baradoz

Brezhoneg

Gerdarzh

Amprestet digant al latin a iliz (paradisus).

Meneget er C'hatolikon (baradoes).

Da geñveriañ gant ar gerioù paradwys en kembraeg, paradys en kerneveureg, parthas en iwerzhoneg.

Anv-kadarn

baradoz /baˈrɑːdos/ gourel pe benel ; liester : baradozioù

1. Lec'h ma vez ar re wenvidik, er relijion gristen.
   • - Da dro eo, eme ar wreg. Goulenn ar baradoz evidomp holl. — (G. MILIN, Gwechall-goz e oa..., Kemper, 1924, p. 88.)
   • Kas un den d'ar baradoz.
   • E oar (emaer) o klask kas Fañch d'ar baradoz ha ne oa ket falloc'h evitañ war an douar. — (Jules Gros, Le trésor du breton parlé Première Partie, 1966, p. 92.)

Stummoù all

baradoez (stumm gwenedek)

Doareoù-skrivañ all

En doare-skrivañ etrerannyezhel e vez skrivet barados, baradoes.

Gerioù heñvelster

• gwenva, gwenved (relijion bagan)
• neñv

Krennlavarioù

• Aesoc'h d'ur c'hañval tremen dre grao un nadoz
  Eget d'un den pinvidik mont d'ar baradoz.

Troidigezhioù

• esperanteg : paradizo ^(eo)
• galleg : paradis ^(fr) , autel décoré ^(fr) (Jeudi Saint)
• katalaneg : paradís ^(ca)
• kembraeg : paradwys ^(cy) , nef ^(cy)
• kerneveureg : paradys ^(kw) , nef ^(kw)
• saozneg : paradise ^(en) , heaven ^(en)

Gwelet ivez

• Ar pennad « baradoz » e Wikipedia