Zum Inhalt springen

Jean Bonnard

Us der alemannische Wikipedia, der freie DialÀkt-Enzyklopedy

Dr Jean Bonnard (* 27. Februar 1855 z Lausanne; † 30. Augschte 1915) isch e Schwiizer Romanischt gsi.

Er isch vo Lausanne gsi und het z Stroossburg un z ZĂŒri und no z Paris a dr Ecile Pratique des Hautes Etudes bim Gaston Paris. Syni Dokterarbet a dr Uni ZĂŒri heisst Le Participe passĂ© en vieux français. Und bi synere wytere wĂŒsseschaftlichen Arbet isch s em psunders um s Altfranzösische ggange.

Vo 1876 bis 1903 het dr Bonnard am FrĂ©dĂ©ric Godefroy (1826–1897) sym ProjĂ€kt vom Dictionnaire de l’ancienne langue française et de tous ses dialectes du IXe au XVe siĂšcles mitgschaffet. 1888 isch er als eerschte ProfĂ€sser fĂŒr Romanischi Filology a die frĂŒsch ygrichteti Uni vo Lausanne choo, won er em Gaston Paris syni filologischi Methode fĂŒr d Interpretazioon vo der alte französische Literatur i dr WĂ€lschschwiiz ygfĂŒert het. Er isch drĂŒ Mol Dekan vo dr Filosofische FakultÀÀt und au mol der RĂ€kter vo dr Uni Lausanne woorde. Und er het em Nöieburger Romanischt Louis Gauchat ghulfe, s WörterbuechprojĂ€kt vom Glossaire des patois de la Suisse romande z begrĂŒnde und isch dĂ€nn au grad dr eerscht PresidĂ€nt vo dĂ€m WÀÀrch synere Filologische Kommissioon gsi. SĂ€lber het er aber nit uf em FĂ€ld vo dr DialĂ€ktology gschaffet.

Vo 1906 bis 1912 isch dr Bonnard GmÀindroot vo Lausanne gsi und 1907 au dr GmÀindrootspresidÀnt.

Vom Jean Bonnard isch s Buech Traduction de la Bible en vers français au moyen ùge, wo 1904 z Paris usechoo isch; und zÀme mit em Amédée Salmon het er d Grammaire sommaire de l'ancien français, avec un essai sur la pronunciation du IXe au XIVe siÚcle gschribe.

  • Alain Clavien: Les HelvĂ©tistes. Intellectuels et politique en suisse romande au dĂ©but du siĂšcle. Lausanne 1993, S. 98.
  • Ursula BĂ€hler: Portraits de mĂ©diĂ©vistes suisses (1850–2000). Une profession au fil du temps. 2009, S. 43ff.