Goodluck Jonathan

Goodluck Jonathan
	; (2013) Irudi gehiago
; Nigeriako presidentea
Chairperson of ECOWAS (en)
; Nigeriako presidentea
Minister of Power (en)
; Nigeriako presidenteordea
Governor of Bayelsa State (en)
Bizitza
Jaiotzako izen-deiturak	Goodluck Ebele Azikiwe Jonathan
Jaiotza	Otuoke (en) , 1957ko azaroaren 20a (68 urte)
Herrialdea	Nigeria
Talde etnikoa	Ijaw people (en)
Lehen hizkuntza	Ijaw (en)
Familia
Ezkontidea(k)	Patience Jonathan (en)
Hezkuntza
Heziketa	University of Port Harcourt
Hizkuntzak	ingelesa; Ijaw (en) ; nigeriar pidgina
Jarduerak
Jarduerak	politikaria
	Parte-hartzailea Munduko Ekonomia Foroaren Urteko Bilera 2014 ; Munduko Ekonomia Foroaren Urteko Bilera 2013 ;
Lan nabarmenak	ikusi My thoughts on a new Nigeria (en) ;
Jasotako sariak	ikusi Order of the Pioneers of Liberia ;
Ideologia eta sinesmenak
Erlijioa	kristautasun ebanjelikoa; baptismoa
Alderdi politikoa	Peoples Democratic Party (en)
	gej.ng eta goodluck.org.ng

Goodluck Ebele Azikiwe Jonathan (Ogbia, 1957ko azaroaren 20a) nigeriar politikaria da, Herriaren Alderdi Demokratikoaren (PDP) kidea. 2010-2015 bitartean, Nigeriako Errepublikako presidentea izan zen.^[1]

Bizitza

Goodluck Jonathan Nigerren delta eskualdeko Ogbia hirian jaio zen, 1957ko azaroaren 20an. Zoologiako eta hidrobiologiako ikasketak egin zituen, eta zoologiako doktoretza eskuratu zuen Port Harcourteko Unibertsitatean. 2005eko abenduaren 9tik 2007ko maiatzaren 28ra Bayelsa estatuko gobernadorea izan zen.

2007ko maiatzaren 29an, Umaru Yar'Adua presidenteak Nigeriako presidenteorde izendatu zuen. 2010eko otsailaren 9an behin behineko presidente izendatu zuten, Yar'Adua Saudi Arabiako eritegi batean ospitaleraturik zegoelako. Azken hori 2010eko maiatzaren 5ean hil zen eta Jonathanek ordezkatu zuen.^[2]

2011ko apirilaren 16ko hauteskundeak irabazi zituen, botoen %59rekin. Muhammadu Buhari oposizioko buruak iruzurra salatu bazuen ere, nazioarteko ikuskatzaileen arabera aspaldiko "garbienak" izan ziren.^[3]

Agintaldian ez zituen hauteskunde aurreko promesak bete: ustelkeriaren aurkako neurri nabarmenik ez zuen hartu —are gehiago, eskandalu ugarik zipriztindu zuten PDP—, eta Nigerren deltako gatazkak bere hartan iraun zuen. Gainera, beste mehatxu larri bati aurre egin behar izan zion: Boko Haram indartsu egin zen ipar-ekialdean.^[4]

Horiek horrela, oposizioko hiru alderdi —ACN, ANPP eta CPC— batu egin ziren PDP boteretik kentzeko.^[4] 2015eko martxoko hauteskundeetan, Muhammadu Buhari, oposizioko koalizioaren hautagaia, nagusitu zen.^[1]

Erreferentziak

1 2 Makazaga, Xabin. Iraultza demokratiko bat eragin du Nigerian Buhariren garaipenak. Berria, 2015eko apirilak 1 , berria.eus (kontsulta data: 2026-7-24).
↑ Nigeriako presidentea hil da, bihotzeko arazoengatik. Berria, 2010eko maiatzak 6, berria.eus (kontsulta data: 2026-7-24).
↑ Bozen osteko liskarretan ehundik gora lagun hil dira Nigerian. Berria, 2011ko apirilak 21, berria.eus (kontsulta data: 2026-7-24).
1 2 Garcia, Adrian. Aldaketa hotsak Nigeria zatituan. Berria, 2015eko martxoak 28, berria.eus (kontsulta data: 2026-7-24).

Kanpo estekak

Datuak: Q57380
Multimedia: Goodluck Jonathan / Q57380

[berria-1] 1 2 Makazaga, Xabin. Iraultza demokratiko bat eragin du Nigerian Buhariren garaipenak. Berria, 2015eko apirilak 1 , berria.eus (kontsulta data: 2026-7-24).

[2] Nigeriako presidentea hil da, bihotzeko arazoengatik. Berria, 2010eko maiatzak 6, berria.eus (kontsulta data: 2026-7-24).

[3] Bozen osteko liskarretan ehundik gora lagun hil dira Nigerian. Berria, 2011ko apirilak 21, berria.eus (kontsulta data: 2026-7-24).

[ber-4] 1 2 Garcia, Adrian. Aldaketa hotsak Nigeria zatituan. Berria, 2015eko martxoak 28, berria.eus (kontsulta data: 2026-7-24).

[1]

[2]

[3]

[4]