Renault FT

Renault FT
Ur Renault FT war ziskouez e Mirdi an Arme e Pariz (Bro-C'hall).
Kinnig
Bro	Frañs
Doare	Tank skañv
Akipaj	2 zen
Armadur	Ur c'hanol 37 mm APX SA18, unan pe div vindrailherez Hotchkiss e 8 mm
Mare servij	1918 - 1940 (e arme Bro-C'hall)
Produerien	Renault SOMUA Berliet Delaunay-Belleville
Mare produiñ	1917-1919
Niver produet	Etre 3 000 ha 4 000 hervez ar mammennoù
Adstummoù	Stumm kanol Stumm mindrailherez Stumm TSF Stummoù all kopiet ha poduet e broioù all
Perzhioù teknikel Hervez ar stumm
Mas	6,5 - 7 tonenn
Hirder	5 m
Ledander	1,74 m
Uhelder	2,14 m
Hobregon	Etre 6 ha 16 mm
Galloud	35 MN
Tizh war an hent	8 km/h
Autonomie	65 km

Ar Renault FT (anvet ivez, goude ar C'hentañ Brezel-bed, an FT-17, FT17) a oa un tank skañv gall bet modern-tre ha gant levezon bras war istor dizain an tankoù. An FT a oa ar c'hentañ tank produet o kaout e armamant en un douribell fiñvus a bep tu. Doare renkañ ar Renault FT (kombod ar vourzhidi e tal, kombod ar c'heflusker a-dreñv, hag an armamant diazez en un douribell hedro) a oa deuet da vezañ hini darn eus an tankoù a vo savet da c'houde. Setu perak eo bet lod istorourien arbennikaet war ar brezel hobregonet oc'h ober eus ar Renault FT ar c'hentañ tank modern.

Ouzhpenn 3 000 tank skañv Renault FT a zo bet produet gant Bro-C'hall, an darn vrasañ anezho er bloavezh 1918. Goude ar C'hentañ Brezel-bed, an tankoù FT a oa bet ezporzhiet a niveroù bras. Kopiennoù pe azasadurioù a oa bet savet er Stadoù-Unanet (M1917 (tank skañv)), en Italia (Fiat 3000), hag en Unvaniezh Soviedel (Tank T-18). Ar Renault FT a zo bet implijet er mare etre an daou vrezel dre ar bed a-bezh met pa oa kroget an Eil Brezel-bed e oa diamzeriet. Implijet e voe gant arme Frañs e-pad emgann Bro-C'hall c'hoazh. Ar skouerennoù a chome a voe adimplijet gant ar Wehrmacht, dindan an anv SdKfz 730 (f).