Bombus

*Bombus*
Bombolón royo (Bombus terrestris)
Denominacions populars
bombolons, abellucos
Clasificación cientifica
Dominio:	Eukaryota
Reino:	Animalia
Filo:	Arthropoda
Clase:	Insecta
Orden:	Hymenoptera
Familia:	Apidae
Tribu:	Bombini
Chenero:	Bombus
Descripción
Bombus L., 1758

Os bombolons^[1] u abellucos^[1] (nombre cientifico Bombus) son un chenero d'insectos adintro d'a orden himenopteros, familia d'es apidos, muito relacionatos con as abellas, anque mes grans que no aquellas. O chenero Bombus ye, tamién caracteristicament, o solo chenero dintro d'a subfamilia Bombini d'os apidos.

Son insectos socials (eusocials) con estructuras colonials hierarquicas (con reinas, abelloz y obreras, cadaguna con a suya función). Tienen, a diferencia d'a resta d'abellas, o cuerpo de tot cobierto de pelo, y caracteristicament en tienen a franchas de tres colors: amariello, negro y blan. Tamién bi n'ha especies a on que l'amariello baila ta narancha u encara royo. As patas zaguereras d'as obreras tienen una man de pelos (setae) especificos ta transportar a polen (corbiculas), y os fizons que només son presents en as obreras y reinas no lo tienen aserratos como as abellas, si que son liesos y d'ixa traza pueden fizar repetidament sin d'arrancar-los-se en fer-lo.

As colonias d'istes animals s'acotolan en plegar l'hibierno, cuan que només en quedan as fembras fertils (reinas) fecundatas ta l'anyo siguient. En as abellas meleras a diferencia ye que tot l'ixambre sobrevive l'hibierno.

En aragonés d'o son que fan istes animals en volar se diz "bomboliniar"^[1], mesmo que s'usa la parola ta la cosa que fan os ninos cuan no deixan os padres suyos en paz.