anezhi

Brezhoneg

Gerdarzh

Eus a ha -nezhi.

Furm araogenn

Gour	Furm
U1	ac'hanon
U2	ac'hanout
U3g	anezhañ
U3b	anezhi
L1	ac'hanomp
L2	ac'hanoc'h
L3	anezho, anezhe
D	ac'hanor

anezhi /ãˈneː(z)i/

1. Furm an araogenn a, eus, displeget en trede gour unan benel.

   An eil tamm anezhi zo d'ho pried ha c'hwi.^[1]

   Netra nemet ar gweled anezhi a oa a-walc’h evit laouenaat, KAB 1/58

2. noz eo anezhi, — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 95.)
3. Deiz eo anezhi. — (Nouvelles Conversations en breton et en français, 1857, p. 35.)
   • Antronoz vintin, gwener anezhi ha deiz yun, e ya ar manac'h kuit hep debriñ begad. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 132.)
4. Da verkañ an eur:
   • Kreisteiz anezhi, — (Jules Gros, Le trésor du breton parlé 4, Skol Vreizh, 1989, p. 13.)
   • Peder eur eo anezhi.— (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 99.)
   • A-benn ma vije arru eiz eur anezi. — (Jules Gros, Le trésor du breton parlé Première Partie, 1966, p. 99.)
5. gant un anv-gwan
   • P' en em gavchont e-kreiz an enez, n'oa ket bras anezi, [...]. — (G. MILIN, Gwechall-goz e oa..., Kemper, 1924, p. 60.)
   • Met ar wirionez zo kaer anezi he-unan. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 26.)
6. Deskiñ anezhi: deskiñ ur gentel, gouzout petra zo c'hoarvezet,
   • — [...] ! Disk anezi, va faotr,... ha roust, en em denn ac'halen da glask va gwezenn. — (Ivon Krog, Eur Zac'had Marvailhou, Buhez Breiz, Kemper, 1924, p. 12.)
7. Duañ anezhi: bevañ er baourentez,
   • Ma' m-bije gouezet, e oan chomet er-mêz euz ar vro, ne oan ket deut amañ da zua anezi. — (Jules Gros, Le trésor du breton parlé Deuxième Partie, 1970, p. 145.)
8. Bezañ anezhi (gant un anv-kadarn)
   • Tanfouich ! nann, hounnez ne c'hoarze tamm, al lorgnez a oa anezi, eun dostenn zivalo stag mat he c'hroc'hen ouz he c'hein : [...]. — (Ivon Krog, Eur Zac'had Marvailhou, Buhez Breiz, Kemper, 1924, p. 184.)
   • Homañ a zo eur plah anezi. — (Jules Gros, Le trésor du breton parlé Première Partie, 1966, p. 99.)
   • Lavarout a rin bremañ e oa ur sorserez anezhi. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 206.)
   • N’eus ken met ar spes anezhi, — (Jules Gros, Le trésor du breton parlé Première Partie, 1966, p. 99.)
9. Evel perc'hennañ (-> eus an dra-se) :
   • Gwell a se ma'z eo e-giz ma lavar ar vrud anezi . — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 27.)
10. Furm eus an araogenn eus penn kentañ ul lavarenn:
    • ... ar valizenn a hanterzigoras, hag anezi e kouezas forz pezioù arc'hant gwenn ... — (TAL, p. 8.)

Troioù-lavar

• c'hoari anezhi
• gouzout anezhi
• duañ anezhi
• gweañ anezhi: bevañ en dienez
• kas anezhi : kemer e blijadur
• klevout anezhi: klevout e begement
• ruzañ anezhi : kaout poan o skoulmañ an daou benn
• skoulmañ anezhi : 1) ober marc'had; 2) dimeziñ
• lonkañ anezhi

Daveoù

• ^[1] : Soubenn al laezh, Sonioù Feiz ha Breiz (w.d. 1930)