ایکی باخیش
ایکی باخیش
(1)
......چورهک دوکانینین قانشاریندا تزه بیشمیش چورهیین عطری اونون یادینا سالیرکی، گوناورتا چاغی اولدوغونا باخمایاراق ، هله سحر یئمهیی یئمهییب . صبح آچیلار-آچیلماز اوشاغی خستهخانایا گتیرمیشدیلر. ایندیده درمان آلماقچون درمان دوکانینا گئدیردی. اوچ قدم چورهک دوکانینا طرف یولاندی. تزه چورهیین عطری اونو لاپ آجدیریردی. بیردن دایاندی، ساغ الینی شالوارینین ساغ جیبینه سالیب ، چیخارتدی. الیندهکی پولا باخاراق : پولوم آزدیر، بلکه هئچ درمان حاقین اودهمهدیر. سول الینی کوینهیینین یئگانه سول جیبینه سالاراق کیملیک کارتینی یوخلادی و کارت الینه توخوناندا اورهیینده بیر سرینلیک دویدو. درمانلارین بو گونلر باهالاشماسیندان کیملیک کارتینی یئنهده گرو قویاجاغینی دوشوندو....
(2)
.... گویدلهنین اییرمینجی قاتیندا حووضدان چیخدی. پرتقال شیرهسینی ایچرهک بانکین والیوتا شوعبهسینه زنگ آچدی: الو... سالام ، نهقدر والیوتا آمریکان بانکاسینا کوچورمک اولار؟....هه اولدو سیز منیم حسابیمدان ....دولار کوچورون ، منده گلیرهم . دوغیندا یارانان تبسوم شوعبه مودیریندن راضی اولدوغونو بروزه وئردی.
یئنی دن نمرهلری ییغدی: الو ... سالام، ایکی نفرلیک هاوایی ایالتینه بیلئت رزرو اولسون ائله صاباح اوچون ......
