Louis Perrier

De Louis Perrier (* 22. Mai 1849 z Neuchâtel; † 16. Mai 1913 z Bärn), vo Orges VD und Sainte-Croix VD, ab 1888 vo Neuchâtel, isch en Schwiizer Politiker (FDP) gsii.

De Perrier isch Archidekt gsii und 1888 is Parlament vo de Stadt Nöieburg gwählt worde. Am 12. März 1912 isch er in Bundesrat gwählt worde und isch s Johr druff im Amt verschtorbe. Während siinere Amtsziit isch er de folgende Departement vorgschtande:

1912: Poscht- und Iisebahndepartement
1913: Departement vom Innere

De Louis Perrier isch bis höt de Bundesrat mit dr chürzischte Amtsziit (14 Mönet).

Literatur

Jean-Pierre Jelmini: Louis Perrier. In: Urs Altermatt (Hrsg.): Die Schweizer Bundesräte. Ein biographisches Lexikon. 2. Auflage. Artemis Verlag, Zürich/München 1991, ISBN 3-7608-0702-X, S. 312–315.