Vesle søte Henrik

Ingen tvil om at vår vesle søte HENRIK er vel motteken i heimen. Ungane er så gode med den vesle hjarteknusaren, at det er heilt rørande...

Eg er så takksam for å ha fått tre så vidunderlege småtassar.

Klem Gunilla

...den vesle prinsen!

I dag har vi hatt ein spanande, rørande og lukkelig dag i familien.

Endeleg kom den vesle prinsen vi har venta på i 9 mnd. På sjølvaste 6 års dagen til storesyster! Ein betre presang kunne ho vel ikkje draumt om.

I morgon tek vi dampen over fjorden slik at vi får nyta synet av den nye, vesle sjarmøren! (Storesyster, storebror og mormor har sjølvsagt knept, kost og holdt i dag....*smiler*)

Stor klem frå SUPER DUPER stolt tante & onkel & søskenbarn!

Ei herleg reise til Skagen

Vi reiste til Skagen den aller fyrste ferieveka no i juli.

Det var ein herleg tur saman med min eigen vesle familie, samt mamma og pappa.

Utruleg koseleg... Det skal ikkje bli lenge til neste gong. Skagen var reine ferieidyllen med strandliv, sykling, god mat, herleg atmosfære og ikkje minst ein koseleg by.

Tåselås i sanden

Delar av familien på tur til spissen av Skagen, nydeleg.

Danmark er gøy, sumar og sand!

Konkurranse i sanden, bessen i tet!

Geir jr. tek seg ein liten pust i bakken etter springing i sanden, mil på mil...

Tusen takk for ein fantastisk tur.

TA VARE PÅ KVARANDRE!

Stor klem Gunilla

Roser i ulike variantar

Det er ikkje mykje som slår roser i blomsterverda:). Vi var i Stockholm forrige helg. Der storkosa vi oss med nydeleg ver, shopping og gode opplevingar.

På den eine resturante hadde dei pynta så staseleg med flotte raude roser. Tenk kor enkelt, men fint?

Tusen takk for ein flott tur alle gode kollega i Sparebanken Vest avdeling Husnes. Ein fantastisk gjeng, med følge!

God helg alle saman.

Klem Gunilla

Oppussing - blir vi nokon gong ferdige?

I forbildelse med oppsussing av "foreldresoverommet" har eg leita etter ny tapet som kunne passa.

Sidan utsikta er rett ned i båthamna og sandstranda i bygda så er jo ein maritim tapet eit must. No har eg endeleg funne ein borås-tapet. Kjempe flott og maritim, men likevel nøytral. Rullane bestiller eg gjennom Fargerike interiørbutikk på Stord (ein fantastisk kjekk butikk, med to særdeles flinke damer).

I tillegg har eg bestilt gardiner som skal henge i skinner frå taket og nye garderobeskap frå Kvik.

Kanskje blir det litt betre orden på rommet framover... Eg lover kjære husfar!!!!

Ved å trykke på linken Boråstapet finn du eit hav av flotte tapetar. Min heiter New Classic 2537.

Bilde er lånt frå denne nettsida http://tiriltk.ipublish.no/86/

Ha ei fin veke alle mann alle!

Beste helsing,

Gunnhild:)

30 år!

F antastisk

R aus

Ø nskedrøm

Y pperleg

D eilig

I nteressert

S nill

Det er ingen problem å finne gode ord om verdas alle beste søster, tvilling, sjelevenn, bestevenn, psykolog, husmor, mamma, tante, kollega, svigerinne, bekjent, .........!

Tenk no er du 30 år, mamma til tre herleg søte heldige små.

GRATULERA MED DAGEN!

Klem frå

Gunilla med familie

HAPPY DAY!

For snart 6 vekar sidan fekk eg æra av å fylgje mitt første tantebarn til frisøren.
*
Oppdrag: hol i øyrene! *tihi*
*
Snakk om fin oppleving. Margrethe var høg på livet heile vegen til frisøren. Då vi endeleg kom fram småsprang ho ivrig bort til salongen. Eg hadde magen full av sommarfuglar, men hovudpersonen sjølv nølte ikkje eit sekund.

Mollemor (som eg IKKJE får lov til å kalla ho lenger) er klar som eit egg!

Eine øyra er ferdig, det andre er.... nesten ferdig! *glis*

Margrethe studerer alle øredobbane nøye... Heilt sjølv (utan påvirkning frå tanto) plukka ho ut prikk lik øyredobb som si eiga mamma hadde for 24 år sidan! Det var ekstra kjekt!

Medan ho sat hos frisøren prata ho på inn og på ut. Ho fortalte frisøren at pappen egentlig ikkje likte at ho skulle ta hol i øyrene, for han syntest ikkje det var noko fint...MEN ho var ikkje i tvil om at han heilt sikkert kom til å synast at ho sjølv var veldig fin!

Stor klem frå tante

Utekos med familien!

I helga som var koste vi oss ute så masse som mogleg.... deilig ver og masse kos.

Soving hos mamma (mormor), fotballcup, grilling, liggebesøk av yre søskenebarn. Herleg!!!!

