ابرشّة مطر

اخدود ورده ابوکت زهوه                     امعیّده ابنسمة عصر

ابگذلتچ صابتنی فهوه                         اتگول لیله ابلا گمر

سوده حلوه ولیها یهوه                         الشافها وشمّ العطر

والشفایف منها شکوه                         القاضی حاجات البشر

ذکرچ ابلیلی احله نجوه                      ایزیح من عندی الفکر

وطولچ السوالی سهوه                        وهیّج ابگلبی الجمر

والکلام البیه رجوه                           الگال احبک ونتظر

صاب دلالی والچلوه                      وسلب من عندی الصبر

وصار وصلچ الی منوه                       وعمری خلّصته ابقهر

اوعدچ ماتکضنی نهوه                       ولابعد یشفه الصدر

لو اعیش اویاچ گوّه                           لو اروحن للگبر

لو اعیش اویاچ گوّه                           لو اروحن للگبر

عگبک ما الی فرحه ولاذات(ولذّات)

المنعنه لا اله امروّه ولا ذات

روحی اطلعت من جسمی ولاذات(ولاذت)

تحت ضلعک یبو ذات الوفیه

انا لله وانا الیه راجعون

الاخ المحترم الضابط داوودی فی ذمّة الله

عائلة المرحوم داوودی :نتمنی لکم من الباری تعالی الصبر الجزیل  والسلوان ولروح الفقید الراحه والرضوان

بعض الاسماء القدیمه ومعانیها للاشخاص فی الاهواز

أنیسه:المأنوس بها

بتّور:قطّاع

بحیوس:کثیر البحث والتفتیش

بدّای:الذی یُکثر من زیارةالاهل والاصدقاء

بدیوی:بادی

من کتاب:النبراس المنیر فی اللغه العامیه وجذورها الفصحی

للمولف:عبدالامیر حسونی زاده(الشویکی)

اذهب الی المزید

اصطلاحات عامّه فی مدینة الفلاحیه:

یلّاب:من یقوم بشراء وبیع المواشی

ساروح او الیوّال:من یذهب بالمواشی الی الهور او النخل لاطعامها

قلّاف:من یعمل من الخشب اشیاء مثل الدبّه والبلم

میراوی:من یسقی الشلب

برّی:من یحصد الشلب

فلّاح و افلاحه:من یعمل علی تلقیح النخیل وجمع الثمر والاهتمام بالنخیل ویُعیّن من قبل صاحب النخیل والفلاحه اسم المهنه

کولی:العامل

اسطه:استاذ العمل

ناطور:حارس

گانوص :الذی یصید الطیور

بحّار:الذی یصید الاسماک من البحر

حایچ:من یحوک الملابس

ندّاف:من یندف القطن

ازّبّر:عمل یقوم به الفلاح لتنظیف النخله

صور لاحد الفلاحین فی قریة خنافره وهو یزبّر

 هوسه ولائیه

من یصیر احساب باچر                      وانته ما عندک ولی

بیک تتونّس جهنم                           اتصیح جیبو هاذ الی

     وآنه ماتگدر تمسنی                      خادم احسین وعلی               ولخادم بل جنّه امکانه

*****************************************

هوسه بحق العباس(ع)

آنه ابن لیث العراق                               آنه ابن ذاک الولی

آنه سبع البی حمیّه                            وتشهدالحومه الی

آنه سردال الحریبه                          ومن اصیحن یا علی

                  بس الله الیستر من سیفی

*****************************************

للعباس (ع) ایضاً

چثیر ارجال عل شاطی                       الاف وعددهه ایزود

ومن شافت عضید احسین                 شافت حیدر امن اردود

ترکوله الشریعه ابساع                 وگام وترس منهه الجود

                  ردتارس جوده امنل غیره

*****************************************

قصیدة بمناسبة مولد الامام الحسین(ع)

    نور عینی یا حسین

یا حُسین الروح فدوه اتروح الک

وعن بعد باشواگنه نتامّلک

یا حبیبی الکاض بیکم ما هلک

تنجی کل المذنبین                       نور عینی یا حسین

             ***           

یا حُسین افدیک کل ناسی وهلی

غیر ابوک الحید ما عندی ولی

من محمد گال مولاکم علی

صرنا نحن العاشقین                    نور عینی یا حسین

            ***              

یاحُسین الناس بیک امولّعه

نور حبک والحصل منه وعه

نور حبک یضوی کل الواسعه

نورَ رب العالمین                         نور عینی یا حسین

          ***          

یا حُسین انرید کلنه ازیارتک

حتّی لو بالشوک نحبی الجیّتک

ما یهم اشلون نوصل حضرتک

کی نزور المرقدین                    نور عینی یا حسین

         ***             

یا حُسین امنین کل هذا الصبر

والسنین اتروح وخْلصهه الدهر

انرید یم الحضره ننطیک العمر

یا شفیع المؤمنین                  نور عینی یا حسین

           ***            

یا حُسین ابیوم میلادک فرح

گلبی الولهان غنّاله وصدح

یا نجل عدنان بی گلبی انشرح

یاطریق الثائرین                   نور عینی یا حسین

        ***           

یا حُسین ابیوم میلادک سلام

فرّح الاکوان وسیّدهه الانام

گال هذا احسین اهو ثالث امام

یا امام المسلمین              نور عینی یا حسین

          ***            

یا حُسین ابیوم میلادک سرور

یفرح الولهان وگلیبه ینور

ومن بُعِدبشواگ دلّاله یزور

السلام یا حُسین               نور عینی یا حسین

*********************************

اللاعب الذی یقفز وذو ملابس بیضاء هو ضاحی البوخنفرلاعب کرة الید الدولی السابق من ابناء الفلاحیه

اذهب الی المزید

اوشار=نهرمضیف-اوشارجدید-العنایتی-البوگولک

البزیه=نهرمسلّم-نهردلّی-المحروگی-الحدبه-خوینس-الجهنجیری-الگاهن-السوده-الدیمه- العمه-الصفره-المدینه-الگطرانی-الغرگانه-الاصيفر-المنگوشی

دورخوین=ام الغزلان-ام الحجار-الدریسیه-الصلیحاویه-علوان ابو عاگوله-الوسطانیه-علم آباد-الخضیریه-حمیره ویحیشه-السلمانه-الدابوهیه-منصوره ابن علی

الحسینی=التوبچیه البوحصار-ام الصخر-السباهیه-البنوار-امّیلحه-اصویمه-الحسینی-غریبه-المنصوره-الطویجیه-العگله-البحّاث-چومة سید علوان-الیعفری

جفال=الشاولی-المندوان-البدرانی-التوبچیه-ابوعرابید-حدبه ام الصخر-الچومه-الخزعلیه

ان کان هناک مناطق اخری ارجوا ارسال اسماءها الی هذه المدونه وشکراً