غــــــروب الشــط

یاهوانته

یایـــوسف زمانک یل سبیت النـــاس

یااجمــــل بشــــر بلکـــون بــس انته

یاریحــــة العنبـــر یارطب گنطــــار

من بسمــــة اشفاک المیــــت عـــدلته

یااجمـل ورد یل بیک عطـــــر الیاس

مـن عطـــرک یناهی الصایم افطــرته

تــرف هاذ الجمال البیک جبته امنیـن

هاذه الکـــــون کــله اعلیک دوخــــته

اذااحچی اعله ثغرک وارداسمع الناس

سنتیــــن ابسکــــر ظلیــــت من بسته

اشگــــد حلـــــوه اولذیــذه بوست اشفا

لأن طعــــم العســل ممزوج وَی شفته

مـــن بسته تهت ما ادری دربی امنیـن

حیــــل اتطوطحت والــــدرب تیهـــته

ردت اوصف جمـــاله واحتـــــرت بیه

تفکیــــــری وگـــف والگــلب سکرته

یاهـــو انته؟ شنهو انته؟

اشــــو کلمن یشــــوفک مات بلسکــته

شعـــرک ایه شعـــرک چـن ظلام الیل

الشمــس لاذت ابســـده ابیــــوم مشطته

ارمـــــوش اسهام ترمی اوحیل چتالات

یاهـــــو الی تنظـره ابعجـــل صـــوبته

علـیک اعیــــون تسحــــر حیل چتالات

منگــــد مـا وسیعــه الوجــــه ماکــــلته

من تمشی اتـــرهدن یاحلو اشمحـــلاک

نگـــــلات الجــــدم ماتنهــیس سکــــته

اذا وصفک ورد اچــــذب تـرانی ابهای

انته الـــورد مـــــن ریحتک عطـــــرته

اوماوصفک گمر لن وکـت النهارایغیب

اوتجی امکانه شمس واتکـون غامـــرته

واذا وصفک شمس لابـــد یجیلــک لیل

اوتحل اعلیک ظلمه اوماهو هیــــچ انته

یانــــور ابحیاتی اوغاطی هاذه الکــون

الدجی ابطلتک حبیـــبی اعتــــقد نورته

یاریم البراری اتمرجح اعــــله اچـــلای

یا اجمــــل جمال ابعمــــــری صادفــته

یاصــــوره ابخیالی العاشت امن اسنیـن

مــــن صغری حبیبی ابذهنی صـــورته

عجز قلمی ابجمالک گلی اوصفه اشلون

اذا انتـــــه الحبــــر بقـــلامی جففــــــته

اوماظلــــت قـــــریحه لافکـــــر لارای

اوشیطــان الشعــــــربگلیبی سکـــــرته

سبیت الناس کلها ابطــــولک الفتـــــان

ولا واحــــــد یشبهک ثاری بــــس انته

گلت بطلت احبن عمــــری عَــدّه اوفات
 

لچــــن انته ابجمالک عمـــری زغرته

کاظم ابوهیثم الحزباوی

بنامحمد

بنا امحمد نــــزل لهـــل الـــدواوین

بناه ابساعد الغیـــره اوسِفا العیــــن

شــرب کاس الألم مــن إید الجروح

اوزعــل شــریان دمه اویل شرایین

کبـــرعمــراللیالی اوذیب الهمــــوم

ذبح شاة الصبـــر مـــن دون سچین

لچــــــن زوم الوکت مایـــوم وطـّاه