Geir er utruleg betatt av den vesle solstråla vår. Han stryk ho på kinnet og behandlar ho med godhet. Det er så sjarmerande.

Sitat Margrethe i dag:

"I morgon blir den beste dagen i mitt liv, pappa kjem heim frå Amerika og det er sykkeldag i barnehagen!"

Snakka meg om søt kommentar...

God helg alle mann alle!

Klem frå

Gunilla

Prosjekt seng

Endeleg er den gode gamle senga frå svigermor nymala og klar til å få komme inn i hus.

Den skulle berre overvintre i garasjen ein vinter, som blei til to vintrar og tida berre gjekk...

No fekk eg advarsel frå mannen om å bli ferdig med prosjektet, eller køyre den på SIM.
Hjelpe meg, klart eg skulle bli ferdig... tihi... Ingen problem, trengte berre eit lite spark bak.

Senga er diverre litt hullete av små dyr, men etter to kalde vintrar og behandling håpar eg så inderleg at vi har fått bukt med disse småkrypa. No er den malt med to strøk oljemaling, og eit tredje skal på før den skal inn i hus...

Eg er usikker på om den kjem til å bli så mykje brukt. Den skal uansett bli "innreia" med ny madrass, dyne, pute, bamsar, m.m. Det er jo eit flott møbel. Kanskje babyen som kjem til hausten kan bruke den til soving på dagtid den fyrste tida... Eg håpar det!

Slik ser den søte senga ut, snart klar til å takast innandørs att. Den fortjenar ein ny sjans...

Vi jenter elskar jo å innreie, så tenk om den kan bli like innbydande som denne? Herleg...

Ha ein herleg kveld og ikkje minst ei god helg!

Klem Gunilla

Vårsol og gode meldingar!

For ein fantstisk påske, sol sol og atter sol! I morgon er det normal "gjenge" men sidan vi har fri tirsdagen, blir det ein roleg start på arbeidsveka...

Vermeldinga viser sol sol sol sol...
Det er utruleg gledeleg for liten og stor. Solkremmen er allereie i bruk og ungane har lufta både leggar og armar. Ikkje rart i denne varmen?!?

Eg håpar alle som kikkar innom den sovande bloggen har hatt ein strålandes påske.

Bildet fann eg på ei nettside, kjempe søtt!

Tusen takk for deilig middag i dag Frøydis, mmm....

HA EI FIN VEKE ALLE I HOP!

Klem frå Gunilla

Sydlandsk pastasalat

Her kjem ei oppskrift Frøydis har etterlyst :-). Dette er salaten vi hadde i utdrikkingslaget til Gunnhild på Vertshuset! Men bilete manglar diverre.

ca 300 g spekeskinka
ca 250 g pasta
1 glas pesto (Barilla sin syns eg best)
1 beger ruccola
1/2 isbergsalat
ca 20 oliven
ca 10 soltørka tomater i olja
1/2 glas fetaost
1 rødløk

Kok pasta, avkjøl. Bland inn pesto i pastaen. Del opp grønsakene og spekeskinka, bland alt samen.
Server med ferskt brød.

Oppskrifta er til 4 stk, og eg står ikkje å telle oliven....... her er alt ca :-)

Klem V

Permisjon mot slutten...

No har er det snart 11 månadar sidan eg gjekk ut i svangerskapspermisjon, og Lotta er snart ti månadar gammal.

På ein måte føler eg at ho nett vart fødd, på ein anna måte føler eg at vi aldri har levd utan ho. Vi har blitt godt kjent med vårt vesle gull på dette året. Storesyskena er så inderleg stolte og styrer og leikar mykje med ho. Storebror er kosete og beskyttande medan storesyster likar å rocka og dansa og tulla og tøysa med ho. Begge to får god respons av den vesle sjefen! Det er komisk å sjå når Aurora slengjer Lotta på hofta og poserer stolt for oss....eller venninnene sine. Å få ei lita syster har vore ein draum som har gått i oppfyllelse. Visse fordelar er med ein viss aldersforskjell.


Fotograf: Aurora

Det har vore deilig å ha eit heilt år der ungane har vore fokus frå morgon til kveld. For første gang i mitt liv har eg sett ungane tusla over haugen på veg til skulen. Om ettermiddagen blir dei møtt av ei spinnvill og glad lita syster, samt ei opplagt mamma som har middagen klar...

Akkurat slik hadde meg og Gunnhild det når vi kom heim til mamma og veslebroren vår i 1989. *O lykke* På veg heim frå skulen gjetta vi alltid kva som stod på menyen. Mon tru om mine ungar gjer det same? Marcus har ivertfall spurt om middagen kan stå PÅ bordet når dei kjem heim. Då fann eg ut at det kanskje var på tide å komma seg tilbake på jobb....?*smiler*

Det er 9 år sidan eg vart mamma for fyrste gong. Det er like fantastisk kvar einaste gong, men det er ingen tvil om at det er meir avslappande å bli mamma som 30 åring...(snart)enn 20 åring. Hønemor er eg jo enno, men det er ikkje noko krise om ikkje alt går etter boka...*tihi*

Den første tida som nybakt mamma er på mange måtar MAGISK, men også utruleg utmattande. Får babyen nok mat? Får syskena nok oppmerksomhet? Strekk eg til i huset? Korleis skal eg komma meg ut dørane med tre ungar, eg har jo bare to nevar!? Ja, kaos, kaos, lykke & lykke! Det er godt eg har ein FANTASTISK mann.


Fotograf: Aurora

Det eg hugsar best frå året som har gått er å oppleva stasen med å få eit nytt familiemedlem. Eg er også evig takksam for mykje god hjelp rundt meg. Då Lotta var nyfødd og pappen var på jobb kom mormor "tilfeldigvis" innom ved leggjetid..og rett som det er kjem mormor innom og hentar minstemann for dagens trimtur. Då går mormor og Lotta rundt bygda og kosar seg. Det er kvalitetstid for begge to! Då får eg plutselig tid til å sparka fotball med eldstemann, snikra med mellomste eller berre jobba i hagen om eg vil! (eller leggja beino på bordet...*he he*)

Dei to eldste har også vore på mange dagsturar til Mauranger det siste året. Der har dei kosa seg saman med slekt og vener, køyrd 4-hjuling og levd livet. Det er som å koma til ein anna verd. Eg ser enno for meg to blide ungar, fulle av gode historiar som kjem heim i minibussen til onkel... Minibussen ja...føles så lenge sidan..

I sommar minnest eg godt når ungane var på stranda med mosto og gjengen. Det var stas! Mosto har alltid med deilig niste, frukt, farris, kjeks, badedyr, bøtter/spadar.... Ingenting manglar når mosto diskar opp. Reservemammo.

Tante Sigrid avlastar oss jo kvar einaste helg ho kjem nordover. På den fronten er vi jo heilt bortskjemte. Overnatting, rissuppa og snop! Treng eg å sei meir?

I motsetning til tidligare permisjonar har eg no gått i babytreff annakvar veke sidan Lotta var 3 mnd. Det har gitt meg mykje energi. Der kosar vi oss med deilig mat,og treffa er prega av MYKJE latter og glede. Fire stolte mødrer og fire skjønne englar. Kan ANBEFALAST!

No nærmar det seg uansett jobb, og eg føler verkeleg at eg har SKAMKOST meg i eit heilt år! Heldige meg. Eg trur vi foreldre har godt av å kombinera foreldrerolla med arbeidslivet, så eg er heilt innstilt på å komma i siget igjen. No er det snart tantene sin tur? *jippi*


Fotograf: Aurora

Det har vorte langt mellom innlegga, men vi bloggar når vi føler for det og har overskudd til det. Den siste tida har det vore mange andre prioriteringar!

PS: Alle bilda i dette innlegget er tatt av Aurora. Eg kjefta litt då ho påførte oss eit blitzregn idag, men bildene var søte!! Det såg eg først no i kveld, etter at fotografen var sovna...

Tusen takk for at akkurat DU kikkar innom.

Ha ei skjønn veke:)

Stor klem frå Frøydis

Vår!

Denne helga har endeleg våren meldt sin ankomst på vestlandet.
<3
<3

Idag er heile familien raude i kinna, og ungane har fått endå fleire fregner....*jippi* Trampolina har komme opp, og i hagen myldrar det av ungar. Akkurat slik som vi likar det!

<3

<3

Vesle frøken fryd er høgt og lågt om dagen. Ho kjem seg rundt i alle retningar. Det er kjempe skøy, men litt skummelt og... Ein blåveis her og ein blåveis der..*tihi*

<3

Denne helga har Systrene Nilsen opning av vertshuset i Uskedalen. Det er kjekt å endeleg få fart på kaien igjen:) Det er berre ein månad til påske, då opnar restauranten for folket. STAS!!

<3

Ha ein flott dag alle i samen.

<3

Klem F

FASTELAVEN

Det er diverre bloggtørke for tida! Dagane og vekene fyk og snart er det påske. Då skal SYSTRENE NILSEN AS opne dørane, og det ser vi fram til.

I dag har vi kosa oss med 5 - mila, familiebesøk, herleg middag og ikkje minst fastelavensbollar.
Mmmm.... Det passa perfekt i dag! Bessen baka til og med bollar før han kom, og ungane fekk kvar sin med nugatti. Det var visst endå betre:)

Alltid kos med heimelaga pynt laga av dei minste...

Ha ein fin veke alle saman. No kjem våren med STORMSKRITT!

Klem frå

Gunilla

Har du Iphone?

Dersom du har Iphone oppfordrar vi tre kusiner til at du lastar ned ein gratis donorapplikasjon.

Dermed gjere du sjansen for å overleve litt større for alle som står i donorkø.

Du går inn på "app store" søker "donorkort" og lastar ned applikasjonen.

Les meir her:

Foto: dette har eg funne på vg sine sider...

Vi har sjølv ei sprek tante som fekk nye lunger og eit nytt liv hausten 2005. Fantastisk!

Ha ein strålandes kveld.

Beste helsing oss tre kusiner