اونهت من جـورقهر اللاحگه اسنین

یــذرملح اعله جرحه اوگام علحیـل

یـــروحی امـــن الألم بالـــچ تلویین

عـــلگ عــزته ابریشة جنــــح بــاز

اوتباهه امن الرعـــیع الهاوی الشین

رفض خـــل الــردی اومایوم خاواه

اوصحب خل العفیف الحاوی الزین

کسر قفل الضنک بچفوف من طین

اویود الناس التــــذکره ابناس طیبین

قسم برض الطهاره الحاضنه الطیب

لضع جدمی اعله درب اهل المیامین

مشه اوعــرگ الینگط غیض وعتاب

مشــه ولاصاحـب ایشایـــل وَلیعیـــن

خنگ عبـــرة دمعته ابهـــدوة اللـــیل

اومسحها ابطارف اچفـوف المساچین

دفـــن ظیـــم الیضــکه ابخندق اللــیل

یخاف امــــن الشمـس لتعــلم العیــــن

شعــــل تنـــور صدره ابوگـــــدة الآه

اویطفیـــها ابـــــدمع عیـــــن المحبین

یعنها ابــــلارسن والســـــوط خیـــال

مهرته اومـــــن نخاها الا تخســــرین

میــــزاب الدمع شگ گــــاع الخـدود

او زرع نشوة حزن من کل شبر طین

اوسقط حــــظ الـرجال الصگرت بوم

بـــدل عــزت الطیور الصگر شاهین

عزيزابوعبيرالبريهي

یا شـــــــیطان

یاشـــیطان اتبعد عـــنی اورد لاتگــــرب واتحاچــــینی

لتظــن اقبــل امشـی اویاک اوبــدروب الغــی اتــودیـنی

آنه الماشــی ابمنهــــج طاهـه اومـاأرجعـــلک لتــنادیـنی

وآنه الأعـرف غـدرک وادری ابحقدک تهدرکـل اسنینی

ابسبابة مکـرک تشـّــرلی اوبس اوصلک تفگـس عـینی

انته التکـتـل بیه الفــرحه ابلیــلی اومصباحی اتـواسـینی

وانته ابکاسک تشرب دمی اومن جربة مکرک تسگینی

مهما تخـــدع مهـما تلمــــع لمعــــة کـنـــزک ماتعـمـینی

اومهما تضحک واتضحکنی اومهـما تنحـب واتبچّــینی

ماتگـــدر تجــذب عاطفـتی اشمــا تتحایـــل ماتغـــوینی

آنه المَـهدی ابنـــورالدیــن اوربی ابدرب الحگ هـادینی

وآنه العاشگ طبـــع السمــره ابغمـزة بیضک ماتغرینی

چفـــیتی ابعفـّــه اتـغطـینی اومن حَـــرزلاتک توقـــینی

ماریـــدن تاجـــک یاماکـــر تاجـــک بي ناراوتصلـینی

آنه العاشگ جذع النخله اوعاشگ نهری اوعاشگ طینی

وآنه المفتون اببّرحیتی ام ریـج الحالی اوعـنبی اوتــینی

مــاریـدن بستان اکنـــوزک وابکــل ذهبک ماتـــرشینی

آنه الخاضع بس الربی اوراضی ابــرزقه اشما یعطینی

مهـما تبــــرُم مهـما اتحـــوک اشمـــا تتجــبرماتـلــوینی

ماطخـــنلک مااخضعــلک ماارکـعـلک وابقی ابــــدینی

محــــمدابوعمارالحزباوی

المــــصدر:

مــــــــــیناء القوافی

ابغطامیط الهــوی روحی صــلاها

انصـبت واصـــواب دلالی بـــرمحال

اذا قصدک تحـــن بل وصل چاحــن

ابجفاک الجفـــن یـــرمومای یـــردم

الناهــــی مــادرا ابحـــالی شحـــالی

عفـــتنی وآنه اعـوفک علی ماهـــان

تعال اروینی الک عطشـــان منــــما

علی ارجـــــع یخایــــــب لاهیــــانه

عـــفتنی اوگــمت ادور ونفی منک

کاظم ابوهیثم الحزباوی

یاخـــل الک داراونــــزل برمـــوشی

اولولجلک ابحــوراگطعت برمـــوشی

ادری العــواذل یاتــــرف برمـــوشی

اوحــرمونی شوفک والگلب طرانطر

===

یاخـــل نقی مثـــل الذهــب وصفــنته

اویَمَّک هِـده اعصارالگلب وصفــنته

شــوفک یعالج کِـل مـرض وصفــنته

اتدّاوی الحشا اوتشفی الضغط والسّکر

===

مــوگــدغــــرامک بالگلب ویـــداوی

اووصلک دواایطیب المرض ویداوی

لــــوینجـــمع داوک یَخـَــی ویــداوی

نحـــــرز الفـــوزاوباللِعــب مانخـــسر

===

یحبابی هـــم صـــوبی افتکـرحسبلکم

وآنــــه الـــــذی ابّالی نِمَـــت حسبلکم

الهسّه بگه ابــــذانی یــــــرن حسبلکم

من گـــوطرت گلبی انشلع واتگــنطر

===

محمدابوعمارالحزباوی

لمشاهدة المزید من المیمراضغط هنا

مـــن هجــرک یخل چن دمعی شلال

اوتغیـــرلــونه دمعی اوصاراســــود

کحــــل ظنــــیت لاچــن ماطلع هیچ

اثاری العـــین الک ذابت عــله الخد

===

احس گلبی الصلف بــس لجلک ایمیل

واحس روحی اطلعت مـن ودعــیتک

ادفنــت جثـــمان روحی ابغــیرتغسیل

اوشلت جسمی اوعفت روحی اوإجیتک

===

احـــس حــبک بحـــروبجـــــرفه مینا

واحــس روحی سفیـــنه اوگلبی مرسه

حچــت عینی اویعینک واغرمت بیک

اوعمت عینه الیگـــول العین خـــرسه

عزیزابوعبیرالبریهی

عــضیـدک لووگع فــدیــوم همــلا

الجدم وابقی ابحزن یاصاح همــلا

لــون قاسی ابمحنته اویاک همــلا

تــــذمــه ابیـــوم جــــدام البــریه

===

جـرحک لـوعضیدک یــوم شلبی

جـبل حمـریـن بسمه ابــزودشلبی

لچــن بالک تگــول ابیـوم شلبی

الإخـــولـــن لإخــوهیـــبه وتچیه
 

أحمدالحاج سبهان الحزباوی

یامحب رادونی اوصفک

ظنو العذال بوصافک یخل بیه الشـّعور

مادرو حته القریحه المیته من ینجاب اسمک

تشرگ اللحد اوتثور

اومادروبیک الحیاة اتعود ترجع حته لصحاب القبور

اومادرو کل المشاعر بیک تسّودن تهیج اوتبحر ابکل البحور

وآنه من رادونی اوصفک جاشت ابروحی القریحه ابکل غرور

اوحضـّرت قلمی اوورگتی اوقلمی گام ایبوس بشفاف السّطور

واول اوصافک حبیبی انته نور

انته شمعه اوحبک اتجسده الفراشه

اوتشتعل لجل الحبیب اوبلعشگ دایم تنور

انته ریحان البساتین الجمیله

انته خل عطـّرخلیله امن احترگ مثل البخور

وانته عطر الشـّوگ کله السّاکن ابگلب الزّهور

انته مای العاشگ الگاع اوبذرها اوکل أرض دونک تبور

اولوشفت حاجز یمنعک عن حبیبک

تصعدابصورة بخار اوبسّما اغیوم اوتدور

اومن تشوف ابذورمیته،

تنهمل مثل الدّموع اوتنزل اتنعش البذور

انته قطرات النده المثل البلور

اولو شفت زعلت وردتک تنزل الها اتبوسهه ابوکت السّحور

انته ضفتین النهر حبک وصلها،

اوللحبایب تجعل اضلوعک جسور

انته حارس تنطر اعشوش النـّوارس،

انته محصول المدابس انته دبس البتـّــمور

انته بسمه ابشفـّة اطفال المدارس،

انته سالوفة مجالس تنحچی ابکل العصور

انته وگده ابموگد النـّشمی الکـــریم اودلـّـته ابحضنک تفـــور

انته قمة جبل عالی اوعله امتونک حامل اوکار الصّگور

انته بیت الطـّین گلبک،

یجذب الخطـّاف حبک کل سنه ابّیتک یزور

انته جنحان الحمامه،انته دمعات الیتامه الفطرت گلب الغیور

انته لضّایع علامه، انته لصّایم غمامه اوتمطر ابوکت الفطور

انته فکره ابذهن شاعر یملک احساس اوشعور

انته بلبل غرد ابروض المحبه،

توصل السّمع الحبیب اوتشتل ابگلبه السّرور

انته قطرات الغرام الوصلت الگلب الصّخور

انته نهر الفر نواعیر المحبه وانته محور کل نواعیر التـّدور

انته مرسال المحبه المُرسل ابجنح الطـّــیور

انته مهما اتغیب ترجع،

بــین فتره اوفتره تظهرتبرز اوتعلن حضور

انته موعود الخلیج الضـّــاگت الحلقه ابرگبته اوینتظرمنک ظهور

انته حبک ساکن ابلب الغیاره

اوموگد العذال هافت مایمس حته القشور

مـــحمدابوعمارالحزباوی

حبــــيبي ابسبب هجــــرانه لعـــله

ابگلبی او نــــوحی ازیــــدنه لعله

اصبحت سایــــل ودگ بابه لعـــله

ینظـــــر حالـــــتی او یعطف علیه

شبــــنی والبنــــیته انهــــدم بس لو

بگالی اوگمت اصیح اهوای بس لو

تجی او نگضی لیالی السمر بس لو

انتشابگ ســــوا او نلعب طوطحیه

 کاظم ابوهیثم الحزباوی